ශ්රීදේව්යුවාච-
භගවන් දේවදේවේශ සර්වජ්ඤ ත්රිපුරාංතක ।
ප්රාප්තේ කලියුගේ ඝෝරේ මහාභූතෛඃ සමාවෘතේ ॥ 1

මහාව්යාධි මහාව්යාළ ඝෝරරාජෛඃ සමාවෘතේ ।
දුඃස්වප්නශෝකසංතාපෛඃ දුර්විනීතෛඃ සමාවෘතේ ॥ 2

ස්වධර්මවිරතේමාර්ගේ ප්රවෘත්තේ හෘදි සර්වදා ।
තේෂාං සිද්ධිං ච මුක්තිං ච ත්වං මේ බ්රූහි වෘෂද්වජ ॥ 3

ඊශ්වර උවාච-
ශෘණු දේවි මහාභාගේ සර්වකළ්යාණකාරණේ ।
මහාශාස්තුශ්ච දේවේශි කවචං පුණ්යවර්ධනම් ॥ 4

අග්නිස්තංභ ජලස්තංභ සේනාස්තංභ විධායකම් ।
මහාභූතප්රශමනං මහාව්යාධිනිවාරණම් ॥ 5

මහාජ්ඤානප්රදං පුණ්යං විශේෂාත් කලිතාපහම් ।
සර්වරක්ෂෝත්තමං පුංසාං ආයුරාරෝග්යවර්ධනම් ॥ 6

කිමතෝ බහුනෝක්තේන යං යං කාමයතේ ද්විජඃ ।
තං තමාප්නෝත්යසංදේහෝ මහාශාස්තුඃ ප්රසාදනාත් ॥ 7

කවචස්ය ඍෂිර්බ්රහ්මා ගායත්රීඃ ඡංද උච්යතේ ।
දේවතා ශ්රීමහාශාස්තා දේවෝ හරිහරාත්මජඃ ॥ 8

ෂඩංගමාචරේද්භක්ත්යා මාත්රයා ජාතියුක්තයා ।
ධ්යානමස්ය ප්රවක්ෂ්යාමි ශෘණුෂ්වාවහිතා ප්රියේ ॥ 9

අස්ය ශ්රී මහාශාස්තුඃ කවචමංත්රස්ය । බ්රහ්මා ඍෂිඃ । ගායත්රීඃ ඡංදඃ । මහාශාස්තා දේවතා । හ්රාං බීජම් । හ්රීං ශක්තිඃ । හ්රූං කීලකම් । ශ්රී මහාශාස්තුඃ ප්රසාද සිද්ධ්යර්ථේ ජපේ විනියෝගඃ ॥

හ්රාං ඉත්යාදි ෂඩංගන්යාසඃ ॥

ධ්යානම්-
තේජෝමංඩලමධ්යගං ත්රිනයනං දිව්යාංබරාලංකෘතං
දේවං පුෂ්පශරේක්ෂුකාර්මුක ලසන්මාණික්යපාත්රාऽභයම් ।
බිභ්රාණං කරපංකජෛඃ මදගජ ස්කංධාධිරූඪං විභුං
ශාස්තාරං ශරණං භජාමි සතතං ත්රෛලෝක්ය සංමෝහනම් ॥

මහාශාස්තා ශිරඃ පාතු ඵාලං හරිහරාත්මජඃ ।
කාමරූපී දෘශං පාතු සර්වජ්ඤෝ මේ ශ්රුතිං සදා ॥ 1

ඝ්රාණං පාතු කෘපාධ්යක්ෂඃ මුඛං ගෞරීප්රියඃ සදා ।
වේදාධ්යායී ච මේ ජිහ්වාං පාතු මේ චිබුකං ගුරුඃ ॥ 2

කංඨං පාතු විශුද්ධාත්මා ස්කංධෞ පාතු සුරාර්චිතඃ ।
බාහූ පාතු විරූපාක්ෂඃ කරෞ තු කමලාප්රියඃ ॥ 3

භූතාධිපෝ මේ හෘදයං මධ්යං පාතු මහාබලඃ ।
නාභිං පාතු මහාවීරඃ කමලාක්ෂෝऽවතු කටිම් ॥ 4

සනීපං පාතු විශ්වේශඃ ගුහ්යං ගුහ්යාර්ථවිත්සදා ।
ඌරූ පාතු ගජාරූඪඃ වජ්රධාරී ච ජානුනී ॥ 5

ජංඝේ පාත්වංකුශධරඃ පාදෞ පාතු මහාමතිඃ ।
සර්වාංගං පාතු මේ නිත්යං මහාමායාවිශාරදඃ ॥ 6

ඉතීදං කවචං පුණ්යං සර්වාඝෞඝනිකෘංතනම් ।
මහාව්යාධිප්රශමනං මහාපාතකනාශනම් ॥ 7

ජ්ඤානවෛරාග්යදං දිව්යමණිමාදිවිභූෂිතම් ।
ආයුරාරෝග්යජනනං මහාවශ්යකරං පරම් ॥ 8

යං යං කාමයතේ කාමං තං තමාප්නෝත්යසංශයඃ ।
ත්රිසංධ්යං යඃ පඨේද්විද්වාන් ස යාති පරමාං ගතිම් ॥

ඉති ශ්රී මහාශාස්තා අනුග්රහ කවචම් ।