మహాశాస్తా మహాదేవో మహాదేవసుతోఽవ్యయః ।
లోకకర్తా లోకభర్తా లోకహర్తా పరాత్పరః ॥ 1 ॥

త్రిలోకరక్షకో ధన్వీ తపస్వీ భూతసైనికః ।
మన్త్రవేదీ మహావేదీ మారుతో జగదీశ్వరః ॥ 2 ॥

లోకాధ్యక్షోఽగ్రణీః శ్రీమానప్రమేయపరాక్రమః ।
సింహారూఢో గజారూఢో హయారూఢో మహేశ్వరః ॥ 3 ॥

నానాశస్త్రధరోఽనర్ఘో నానావిద్యావిశారదః ।
నానారూపధరో వీరో నానాప్రాణినిషేవితః ॥ 4 ॥

భూతేశో భూతితో భృత్యో భుజఙ్గాభరణోజ్వలః ।
ఇక్షుధన్వీ పుష్పబాణో మహారూపో మహాప్రభుః ॥ 5 ॥

మాయాదేవీసుతో మాన్యో మహనీయో మహాగుణః ।
మహాశైవో మహారుద్రో వైష్ణవో విష్ణుపూజకః ॥ 6 ॥

విఘ్నేశో వీరభద్రేశో భైరవో షణ్ముఖప్రియః ।
మేరుశృఙ్గసమాసీనో మునిసఙ్ఘనిషేవితః ॥ 7 ॥

దేవో భద్రో జగన్నాథో గణనాథో గణేశ్వరః ।
మహాయోగీ మహామాయీ మహాజ్ఞానీ మహాస్థిరః ॥ 8 ॥

దేవశాస్తా భూతశాస్తా భీమహాసపరాక్రమః ।
నాగహారో నాగకేశో వ్యోమకేశః సనాతనః ॥ 9 ॥

సగుణో నిర్గుణో నిత్యో నిత్యతృప్తో నిరాశ్రయః ।
లోకాశ్రయో గణాధీశశ్చతుష్షష్టికలామయః ॥ 10 ॥

ఋగ్యజుఃసామథర్వాత్మా మల్లకాసురభఞ్జనః ।
త్రిమూర్తి దైత్యమథనః ప్రకృతిః పురుషోత్తమః ॥ 11 ॥

కాలజ్ఞానీ మహాజ్ఞానీ కామదః కమలేక్షణః ।
కల్పవృక్షో మహావృక్షో విద్యావృక్షో విభూతిదః ॥ 12 ॥

సంసారతాపవిచ్ఛేత్తా పశులోకభయఙ్కరః ।
రోగహన్తా ప్రాణదాతా పరగర్వవిభఞ్జనః ॥ 13 ॥

సర్వశాస్త్రార్థతత్వజ్ఞో నీతిమాన్ పాపభఞ్జనః ।
పుష్కలాపూర్ణాసంయుక్తః పరమాత్మా సతాఙ్గతిః ॥ 14 ॥

అనన్తాదిత్యసఙ్కాశః సుబ్రహ్మణ్యానుజో బలీ ।
భక్తానుకమ్పీ దేవేశో భగవాన్ భక్తవత్సలః ॥ 15 ॥