ධ්යානම්
ප්රණමාමි සදා රාහුං ශූර්පාකාරං කිරීටිනම් ।
සෛංහිකේයං කරාලාස්යං ලෝකානාමභයප්රදම් ॥ 1॥
। අථ රාහු කවචම් ।
නීලාංබරඃ ශිරඃ පාතු ලලාටං ලෝකවංදිතඃ ।
චක්ෂුෂී පාතු මේ රාහුඃ ශ්රෝත්රේ ත්වර්ධශරිරවාන් ॥ 2॥
නාසිකාං මේ ධූම්රවර්ණඃ ශූලපාණිර්මුඛං මම ।
ජිහ්වාං මේ සිංහිකාසූනුඃ කංඨං මේ කඨිනාංඝ්රිකඃ ॥ 3॥
භුජංගේශෝ භුජෞ පාතු නීලමාල්යාංබරඃ කරෞ ।
පාතු වක්ෂඃස්ථලං මංත්රී පාතු කුක්ෂිං විධුංතුදඃ ॥ 4॥
කටිං මේ විකටඃ පාතු ඌරූ මේ සුරපූජිතඃ ।
ස්වර්භානුර්ජානුනී පාතු ජංඝේ මේ පාතු ජාඩ්යහා ॥ 5॥
ගුල්ඵෞ ග්රහපතිඃ පාතු පාදෞ මේ භීෂණාකෘතිඃ ।
සර්වාණ්යංගානි මේ පාතු නීලචංදනභූෂණඃ ॥ 6॥
ඵලශ්රුතිඃ
රාහෝරිදං කවචමෘද්ධිදවස්තුදං යෝ
භක්ත්යා පඨත්යනුදිනං නියතඃ ශුචිඃ සන් ।
ප්රාප්නෝති කීර්තිමතුලාං ශ්රියමෘද්ධි-
මායුරාරෝග්යමාත්මවිජයං ච හි තත්ප්රසාදාත් ॥ 7॥
॥ ඉති ශ්රීමහාභාරතේ ධෘතරාෂ්ට්රසංජයසංවාදේ ද්රෝණපර්වණි රාහුකවචං සංපූර්ණම් ॥
