නවග්රහ ධ්යාන ශ්ලෝකම්
ආදිත්යාය ච සෝමාය මංගළාය බුධාය ච ।
ගුරු ශුක්ර ශනිභ්යශ්ච රාහවේ කේතවේ නමඃ ॥

රවිඃ
ජපාකුසුම සංකාශං කාශ්යපේයං මහාද්යුතිම් ।
තමෝऽරිං සර්ව පාපඝ්නං ප්රණතෝස්මි දිවාකරම් ॥

චංද්රඃ
දධිශංඛ තුෂාරාභං ක්ෂීරාර්ණව සමුද්භවම් (ක්ෂීරෝදාර්ණව සංභවම්) ।
නමාමි ශශිනං සෝමං ශංභෝ-ර්මකුට භූෂණම් ॥

කුජඃ
ධරණී ගර්භ සංභූතං විද්යුත්කාංති සමප්රභම් ।
කුමාරං ශක්තිහස්තං තං කුජං [මංගළං] ප්රණමාම්යහම් ॥

බුධඃ
ප්රියංගු කලිකාශ්යාමං රූපේණා ප්රතිමං බුධම් ।
සෞම්යං සෞම්ය (සත්ව) ගුණෝපේතං තං බුධං ප්රණමාම්යහම් ॥

ගුරුඃ
දේවානාං ච ඍෂීණාං ච ගුරුං කාංචනසන්නිභම් ।
බුද්ධිමංතං ත්රිලෝකේශං තං නමාමි බෘහස්පතිම් ॥

ශුක්රඃ
හිමකුංද මෘණාළාභං දෛත්යානං පරමං ගුරුම් ।
සර්වශාස්ත්ර ප්රවක්තාරං භාර්ගවං ප්රණමාම්යහම් ॥

ශනිඃ
නීලාංජන සමාභාසං රවිපුත්රං යමාග්රජම් ।
ඡායා මාර්තාංඩ සංභූතං තං නමාමි ශනෛශ්චරම් ॥

රාහුඃ
අර්ධකායං මහාවීරං චංද්රාදිත්ය විමර්ධනම් ।
සිංහිකා ගර්භ සංභූතං තං රාහුං ප්රණමාම්යහම් ॥

කේතුඃ
පලාශ පුෂ්ප සංකාශං තාරකාග්රහමස්තකම් ।
රෞද්රං රෞද්රාත්මකං ඝෝරං තං කේතුං ප්රණමාම්යහම් ॥

ඵලශ්රුතිඃ
ඉති ව්යාස මුඛෝද්ගීතං යඃ පඨේත්සු සමාහිතඃ ।
දිවා වා යදි වා රාත්රෞ විඝ්නශාංති-ර්භවිෂ්යති ॥

නරනාරී-නෘපාණාං ච භවේ-ද්දුඃස්වප්න-නාශනම් ।
ඓශ්වර්යමතුලං තේෂාමාරෝග්යං පුෂ්ටි වර්ධනම් ॥

ග්රහනක්ෂත්රජාඃ පීඩාස්තස්කරාග්නි සමුද්භවාඃ ।
තාස්සර්වාඃ ප්රශමං යාංති ව්යාසෝ බ්රූතේ න සංශයඃ ॥

ඉති ව්යාස විරචිතං නවග්රහ ස්තෝත්රං සංපූර්ණම් ।