ಅಸ್ಯ ಶ್ರೀವಾರಾಹೀಕವಚಸ್ಯ ತ್ರಿಲೋಚನ ಋಷಿಃ, ಅನುಷ್ಟುಪ್ ಛನ್ದಃ, ಶ್ರೀವಾರಾಹೀ ದೇವತಾ, ಓಂ ಬೀಜಂ, ಗ್ಲೌಂ ಶಕ್ತಿಃ, ಸ್ವಾಹೇತಿ ಕೀಲಕಂ, ಮಮ ಸರ್ವಶತ್ರುನಾಶನಾರ್ಥೇ ಜಪೇ ವಿನಿಯೋಗಃ ॥

ಧ್ಯಾನಮ್ ।
ಧ್ಯಾತ್ವೇನ್ದ್ರನೀಲವರ್ಣಾಭಾಂ ಚನ್ದ್ರಸೂರ್ಯಾಗ್ನಿಲೋಚನಾಮ್ ।
ವಿಧಿವಿಷ್ಣುಹರೇನ್ದ್ರಾದಿ ಮಾತೃಭೈರವಸೇವಿತಾಮ್ ॥ 1 ॥

ಜ್ವಲನ್ಮಣಿಗಣಪ್ರೋಕ್ತಮಕುಟಾಮಾವಿಲಮ್ಬಿತಾಮ್ ।
ಅಸ್ತ್ರಶಸ್ತ್ರಾಣಿ ಸರ್ವಾಣಿ ತತ್ತತ್ಕಾರ್ಯೋಚಿತಾನಿ ಚ ॥ 2 ॥

ಏತೈಃ ಸಮಸ್ತೈರ್ವಿವಿಧಂ ಬಿಭ್ರತೀಂ ಮುಸಲಂ ಹಲಮ್ ।
ಪಾತ್ವಾ ಹಿಂಸ್ರಾನ್ ಹಿ ಕವಚಂ ಭುಕ್ತಿಮುಕ್ತಿಫಲಪ್ರದಮ್ ॥ 3 ॥

ಪಠೇತ್ತ್ರಿಸನ್ಧ್ಯಂ ರಕ್ಷಾರ್ಥಂ ಘೋರಶತ್ರುನಿವೃತ್ತಿದಮ್ ।
ವಾರ್ತಾಲೀ ಮೇ ಶಿರಃ ಪಾತು ಘೋರಾಹೀ ಫಾಲಮುತ್ತಮಮ್ ॥ 4 ॥

ನೇತ್ರೇ ವರಾಹವದನಾ ಪಾತು ಕರ್ಣೌ ತಥಾಞ್ಜನೀ ।
ಘ್ರಾಣಂ ಮೇ ರುನ್ಧಿನೀ ಪಾತು ಮುಖಂ ಮೇ ಪಾತು ಜಮ್ಭಿನೀ ॥ 5 ॥

ಪಾತು ಮೇ ಮೋಹಿನೀ ಜಿಹ್ವಾಂ ಸ್ತಮ್ಭಿನೀ ಕಣ್ಠಮಾದರಾತ್ ।
ಸ್ಕನ್ಧೌ ಮೇ ಪಞ್ಚಮೀ ಪಾತು ಭುಜೌ ಮಹಿಷವಾಹನಾ ॥ 6 ॥

ಸಿಂಹಾರೂಢಾ ಕರೌ ಪಾತು ಕುಚೌ ಕೃಷ್ಣಮೃಗಾಞ್ಚಿತಾ ।
ನಾಭಿಂ ಚ ಶಙ್ಖಿನೀ ಪಾತು ಪೃಷ್ಠದೇಶೇ ತು ಚಕ್ರಿಣಿ ॥ 7 ॥

ಖಡ್ಗಂ ಪಾತು ಚ ಕಟ್ಯಾಂ ಮೇ ಮೇಢ್ರಂ ಪಾತು ಚ ಖೇದಿನೀ ।
ಗುದಂ ಮೇ ಕ್ರೋಧಿನೀ ಪಾತು ಜಘನಂ ಸ್ತಮ್ಭಿನೀ ತಥಾ ॥ 8 ॥

ಚಣ್ಡೋಚ್ಚಣ್ಡಶ್ಚೋರುಯುಗ್ಮಂ ಜಾನುನೀ ಶತ್ರುಮರ್ದಿನೀ ।
ಜಙ್ಘಾದ್ವಯಂ ಭದ್ರಕಾಳೀ ಮಹಾಕಾಳೀ ಚ ಗುಲ್ಫಯೋಃ ॥ 9 ॥

ಪಾದಾದ್ಯಙ್ಗುಳಿಪರ್ಯನ್ತಂ ಪಾತು ಚೋನ್ಮತ್ತಭೈರವೀ ।
ಸರ್ವಾಙ್ಗಂ ಮೇ ಸದಾ ಪಾತು ಕಾಲಸಙ್ಕರ್ಷಣೀ ತಥಾ ॥ 10 ॥

ಯುಕ್ತಾಯುಕ್ತಸ್ಥಿತಂ ನಿತ್ಯಂ ಸರ್ವಪಾಪಾತ್ಪ್ರಮುಚ್ಯತೇ ।
ಸರ್ವೇ ಸಮರ್ಥ್ಯ ಸಂಯುಕ್ತಂ ಭಕ್ತರಕ್ಷಣತತ್ಪರಮ್ ॥ 11 ॥

ಸಮಸ್ತದೇವತಾ ಸರ್ವಂ ಸವ್ಯಂ ವಿಷ್ಣೋಃ ಪುರಾರ್ಧನೇ ।
ಸರ್ವಶತ್ರುವಿನಾಶಾಯ ಶೂಲಿನಾ ನಿರ್ಮಿತಂ ಪುರಾ ॥ 12 ॥

ಸರ್ವಭಕ್ತಜನಾಶ್ರಿತ್ಯ ಸರ್ವವಿದ್ವೇಷಸಂಹತಿಃ ।
ವಾರಾಹೀ ಕವಚಂ ನಿತ್ಯಂ ತ್ರಿಸನ್ಧ್ಯಂ ಯಃ ಪಠೇನ್ನರಃ ॥ 13 ॥

ತಥಾ ವಿಧಂ ಭೂತಗಣಾ ನ ಸ್ಪೃಶನ್ತಿ ಕದಾಚನ ।
ಆಪದಃ ಶತ್ರುಚೋರಾದಿ ಗ್ರಹದೋಷಾಶ್ಚ ಸಮ್ಭವಾಃ ॥ 14 ॥

ಮಾತಾ ಪುತ್ರಂ ಯಥಾ ವತ್ಸಂ ಧೇನುಃ ಪಕ್ಷ್ಮೇವ ಲೋಚನಮ್ ।
ತಥಾಙ್ಗಮೇವ ವಾರಾಹೀ ರಕ್ಷಾ ರಕ್ಷಾತಿ ಸರ್ವದಾ ॥ 15 ॥

ಇತಿ ಶ್ರೀರುದ್ರಯಾಮಲತನ್ತ್ರೇ ಶ್ರೀ ವಾರಾಹೀ ಕವಚಮ್ ॥