ශ්රිතානංද චිංතාමණි ශ්රීනිවාසං
සදා සච්චිදානංද පූර්ණප්රකාශම් ।
උදාරං සුදාරං සුරාධාරමීශං
පරං ජ්යෝතිරූපං භජේ භූතනාථම් ॥ 1

විභුං වේදවේදාංතවේද්යං වරිෂ්ඨං
විභූතිප්රදං විශ්රුතං බ්රහ්මනිෂ්ඨම් ।
විභාස්වත්ප්රභාවප්රභං පුෂ්කලේෂ්ටං
පරං ජ්යෝතිරූපං භජේ භූතනාථම් ॥ 2

පරිත්රාණදක්ෂං පරබ්රහ්මසූත්රං
ස්ඵුරච්චාරුගාත්රං භවධ්වාංතමිත්රම් ।
පරං ප්රේමපාත්රං පවිත්රං විචිත්රං
පරං ජ්යෝතිරූපං භජේ භූතනාථම් ॥ 3

පරේශං ප්රභුං පූර්ණකාරුණ්යරූපං
ගිරීශාධිපීඨෝජ්ජ්වලච්චාරුදීපම් ।
සුරේශාදිසංසේවිතං සුප්රතාපං
පරං ජ්යෝතිරූපං භජේ භූතනාථම් ॥ 4

හරීශානසංයුක්තශක්ත්යේකවීරං
කිරාතාවතාරං කෘපාපාංගපූරම් ।
කිරීටාවතංසෝජ්ජ්වලත් පිංඡභාරං
පරං ජ්යෝතිරූපං භජේ භූතනාථම් ॥ 5

ගුරුං පූර්ණලාවණ්යපාදාදිකේශං
ගරීයං මහාකෝටිසූර්යප්රකාශම් ।
කරාංභෝරුහන්යස්තවේත්රං සුරේශං
පරං ජ්යෝතිරූපං භජේ භූතනාථම් ॥ 6

මහායෝගපීඨේ ජ්වලංතං මහාංතං
මහාවාක්යසාරෝපදේශං සුශාංතම් ।
මහර්ෂිප්රහර්ෂප්රදං ජ්ඤානකංදං
පරං ජ්යෝතිරූපං භජේ භූතනාථම් ॥ 7

මහාරණ්යමන්මානසාංතර්නිවාසාන්
අහංකාරදුර්වාරහිං‍ස්රා මෘගාදීන් ।
හරංතං කිරාතාවතාරං චරංතං [නිහංතං]
පරං ජ්යෝතිරූපං භජේ භූතනාථම් ॥ 8

පෘථිව්යාදිභූත ප්රපංචාංතරස්ථං
පෘථග්භූතචෛතන්යජන්යං ප්රශස්තම් ।
ප්රධානං ප්රමාණං පුරාණප්රසිද්ධං
පරං ජ්යෝතිරූපං භජේ භූතනාථම් ॥ 9

ජගජ්ජීවනං පාවනං භාවනීයං
ජගද්ව්යාපකං දීපකං මෝහනීයම් ।
සුඛාධාරමාධාරභූතං තුරීයං
පරං ජ්යෝතිරූපං භජේ භූතනාථම් ॥ 10

ඉහාමුත්ර සත්සෞඛ්යසංපන්නිධානං
මහද්යෝනිමව්යාහතාත්මාභිධානම් ।
අහඃ පුංඩරීකානනං දීප්යමානං
පරං ජ්යෝතිරූපං භජේ භූතනාථම් ॥ 11

ත්රිකාලස්ථිතං සුස්ථිරං ජ්ඤානසංස්ථං
ත්රිධාම ත්රිමූර්ත්යාත්මකං බ්රහ්මසංස්ථම් ।
ත්රයීමූර්තිමාර්තිච්ඡිදං ශක්තියුක්තං
පරං ජ්යෝතිරූපං භජේ භූතනාථම් ॥ 12

ඉඩාං පිංගළාං සත්සුෂුම්නාං විශංතං
ස්ඵුටං බ්රහ්මරංධ්ර ස්වතංත්රං සුශාංතම් ।
දෘඪං නිත්ය නිර්වාණමුද්භාසයංතං
පරං ජ්යෝතිරූපං භජේ භූතනාථම් ॥ 13

අණුබ්රහ්මපර්යංත ජීවෛක්යබිංබං
ගුණාකාරමත්යංතභක්තානුකංපම් ।
අනර්ඝං ශුභෝදර්කමාත්මාවලංබං
පරං ජ්යෝතිරූපං භජේ භූතනාථම් ॥ 14

ඉති ධර්මශාස්තා භුජංග ස්තෝත්රම් ।