ඕං භ॒ද්රං කර්ණේ॑භිඃ ශෘණු॒යාම॑ දේවාඃ । භ॒ද්රං ප॑ශ්යේමා॒ක්ෂභි॒ර්යජ॑ත්රාඃ । ස්ථි॒රෛරංගෛ᳚ස්තුෂ්ටු॒වාග්ම් ස॑ස්ත॒නූභිඃ॑ । ව්යශේ॑ම දේ॒වහි॑තං॒-යඁදායුඃ॑ । ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ । ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ । ස්ව॒ස්ති නෝ॒ බෘහ॒ස්පති॑ර්දධාතු । ඕං ශාංතිඃ॒ ශාංතිඃ॒ ශාංතිඃ॑ ॥
ඕං අථ සූර්යාථර්වාංගිරසං-ව්යාඁ᳚ඛ්යාස්යා॒මඃ । බ්රහ්මා ඍ॒ෂිඃ । ගාය॑ත්රී ඡං॒දඃ । ආදි॑ත්යෝ දේ॒වතා । හංසඃ॑ සෝ॒ऽහමග්නිනාරායණ යු॑ක්තං බී॒ජම් । හෘල්ලේ॑ඛා ශ॒ක්තිඃ । වියදාදිසර්ගසංයුඁ ॑ක්තං කී॒ලකම් । චතුර්විධපුරුෂාර්ථ සිද්ධ්යර්ථේ වි॑නියෝ॒ගඃ ।
ෂට්‍ස්වරාරූඪේ॑න බීජේ॒න ෂඩං॑ගං ර॒ක්තාංබු॑ජසංස්ථි॒තං සප්තාශ්ව॑රථි॒නං හිර॑ණ්යව॒ර්ණං ච॑තුර්භු॒ජං පද්මද්වයාऽභයවර॑දහ॒ස්තං කාලචක්ර॑ප්රණේතා॒රං ශ්රීසූර්යනාරාය॒ණං-යඁ ඒ॑වං-වේඁ॒ද ස වෛ බ්රා᳚හ්ම॒ණඃ ।
ඕං භූර්භුවඃ॒ සුවඃ॑ । තත්ස॑වි॒තුර්වරේ᳚ණ්යං॒ භර්ගෝ॑ දේ॒වස්ය॑ ධීමහි । ධියෝ॒ යෝ නඃ॑ ප්රචෝ॒දයා᳚ත් । සූර්ය॑ ආ॒ත්මා ජග॑තස්ත॒ස්ථුෂ॑ශ්ච । සූර්යා॒ද්වෛ ඛල්වි॒මානි॒ භූතා॑නි॒ ජායං॑තේ । සූර්යා᳚ද්ය॒ජ්ඤඃ පර්ජන්යෝ᳚ऽන්නමා॒ත්මා ।
නම॑ස්තේ ආදිත්ය । ත්වමේ॒ව ප්ර॒ත්යක්ෂං॒ කර්ම॑ කර්තාසි । ත්වමේ॒ව ප්ර॒ත්යක්ෂං॒ බ්රහ්මා॑ऽසි । ත්වමේ॒ව ප්ර॒ත්යක්ෂං॒-විඁෂ්ණු॑රසි । ත්වමේ॒ව ප්ර॒ත්යක්ෂං॒ රුද්රෝ॑ऽසි । ත්වමේ॒ව ප්ර॒ත්යක්ෂ॒මෘග॑සි । ත්වමේ॒ව ප්ර॒ත්යක්ෂං॒-යඁජු॑රසි । ත්වමේ॒ව ප්ර॒ත්යක්ෂං॒ සාමා॑සි । ත්වමේ॒ව ප්ර॒ත්යක්ෂ॒මථ॑ර්වාසි । ත්වමේ॒ව සර්වං॑ ඡංදෝ॒ऽසි । ආ॒දි॒ත්යාද්වා॑යුර්ජා॒යතේ । ආ॒දි॒ත්යාද්භූ॑මිර්ජා॒යතේ । ආ॒දි॒ත්යාදාපෝ॑ ජායං॒තේ । ආ॒දි॒ත්යාජ්ජ්යෝති॑ර්ජාය॒තේ ।
ආ॒දි॒ත්යාද්ව්යෝම දිශෝ॑ ජායං॒තේ ।
ආ॒දි॒ත්යාද්දේ॑වා ජායං॒තේ । ආ॒දි॒ත්යාද්වේ॑දා ජායං॒තේ । ආ॒දි॒ත්යෝ වා ඒ॒ෂ ඒ॒තන්මං॒ඩලං॒ තප॑ති । අ॒සාවා॑දි॒ත්යෝ බ්ර॒හ්මා । ආ॒දි॒ත්යෝऽංතඃකරණ මනෝබුද්ධි චිත්තා॑හංකා॒රාඃ । ආ॒දි॒ත්යෝ වෛ ව්යානඃ සමානෝදානෝऽපා॑නඃ ප්රා॒ණඃ ।
