ನಮೋಽಸ್ತು ದೇವೀ ವಾರಾಹೀ ಜಯೈಕಾರಸ್ವರೂಪಿಣಿ ।
ಜಪಿತ್ವಾ ಭೂಮಿರೂಪೇಣ ನಮೋ ಭಗವತೀ ಪ್ರಿಯೇ ॥ 1 ॥

ಜಯ ಕ್ರೋಡಾಸ್ತು ವಾರಾಹೀ ದೇವೀ ತ್ವಂ ಚ ನಮಾಮ್ಯಹಮ್ ।
ಜಯ ವಾರಾಹಿ ವಿಶ್ವೇಶೀ ಮುಖ್ಯವಾರಾಹಿ ತೇ ನಮಃ ॥ 2 ॥

ಮುಖ್ಯವಾರಾಹಿ ವನ್ದೇ ತ್ವಾಂ ಅನ್ಧೇ ಅನ್ಧಿನಿ ತೇ ನಮಃ ।
ಸರ್ವದುಷ್ಟಪ್ರದುಷ್ಟಾನಾಂ ವಾಕ್‍ಸ್ತಮ್ಭನಕರೀ ನಮಃ ॥ 3 ॥

ನಮಃ ಸ್ತಮ್ಭಿನಿ ಸ್ತಮ್ಭೇ ತ್ವಾಂ ಜೃಮ್ಭೇ ಜೃಮ್ಭಿಣಿ ತೇ ನಮಃ ।
ರುನ್ಧೇ ರುನ್ಧಿನಿ ವನ್ದೇ ತ್ವಾಂ ನಮೋ ದೇವೀ ತು ಮೋಹಿನೀ ॥ 4 ॥

ಸ್ವಭಕ್ತಾನಾಂ ಹಿ ಸರ್ವೇಷಾಂ ಸರ್ವಕಾಮಪ್ರದೇ ನಮಃ ।
ಬಾಹ್ವೋಃ ಸ್ತಮ್ಭಕರೀ ವನ್ದೇ ತ್ವಾಂ ಜಿಹ್ವಾಸ್ತಮ್ಭಕಾರಿಣೀ ॥ 5 ॥

ಸ್ತಮ್ಭನಂ ಕುರು ಶತ್ರೂಣಾಂ ಕುರು ಮೇ ಶತ್ರುನಾಶನಮ್ ।
ಶೀಘ್ರಂ ವಶ್ಯಂ ಚ ಕುರುತೇ ಯೋಽಗ್ನೌ ವಾಚಾತ್ಮಿಕೇ ನಮಃ ॥ 6 ॥

ಠಚತುಷ್ಟಯರೂಪೇ ತ್ವಾಂ ಶರಣಂ ಸರ್ವದಾ ಭಜೇ ।
ಹೋಮಾತ್ಮಕೇ ಫಡ್ರೂಪೇಣ ಜಯ ಆದ್ಯಾನನೇ ಶಿವೇ ॥ 7 ॥

ದೇಹಿ ಮೇ ಸಕಲಾನ್ ಕಾಮಾನ್ ವಾರಾಹೀ ಜಗದೀಶ್ವರೀ ।
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ನಮೋ ನಮಃ ॥ 8 ॥

ಇದಮಾದ್ಯಾನನಾ ಸ್ತೋತ್ರಂ ಸರ್ವಪಾಪವಿನಾಶನಮ್ ।
ಪಠೇದ್ಯಃ ಸರ್ವದಾ ಭಕ್ತ್ಯಾ ಪಾತಕೈರ್ಮುಚ್ಯತೇ ತಥಾ ॥ 9 ॥

ಲಭನ್ತೇ ಶತ್ರವೋ ನಾಶಂ ದುಃಖರೋಗಾಪಮೃತ್ಯವಃ ।
ಮಹದಾಯುಷ್ಯಮಾಪ್ನೋತಿ ಅಲಕ್ಷ್ಮೀರ್ನಾಶಮಾಪ್ನುಯಾತ್ ॥ 10 ॥

ಇತಿ ಶ್ರೀ ಆದಿವಾರಾಹೀ ಸ್ತೋತ್ರಮ್ ।