𑌨𑌵𑌗𑍍𑌰𑌹 𑌧𑍍𑌯𑌾𑌨 𑌶𑍍𑌲𑍋𑌕𑌮𑍍
𑌆𑌦𑌿𑌤𑍍𑌯𑌾𑌯 𑌚 𑌸𑍋𑌮𑌾𑌯 𑌮𑌂𑌗𑌳𑌾𑌯 𑌬𑍁𑌧𑌾𑌯 𑌚 ।
𑌗𑍁𑌰𑍁 𑌶𑍁𑌕𑍍𑌰 𑌶𑌨𑌿𑌭𑍍𑌯𑌶𑍍𑌚 𑌰𑌾𑌹𑌵𑍇 𑌕𑍇𑌤𑌵𑍇 𑌨𑌮𑌃 ॥

𑌰𑌵𑌿𑌃
𑌜𑌪𑌾𑌕𑍁𑌸𑍁𑌮 𑌸𑌂𑌕𑌾𑌶𑌂 𑌕𑌾𑌶𑍍𑌯𑌪𑍇𑌯𑌂 𑌮𑌹𑌾𑌦𑍍𑌯𑍁𑌤𑌿𑌮𑍍 ।
𑌤𑌮𑍋𑌽𑌰𑌿𑌂 𑌸𑌰𑍍𑌵 𑌪𑌾𑌪𑌘𑍍𑌨𑌂 𑌪𑍍𑌰𑌣𑌤𑍋𑌸𑍍𑌮𑌿 𑌦𑌿𑌵𑌾𑌕𑌰𑌮𑍍 ॥

𑌚𑌂𑌦𑍍𑌰𑌃
𑌦𑌧𑌿𑌶𑌂𑌖 𑌤𑍁𑌷𑌾𑌰𑌾𑌭𑌂 𑌕𑍍𑌷𑍀𑌰𑌾𑌰𑍍𑌣𑌵 𑌸𑌮𑍁𑌦𑍍𑌭𑌵𑌮𑍍 (𑌕𑍍𑌷𑍀𑌰𑍋𑌦𑌾𑌰𑍍𑌣𑌵 𑌸𑌂𑌭𑌵𑌮𑍍) ।
𑌨𑌮𑌾𑌮𑌿 𑌶𑌶𑌿𑌨𑌂 𑌸𑍋𑌮𑌂 𑌶𑌂𑌭𑍋-𑌰𑍍𑌮𑌕𑍁𑌟 𑌭𑍂𑌷𑌣𑌮𑍍 ॥

𑌕𑍁𑌜𑌃
𑌧𑌰𑌣𑍀 𑌗𑌰𑍍𑌭 𑌸𑌂𑌭𑍂𑌤𑌂 𑌵𑌿𑌦𑍍𑌯𑍁𑌤𑍍𑌕𑌾𑌂𑌤𑌿 𑌸𑌮𑌪𑍍𑌰𑌭𑌮𑍍 ।
𑌕𑍁𑌮𑌾𑌰𑌂 𑌶𑌕𑍍𑌤𑌿𑌹𑌸𑍍𑌤𑌂 𑌤𑌂 𑌕𑍁𑌜𑌂 [𑌮𑌂𑌗𑌳𑌂] 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥

𑌬𑍁𑌧𑌃
𑌪𑍍𑌰𑌿𑌯𑌂𑌗𑍁 𑌕𑌲𑌿𑌕𑌾𑌶𑍍𑌯𑌾𑌮𑌂 𑌰𑍂𑌪𑍇𑌣𑌾 𑌪𑍍𑌰𑌤𑌿𑌮𑌂 𑌬𑍁𑌧𑌮𑍍 ।
𑌸𑍌𑌮𑍍𑌯𑌂 𑌸𑍌𑌮𑍍𑌯 (𑌸𑌤𑍍𑌵) 𑌗𑍁𑌣𑍋𑌪𑍇𑌤𑌂 𑌤𑌂 𑌬𑍁𑌧𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥

𑌗𑍁𑌰𑍁𑌃
𑌦𑍇𑌵𑌾𑌨𑌾𑌂 𑌚 𑌋𑌷𑍀𑌣𑌾𑌂 𑌚 𑌗𑍁𑌰𑍁𑌂 𑌕𑌾𑌂𑌚𑌨𑌸𑌨𑍍𑌨𑌿𑌭𑌮𑍍 ।
𑌬𑍁𑌦𑍍𑌧𑌿𑌮𑌂𑌤𑌂 𑌤𑍍𑌰𑌿𑌲𑍋𑌕𑍇𑌶𑌂 𑌤𑌂 𑌨𑌮𑌾𑌮𑌿 𑌬𑍃𑌹𑌸𑍍𑌪𑌤𑌿𑌮𑍍 ॥

