ජ්ඤානානංදමයං දේවං නිර්මලස්ඵටිකාකෘතිං
ආධාරං සර්වවිද්යානාං හයග්රීවමුපාස්මහේ ॥1॥

ස්වතස්සිද්ධං ශුද්ධස්ඵටිකමණිභූ භෘත්ප්රතිභටං
සුධාසධ්රීචීභිර්ද්යුතිභිරවදාතත්රිභුවනං
අනංතෛස්ත්රය්යංතෛරනුවිහිත හේෂාහලහලං
හතාශේෂාවද්යං හයවදනමීඩේමහිමහඃ ॥2॥

සමාහාරස්සාම්නාං ප්රතිපදමෘචාං ධාම යජුෂාං
ලයඃ ප්රත්යූහානාං ලහරිවිතතිර්බෝධජලධේඃ
කථාදර්පක්ෂුභ්යත්කථකකුලකෝලාහලභවං
හරත්වංතර්ධ්වාංතං හයවදනහේෂාහලහලඃ ॥3॥

ප්රාචී සංධ්යා කාචිදංතර්නිශායාඃ
ප්රජ්ඤාදෘෂ්ටේ රංජනශ්රීරපූර්වා
වක්ත්රී වේදාන් භාතු මේ වාජිවක්ත්රා
වාගීශාඛ්යා වාසුදේවස්ය මූර්තිඃ ॥4॥

විශුද්ධවිජ්ඤානඝනස්වරූපං
විජ්ඤානවිශ්රාණනබද්ධදීක්ෂං
දයානිධිං දේහභෘතාං ශරණ්යං
දේවං හයග්රීවමහං ප්රපද්යේ ॥5॥

අපෞරුෂේයෛරපි වාක්ප්රපංචෛඃ
අද්යාපි තේ භූතිමදෘෂ්ටපාරාං
ස්තුවන්නහං මුග්ධ ඉති ත්වයෛව
කාරුණ්යතෝ නාථ කටාක්ෂණීයඃ ॥6॥

දාක්ෂිණ්යරම්යා ගිරිශස්ය මූර්තිඃ-
දේවී සරෝජාසනධර්මපත්නී
ව්යාසාදයෝऽපි ව්යපදේශ්යවාචඃ
ස්ඵුරංති සර්වේ තව ශක්තිලේශෛඃ ॥7॥

මංදෝऽභවිෂ්යන්නියතං විරිංචඃ
වාචාං නිධේර්වාංඡිතභාගධේයඃ
දෛත්යාපනීතාන් දයයෛන භූයෝऽපි
අධ්යාපයිෂ්යෝ නිගමාන්නචේත්ත්වම් ॥8॥

විතර්කඩෝලාං ව්යවධූය සත්ත්වේ
බෘහස්පතිං වර්තයසේ යතස්ත්වං
තේනෛව දේව ත්රිදේශේශ්වරාණා
අස්පෘෂ්ටඩෝලායිතමාධිරාජ්යම් ॥9॥

අග්නෞ සමිද්ධාර්චිෂි සප්තතංතෝඃ
ආතස්ථිවාන්මංත්රමයං ශරීරං
අඛංඩසාරෛර්හවිෂාං ප්රදානෛඃ
ආප්යායනං ව්යෝමසදාං විධත්සේ ॥10॥

යන්මූල මීදෘක්ප්රතිභාතත්ත්වං
යා මූලමාම්නායමහාද්රුමාණාං
තත්ත්වේන ජානංති විශුද්ධසත්ත්වාඃ
ත්වාමක්ෂරාමක්ෂරමාතෘකාං ත්වාම් ॥11॥

අව්යාකෘතාද්ව්යාකෘතවානසි ත්වං
නාමානි රූපාණි ච යානි පූර්වං
ශංසංති තේෂාං චරමාං ප්රතිෂ්ඨාං
වාගීශ්වර ත්වාං ත්වදුපජ්ඤවාචඃ ॥12॥

මුග්ධේංදුනිෂ්යංදවිලෝභනීයාං
මූර්තිං තවානංදසුධාප්රසූතිං
විපශ්චිතශ්චේතසි භාවයංතේ
වේලාමුදාරාමිව දුග්ධ සිංධෝඃ ॥13॥

මනෝගතං පශ්යති යස්සදා ත්වාං
මනීෂිණාං මානසරාජහංසං
ස්වයංපුරෝභාවවිවාදභාජඃ
කිංකුර්වතේ තස්ය ගිරෝ යථාර්හම් ॥14॥

අපි ක්ෂණාර්ධං කලයංති යේ ත්වාං
ආප්ලාවයංතං විශදෛර්මයූඛෛඃ
වාචාං ප්රවාහෛරනිවාරිතෛස්තේ
මංදාකිනීං මංදයිතුං ක්ෂමංතේ ॥15॥

ස්වාමින්භවද්ද්යානසුධාභිෂේකාත්
වහංති ධන්යාඃ පුලකානුබංදං
අලක්ෂිතේ ක්වාපි නිරූඪ මූලං
අංග්වේෂ්වි වානංදථුමංකුරංතම් ॥16॥

