ශුක්රඃ ශුචිඃ ශුභගුණඃ ශුභදඃ ශුභලක්ෂණඃ ।
ශෝභනාක්ෂඃ ශුභ්රරූපඃ ශුද්ධස්ඵටිකභාස්වරඃ ॥ 1 ॥

දීනාර්තිහාරකෝ දෛත්යගුරුඃ දේවාභිවංදිතඃ ।
කාව්යාසක්තඃ කාමපාලඃ කවිඃ කළ්යාණදායකඃ ॥ 2 ॥

භද්රමූර්තිර්භද්රගුණෝ භාර්ගවෝ භක්තපාලනඃ ।
භෝගදෝ භුවනාධ්යක්ෂෝ භුක්තිමුක්තිඵලප්රදඃ ॥ 3 ॥

චාරුශීලශ්චාරුරූපශ්චාරුචංද්රනිභානනඃ ।
නිධිර්නිඛිලශාස්ත්රජ්ඤෝ නීතිවිද්යාධුරංධරඃ ॥ 4 ॥

සර්වලක්ෂණසංපන්නඃ සර්වාවගුණවර්ජිතඃ ।
සමානාධිකනිර්මුක්තඃ සකලාගමපාරගඃ ॥ 5 ॥

භෘගුර්භෝගකරෝ භූමිසුරපාලනතත්පරඃ ।
මනස්වී මානදෝ මාන්යෝ මායාතීතෝ මහාශයඃ ॥ 6 ॥

බලිප්රසන්නෝऽභයදෝ බලී බලපරාක්රමඃ ।
භවපාශපරිත්යාගෝ බලිබංධවිමෝචකඃ ॥ 7 ॥

ඝනාශයෝ ඝනාධ්යක්ෂෝ කංබුග්රීවඃ කළාධරඃ ।
කාරුණ්යරසසංපූර්ණඃ කළ්යාණගුණවර්ධනඃ ॥ 8 ॥

ශ්වේතාංබරඃ ශ්වේතවපුශ්චතුර්භුජසමන්විතඃ ।
අක්ෂමාලාධරෝऽචිංත්යෝ අක්ෂීණගුණභාසුරඃ ॥ 9 ॥

නක්ෂත්රගණසංචාරෝ නයදෝ නීතිමාර්ගදඃ ।
වර්ෂප්රදෝ හෘෂීකේශඃ ක්ලේශනාශකරඃ කවිඃ ॥ 10 ॥

චිංතිතාර්ථප්රදඃ ශාංතමතිඃ චිත්තසමාධිකෘත් ।
ආධිව්යාධිහරෝ භූරිවික්රමඃ පුණ්යදායකඃ ॥ 11 ॥

පුරාණපුරුෂඃ පූජ්යඃ පුරුහූතාදිසන්නුතඃ ।
අජේයෝ විජිතාරාතිර්විවිධාභරණෝජ්ජ්වලඃ ॥ 12 ॥

කුංදපුෂ්පප්රතීකාශෝ මංදහාසෝ මහාමතිඃ ।
මුක්තාඵලසමානාභෝ මුක්තිදෝ මුනිසන්නුතඃ ॥ 13 ॥

රත්නසිංහාසනාරූඪෝ රථස්ථෝ රජතප්රභඃ ।
සූර්යප්රාග්දේශසංචාරඃ සුරශත්රුසුහෘත් කවිඃ ॥ 14 ॥

තුලාවෘෂභරාශීශෝ දුර්ධරෝ ධර්මපාලකඃ ।
භාග්යදෝ භව්යචාරිත්රෝ භවපාශවිමෝචකඃ ॥ 15 ॥

ගෞඩදේශේශ්වරෝ ගෝප්තා ගුණී ගුණවිභූෂණඃ ।
ජ්යේෂ්ඨානක්ෂත්රසංභූතෝ ජ්යේෂ්ඨඃ ශ්රේෂ්ඨඃ ශුචිස්මිතඃ ॥ 16 ॥

අපවර්ගප්රදෝऽනංතඃ සංතානඵලදායකඃ ।
සර්වෛශ්වර්යප්රදඃ සර්වගීර්වාණගණසන්නුතඃ ॥ 17 ॥

ඒවං ශුක්රග්රහස්යෛව ක්රමාදෂ්ටෝත්තරං ශතම් ।
සර්වපාපප්රශමනං සර්වපුණ්යඵලප්රදම් ।
යඃ පඨේච්ඡෘණුයාද්වාපි සර්වාන් කාමානවාප්නුයාත් ॥ 18 ॥

ඉති ශ්රී ශුක්ර අෂ්ටෝත්තරශතනාම ස්තෝත්රම් ।