అరుణోదయసఙ్కాశం నీలకుణ్డలధారణమ్ ।
నీలామ్బరధరం దేవం వన్దేఽహం బ్రహ్మనన్దనమ్ ॥ 1 ॥

చాపబాణం వామహస్తే రౌప్యవీత్రం చ దక్షిణే । [చిన్ముద్రాం దక్షిణకరే]
విలసత్కుణ్డలధరం వన్దేఽహం విష్ణునన్దనమ్ ॥ 2 ॥

వ్యాఘ్రారూఢం రక్తనేత్రం స్వర్ణమాలావిభూషణమ్ ।
వీరాపట్టధరం దేవం వన్దేఽహం శమ్భునన్దనమ్ ॥ 3 ॥

కిఙ్కిణ్యోడ్యాన భూతేశం పూర్ణచన్ద్రనిభాననమ్ ।
కిరాతరూప శాస్తారం వన్దేఽహం పాణ్డ్యనన్దనమ్ ॥ 4 ॥

భూతభేతాళసంసేవ్యం కాఞ్చనాద్రినివాసితమ్ ।
మణికణ్ఠమితి ఖ్యాతం వన్దేఽహం శక్తినన్దనమ్ ॥ 5 ॥

ఇతి శ్రీ అయ్యప్ప స్తోత్రమ్ ।