𑌶𑍁𑌕𑍍𑌰𑌃
𑌹𑌿𑌮𑌕𑍁𑌂𑌦 𑌮𑍃𑌣𑌾𑌳𑌾𑌭𑌂 𑌦𑍈𑌤𑍍𑌯𑌾𑌨𑌂 𑌪𑌰𑌮𑌂 𑌗𑍁𑌰𑍁𑌮𑍍 ।
𑌸𑌰𑍍𑌵𑌶𑌾𑌸𑍍𑌤𑍍𑌰 𑌪𑍍𑌰𑌵𑌕𑍍𑌤𑌾𑌰𑌂 𑌭𑌾𑌰𑍍𑌗𑌵𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥

𑌶𑌨𑌿𑌃
𑌨𑍀𑌲𑌾𑌂𑌜𑌨 𑌸𑌮𑌾𑌭𑌾𑌸𑌂 𑌰𑌵𑌿𑌪𑍁𑌤𑍍𑌰𑌂 𑌯𑌮𑌾𑌗𑍍𑌰𑌜𑌮𑍍 ।
𑌛𑌾𑌯𑌾 𑌮𑌾𑌰𑍍𑌤𑌾𑌂𑌡 𑌸𑌂𑌭𑍂𑌤𑌂 𑌤𑌂 𑌨𑌮𑌾𑌮𑌿 𑌶𑌨𑍈𑌶𑍍𑌚𑌰𑌮𑍍 ॥

𑌰𑌾𑌹𑍁𑌃
𑌅𑌰𑍍𑌧𑌕𑌾𑌯𑌂 𑌮𑌹𑌾𑌵𑍀𑌰𑌂 𑌚𑌂𑌦𑍍𑌰𑌾𑌦𑌿𑌤𑍍𑌯 𑌵𑌿𑌮𑌰𑍍𑌧𑌨𑌮𑍍 ।
𑌸𑌿𑌂𑌹𑌿𑌕𑌾 𑌗𑌰𑍍𑌭 𑌸𑌂𑌭𑍂𑌤𑌂 𑌤𑌂 𑌰𑌾𑌹𑍁𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥

𑌕𑍇𑌤𑍁𑌃
𑌪𑌲𑌾𑌶 𑌪𑍁𑌷𑍍𑌪 𑌸𑌂𑌕𑌾𑌶𑌂 𑌤𑌾𑌰𑌕𑌾𑌗𑍍𑌰𑌹𑌮𑌸𑍍𑌤𑌕𑌮𑍍 ।
𑌰𑍌𑌦𑍍𑌰𑌂 𑌰𑍌𑌦𑍍𑌰𑌾𑌤𑍍𑌮𑌕𑌂 𑌘𑍋𑌰𑌂 𑌤𑌂 𑌕𑍇𑌤𑍁𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥

𑌫𑌲𑌶𑍍𑌰𑍁𑌤𑌿𑌃
𑌇𑌤𑌿 𑌵𑍍𑌯𑌾𑌸 𑌮𑍁𑌖𑍋𑌦𑍍𑌗𑍀𑌤𑌂 𑌯𑌃 𑌪𑌠𑍇𑌤𑍍𑌸𑍁 𑌸𑌮𑌾𑌹𑌿𑌤𑌃 ।
𑌦𑌿𑌵𑌾 𑌵𑌾 𑌯𑌦𑌿 𑌵𑌾 𑌰𑌾𑌤𑍍𑌰𑍌 𑌵𑌿𑌘𑍍𑌨𑌶𑌾𑌂𑌤𑌿-𑌰𑍍𑌭𑌵𑌿𑌷𑍍𑌯𑌤𑌿 ॥

𑌨𑌰𑌨𑌾𑌰𑍀-𑌨𑍃𑌪𑌾𑌣𑌾𑌂 𑌚 𑌭𑌵𑍇-𑌦𑍍𑌦𑍁𑌃𑌸𑍍𑌵𑌪𑍍𑌨-𑌨𑌾𑌶𑌨𑌮𑍍 ।
𑌐𑌶𑍍𑌵𑌰𑍍𑌯𑌮𑌤𑍁𑌲𑌂 𑌤𑍇𑌷𑌾𑌮𑌾𑌰𑍋𑌗𑍍𑌯𑌂 𑌪𑍁𑌷𑍍𑌟𑌿 𑌵𑌰𑍍𑌧𑌨𑌮𑍍 ॥

𑌗𑍍𑌰𑌹𑌨𑌕𑍍𑌷𑌤𑍍𑌰𑌜𑌾𑌃 𑌪𑍀𑌡𑌾𑌸𑍍𑌤𑌸𑍍𑌕𑌰𑌾𑌗𑍍𑌨𑌿 𑌸𑌮𑍁𑌦𑍍𑌭𑌵𑌾𑌃 ।
𑌤𑌾𑌸𑍍𑌸𑌰𑍍𑌵𑌾𑌃 𑌪𑍍𑌰𑌶𑌮𑌂 𑌯𑌾𑌂𑌤𑌿 𑌵𑍍𑌯𑌾𑌸𑍋 𑌬𑍍𑌰𑍂𑌤𑍇 𑌨 𑌸𑌂𑌶𑌯𑌃 ॥

𑌇𑌤𑌿 𑌵𑍍𑌯𑌾𑌸 𑌵𑌿𑌰𑌚𑌿𑌤𑌂 𑌨𑌵𑌗𑍍𑌰𑌹 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ।