සාවිත්ර්යුවාච ।
තපසා ධර්මමාරාධ්ය පුෂ්කරේ භාස්කරඃ පුරා ।
ධර්මං සූර්යඃසුතං ප්රාප ධර්මරාජං නමාම්යහම් ॥ 1 ॥

සමතා සර්වභූතේෂු යස්ය සර්වස්ය සාක්ෂිණඃ ।
අතෝ යන්නාම ශමනමිති තං ප්රණමාම්යහම් ॥ 2 ॥

යේනාංතශ්ච කෘතෝ විශ්වේ සර්වේෂාං ජීවිනාං පරම් ।
කාමානුරූපං කාලේන තං කෘතාංතං නමාම්යහම් ॥ 3 ॥

බිභර්ති දංඩං දංඩාය පාපිනාං ශුද්ධිහේතවේ ।
නමාමි තං දංඩධරං යඃ ශාස්තා සර්වජීවිනාම් ॥ 4 ॥

විශ්වං ච කලයත්යේව යඃ සර්වේෂු ච සංතතම් ।
අතීව දුර්නිවාර්යං ච තං කාලං ප්රණමාම්යහම් ॥ 5 ॥

තපස්වී බ්රහ්මනිෂ්ඨෝ යඃ සංයමී සංජිතේංද්රියඃ ।
ජීවානාං කර්මඵලදස්තං යමං ප්රණමාම්යහම් ॥ 6 ॥

ස්වාත්මාරාමශ්ච සර්වජ්ඤෝ මිත්රං පුණ්යකෘතාං භවේත් ।
පාපිනාං ක්ලේශදෝ යස්තං පුණ්යමිත්රං නමාම්යහම් ॥ 7 ॥

යජ්ජන්ම බ්රහ්මණෝංऽශේන ජ්වලංතං බ්රහ්මතේජසා ।
යෝ ධ්යායති පරං බ්රහ්ම තමීශං ප්රණමාම්යහම් ॥ 8 ॥

ඉත්යුක්ත්වා සා ච සාවිත්රී ප්රණනාම යමං මුනේ ।
යමස්තාං ශක්තිභජනං කර්මපාකමුවාච හ ॥ 9 ॥

ඉදං යමෂ්ටකං නිත්යං ප්රාතරුත්ථාය යඃ පඨේත් ।
යමාත්තස්ය භයං නාස්ති සර්වපාපාත්ප්රමුච්යතේ ॥ 10 ॥

මහාපාපී යදි පඨේන්නිත්යං භක්තිසමන්විතඃ ।
යමඃ කරෝති සංශුද්ධං කායව්යූහේන නිශ්චිතම් ॥ 11 ॥

ඉති ශ්රීමද්දේවීභාගවතේ මහාපුරාණේ නවමස්කංධේ ඒකත්රිංශෝऽධ්යායඃ ।