ආ॒දි॒ත්යෝ වෛ ශ්රෝත්ර ත්වක් චක්ෂූරස॑නඝ්රා॒ණාඃ । ආ॒දි॒ත්යෝ වෛ වාක්පාණිපාදපා॑යූප॒ස්ථාඃ । ආ॒දි॒ත්යෝ වෛ ශබ්දස්පර්ශරූපර॑සගං॒ධාඃ । ආ॒දි॒ත්යෝ වෛ වචනාදානාගමන විස॑ර්ගානං॒දාඃ । ආනංදමයෝ විජ්ඤානමයෝ විජ්ඤානඝන॑ ආදි॒ත්යඃ । නමෝ මිත්රාය භානවේ මෘත්යෝ᳚ර්මා පා॒හි । භ්රාජිෂ්ණවේ විශ්වහේත॑වේ න॒මඃ ।
සූර්යාද්භවංති॑ භූතා॒නි සූර්යේණ පාලි॑තානි॒ තු । සූර්යේ ලයං ප්රා᳚ප්නුවං॒ති යඃ සූර්යඃ සෝऽහ॑මේව॒ ච । චක්ෂු॑ර්නෝ දේ॒වඃ ස॑වි॒තා චක්ෂු॑ර්න උ॒ත ප॒ර්වතඃ॑ । චක්ෂු॑ර්ධා॒තා ද॑ධාතු නඃ ।
ආ॒දි॒ත්යාය॑ වි॒ද්මහේ॑ සහස්රකිර॒ණාය॑ ධීමහි । තන්නඃ॑ සූර්යඃ ප්රචෝ॒දයා᳚ත් ।
ස॒වි॒තා ප॒ශ්චාත්තා᳚ත් සවි॒තා පු॒රස්තා᳚ත් සවි॒තෝත්ත॒රාත්තා᳚ත් සවි॒තාऽධ॒රාත්තා᳚ත් සවි॒තා නඃ॑ සුවතු ස॒ර්වතා᳚තිග්ම් සවි॒තා නෝ᳚ රාසතාං දීර්ඝ॒මායුඃ॑ ।
ඕමිත්යේකාක්ෂ॑රං බ්ර॒හ්ම । ඝෘණි॒රිති॒ ද්වේ අ॒ක්ෂරේ᳚ । සූර්ය॒ ඉත්යක්ෂ॑රද්ව॒යම් । ආ॒දි॒ත්ය ඉති॒ ත්රීණ්යක්ෂ॑රාණි । ඒතස්යෛව සූර්යස්යාෂ්ටාක්ෂ॑රෝ ම॒නුඃ ।
යඃ සදාහරහ॑ර්ජප॒ති ස වෛ බ්රාහ්ම॑ණෝ භ॒වති ස වෛ බ්රාහ්ම॑ණෝ භ॒වති । සූර්යාභිමු॑ඛෝ ජ॒ප්ත්වා මහාව්යාධි භයා᳚ත් ප්රමු॒ච්යතේ । අල॑ක්ෂ්මීර්න॒ශ්යති । අභක්ෂ්ය භක්ෂණාත් පූ॑තෝ භ॒වති । අගම්යාගමනාත් පූ॑තෝ භ॒වති । පතිත සංභාෂණාත් පූ॑තෝ භ॒වති । අසත් සංභාෂණාත් පූ॑තෝ භ॒වති । අසත් සංභාෂණාත්පූ॑තෝ භ॒වති ।
මධ්යාහ්නේ සූර්යාභි॑මුඛඃ ප॒ඨේත් । සද්යෝත්පන්නපංචමහාපාතකා᳚ත් ප්රමු॒ච්යතේ । සෛෂා සාවි॑ත්රීං-විඁ॒ද්යාං න කිංචිදපි න කස්මෛචි॑ත් ප්රශං॒සයේත් । ය ඒ॒තාං මහාභාගඃ ප්රා॑තඃ ප॒ඨති ස භාග්ය॑වාන් ජා॒යතේ ප॑ශූන්විං॒දති । වේදා᳚ර්ථං-ලඁ॒භතේ । ත්රිකාලමේ॑තජ්ජ॒ප්ත්වා ක්රතුශතඵලම॑වාප්නෝ॒ති । හස්තාදි॑ත්යේ ජ॒පති ස මහාමෘ॑ත්යුං ත॒රති ස මහාමෘ॑ත්යුං ත॒රති ය ඒ॑වං-වේඁ॒ද । ඉත්යු॑ප॒නිෂ॑ත් ।
ඕං භ॒ද්රං කර්ණේ॑භිඃ ශෘණු॒යාම॑ දේවාඃ । භ॒ද්රං ප॑ශ්යේමා॒ක්ෂභි॒ර්යජ॑ත්රාඃ । ස්ථි॒රෛරංගෛ᳚ස්තුෂ්ටු॒වාග්ම් ස॑ස්ත॒නූභිඃ॑ । ව්යශේ॑ම දේ॒වහි॑තං॒-යඁදායුඃ॑ । ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ । ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ । ස්ව॒ස්ති නෝ॒ බෘහ॒ස්පති॑ර්දධාතු । ඕං ශාංතිඃ॒ ශාංතිඃ॒ ශාංතිඃ॑ ॥
