శ్రితానన్ద చిన్తామణి శ్రీనివాసం
సదా సచ్చిదానన్ద పూర్ణప్రకాశమ్ ।
ఉదారం సుదారం సురాధారమీశం
పరం జ్యోతిరూపం భజే భూతనాథమ్ ॥ 1

విభుం వేదవేదాన్తవేద్యం వరిష్ఠం
విభూతిప్రదం విశ్రుతం బ్రహ్మనిష్ఠమ్ ।
విభాస్వత్ప్రభావప్రభం పుష్కలేష్టం
పరం జ్యోతిరూపం భజే భూతనాథమ్ ॥ 2

పరిత్రాణదక్షం పరబ్రహ్మసూత్రం
స్ఫురచ్చారుగాత్రం భవధ్వాన్తమిత్రమ్ ।
పరం ప్రేమపాత్రం పవిత్రం విచిత్రం
పరం జ్యోతిరూపం భజే భూతనాథమ్ ॥ 3

పరేశం ప్రభుం పూర్ణకారుణ్యరూపం
గిరీశాధిపీఠోజ్జ్వలచ్చారుదీపమ్ ।
సురేశాదిసంసేవితం సుప్రతాపం
పరం జ్యోతిరూపం భజే భూతనాథమ్ ॥ 4

హరీశానసంయుక్తశక్త్యేకవీరం
కిరాతావతారం కృపాపాఙ్గపూరమ్ ।
కిరీటావతంసోజ్జ్వలత్ పిఞ్ఛభారం
పరం జ్యోతిరూపం భజే భూతనాథమ్ ॥ 5

గురుం పూర్ణలావణ్యపాదాదికేశం
గరీయం మహాకోటిసూర్యప్రకాశమ్ ।
కరామ్భోరుహన్యస్తవేత్రం సురేశం
పరం జ్యోతిరూపం భజే భూతనాథమ్ ॥ 6

మహాయోగపీఠే జ్వలన్తం మహాన్తం
మహావాక్యసారోపదేశం సుశాన్తమ్ ।
మహర్షిప్రహర్షప్రదం జ్ఞానకన్దం
పరం జ్యోతిరూపం భజే భూతనాథమ్ ॥ 7

మహారణ్యమన్మానసాన్తర్నివాసాన్
అహఙ్కారదుర్వారహిం‍స్రా మృగాదీన్ ।
హరన్తం కిరాతావతారం చరన్తం [నిహన్తం]
పరం జ్యోతిరూపం భజే భూతనాథమ్ ॥ 8

పృథివ్యాదిభూత ప్రపఞ్చాన్తరస్థం
పృథగ్భూతచైతన్యజన్యం ప్రశస్తమ్ ।
ప్రధానం ప్రమాణం పురాణప్రసిద్ధం
పరం జ్యోతిరూపం భజే భూతనాథమ్ ॥ 9

జగజ్జీవనం పావనం భావనీయం
జగద్వ్యాపకం దీపకం మోహనీయమ్ ।
సుఖాధారమాధారభూతం తురీయం
పరం జ్యోతిరూపం భజే భూతనాథమ్ ॥ 10

ఇహాముత్ర సత్సౌఖ్యసమ్పన్నిధానం
మహద్యోనిమవ్యాహతాత్మాభిధానమ్ ।
అహః పుణ్డరీకాననం దీప్యమానం
పరం జ్యోతిరూపం భజే భూతనాథమ్ ॥ 11

త్రికాలస్థితం సుస్థిరం జ్ఞానసంస్థం
త్రిధామ త్రిమూర్త్యాత్మకం బ్రహ్మసంస్థమ్ ।
త్రయీమూర్తిమార్తిచ్ఛిదం శక్తియుక్తం
పరం జ్యోతిరూపం భజే భూతనాథమ్ ॥ 12

ఇడాం పిఙ్గళాం సత్సుషుమ్నాం విశన్తం
స్ఫుటం బ్రహ్మరన్ధ్ర స్వతన్త్రం సుశాన్తమ్ ।
దృఢం నిత్య నిర్వాణముద్భాసయన్తం
పరం జ్యోతిరూపం భజే భూతనాథమ్ ॥ 13

అణుబ్రహ్మపర్యన్త జీవైక్యబిమ్బం
గుణాకారమత్యన్తభక్తానుకమ్పమ్ ।
అనర్ఘం శుభోదర్కమాత్మావలమ్బం
పరం జ్యోతిరూపం భజే భూతనాథమ్ ॥ 14

ఇతి ధర్మశాస్తా భుజఙ్గ స్తోత్రమ్ ।