ශාංති ශ්ලෝකඃ
ඉංද්රෝऽනලෝ දංඩධරශ්ච රක්ෂඃ
ප්රාචේතසෝ වායු කුබේර ශර්වාඃ ।
මජ්ජන්ම ඍක්ෂේ මම රාශි සංස්ථේ
සූර්යෝපරාගං ශමයංතු සර්වේ ॥
ග්රහණ පීඩා පරිහාර ශ්ලෝකාඃ
යෝऽසෞ වජ්රධරෝ දේවඃ ආදිත්යානාං ප්රභුර්මතඃ ।
සහස්රනයනඃ ශක්රඃ ග්රහපීඩාං ව්යපෝහතු ॥ 1
මුඛං යඃ සර්වදේවානාං සප්තාර්චිරමිතද්යුතිඃ ।
චංද්රසූර්යෝපරාගෝත්ථාං අග්නිඃ පීඩාං ව්යපෝහතු ॥ 2
යඃ කර්මසාක්ෂී ලෝකානාං යමෝ මහිෂවාහනඃ ।
චංද්රසූර්යෝපරාගෝත්ථාං ග්රහපීඩාං ව්යපෝහතු ॥ 3
රක්ෂෝ ගණාධිපඃ සාක්ෂාත් ප්රලයානලසන්නිභඃ ।
උග්රඃ කරාලෝ නිර්‍ඍතිඃ ග්රහපීඩාං ව්යපෝහතු ॥ 4
නාගපාශධරෝ දේවඃ සදා මකරවාහනඃ ।
වරුණෝ ජලලෝකේශෝ ග්රහපීඩාං ව්යපෝහතු ॥ 5
යඃ ප්රාණරූපෝ ලෝකානාං වායුඃ කෘෂ්ණමෘගප්රියඃ ।
චංද්රසූර්යෝපරාගෝත්ථාං ග්රහපීඩාං ව්යපෝහතු ॥ 6
යෝऽසෞ නිධිපතිර්දේවඃ ඛඩ්ගශූලධරෝ වරඃ ।
චංද්රසූර්යෝපරාගෝත්ථාං කලුෂං මේ ව්යපෝහතු ॥ 7
යෝऽසෞ ශූලධරෝ රුද්රඃ ශංකරෝ වෘෂවාහනඃ ।
චංද්රසූර්යෝපරාගෝත්ථාං දෝෂං නාශයතු ද්රුතම් ॥ 8
ඕං ශාංතිඃ ශාංතිඃ ශාංතිඃ ।