ස්වාමින්ප්රතීචා හෘදයේන ධන්යාඃ
ත්වද්ධ්යානචංද්රෝදයවර්ධමානං
අමාංතමානංදපයෝධිමංතඃ
පයෝභි රක්ෂ්ණාං පරිවාහයංති ॥17॥

ස්වෛරානුභාවාස් ත්වදධීනභාවාඃ
සමෘද්ධවීර්යාස්ත්වදනුග්රහේණ
විපශ්චිතෝනාථ තරංති මායාං
වෛහාරිකීං මෝහනපිංඡිකාං තේ ॥18॥

ප්රාඞ්නිර්මිතානාං තපසාං විපාකාඃ
ප්රත්යග්රනිශ්ශ්රේයසසංපදෝ මේ
සමේධිෂීරං ස්තව පාදපද්මේ
සංකල්පචිංතාමණයඃ ප්රණාමාඃ ॥19॥

විලුප්තමූර්ධන්යලිපික්රමාණා
සුරේංද්රචූඩාපදලාලිතානාං
ත්වදංඝ්රි රාජීවරජඃකණානාං
භූයාන්ප්රසාදෝ මයි නාථ භූයාත් ॥20॥

පරිස්ඵුරන්නූපුරචිත්රභානු –
ප්රකාශනිර්ධූතතමෝනුෂංගා
පදද්වයීං තේ පරිචින්මහේऽංතඃ
ප්රබෝධරාජීවවිභාතසංධ්යාම් ॥21॥

ත්වත්කිංකරාලංකරණෝචිතානාං
ත්වයෛව කල්පාංතරපාලිතානාං
මංජුප්රණාදං මණිනූපුරං තේ
මංජූෂිකාං වේදගිරාං ප්රතීමඃ ॥22॥

සංචිංතයාමි ප්රතිභාදශාස්ථාන්
සංධුක්ෂයංතං සමයප්රදීපාන්
විජ්ඤානකල්පද්රුමපල්ලවාභං
ව්යාඛ්යානමුද්රාමධුරං කරං තේ ॥23॥

චිත්තේ කරෝමි ස්ඵුරිතාක්ෂමාලං
සව්යේතරං නාථ කරං ත්වදීයං
ජ්ඤානාමෘතෝදංචනලංපටානාං
ලීලාඝටීයංත්රමිවාऽऽශ්රිතානාම් ॥24॥

ප්රබෝධසිංධෝරරුණෛඃ ප්රකාශෛඃ
ප්රවාළසංඝාතමිවෝද්වහංතං
විභාවයේ දේව ස පුස්තකං තේ
වාමං කරං දක්ෂිණමාශ්රිතානාම් ॥25॥

තමාං සිභිත්ත්වාවිශදෛර්මයූඛෛඃ
සංප්රීණයංතං විදුෂශ්චකෝරාන්
නිශාමයේ ත්වාං නවපුංඩරීකේ
ශරද්ඝනේචංද්රමිව ස්ඵුරංතම් ॥26॥

දිශංතු මේ දේව සදා ත්වදීයාඃ
දයාතරංගානුචරාඃ කටාක්ෂාඃ
ශ්රෝත්රේෂු පුංසාමමෘතංක්ෂරංතීං
සරස්වතීං සංශ්රිතකාමධේනුම් ॥27॥

විශේෂවිත්පාරිෂදේෂු නාථ
විදග්ධගෝෂ්ඨී සමරාංගණේෂු
ජිගීෂතෝ මේ කවිතාර්කිකේංද්රාන්
ජිහ්වාග්රසිංහාසනමභ්යුපේයාඃ ॥28॥

ත්වාං චිංතයන් ත්වන්මයතාං ප්රපන්නඃ
ත්වාමුද්ගෘණන් ශබ්දමයේන ධාම්නා
ස්වාමින්සමාජේෂු සමේධිෂීය
ස්වච්ඡංදවාදාහවබද්ධශූරඃ ॥29॥

නානාවිධානාමගතිඃ කලානාං
න චාපි තීර්ථේෂු කෘතාවතාරඃ
ධ්රුවං තවාऽනාධ පරිග්රහායාඃ
නව නවං පාත්රමහං දයායාඃ ॥30॥

අකංපනීයාන්යපනීතිභේදෛඃ
අලංකෘෂීරන් හෘදයං මදීයම්
ශංකා කළංකා පගමෝජ්ජ්වලානි
තත්ත්වානි සම්යංචි තව ප්රසාදාත් ॥31॥

ව්යාඛ්යාමුද්රාං කරසරසිජෛඃ පුස්තකං ශංඛචක්රේ
භිභ්රද්භින්න ස්ඵටිකරුචිරේ පුංඩරීකේ නිෂණ්ණඃ ।
අම්ලානශ්රීරමෘතවිශදෛරංශුභිඃ ප්ලාවයන්මාං
ආවිර්භූයාදනඝමහිමාමානසේ වාගධීශඃ ॥32॥

වාගර්ථසිද්ධිහේතෝඃපඨත හයග්රීවසංස්තුතිං භක්ත්යා
කවිතාර්කිකකේසරිණා වේංකටනාථේන විරචිතාමේතාම් ॥33॥