(තෛ. සං. 1.4.6)
ය ඉ॒මා විශ්වා॒ භුව॑නානි॒ ජුහ්ව॒දෘෂි॒ර්හෝතා॑ නිෂ॒සාදා॑ පි॒තා නඃ॑ ।
ස ආ॒ශිෂා॒ ද්රවි॑ණමි॒ච්ඡමා॑නඃ පරම॒ච්ඡදෝ॒ වර॒ ආ වි॑වේශ ॥ 1
වි॒ශ්වක॑ර්මා॒ මන॑සා॒ යද්විහා॑යා ධා॒තා වි॑ධා॒තා ප॑ර॒මෝත සං॒දෘක් ।
තේෂා॑මි॒ෂ්ටානි॒ සමි॒ෂා ම॑දංති॒ යත්ර॑ සප්ත॒ර්ෂීන්ප॒ර ඒක॑මා॒හුඃ ॥ 2
යෝ නඃ॑ පි॒තා ජ॑නි॒තා යෝ වි॑ධා॒තා යෝ නඃ॑ ස॒තෝ අ॒භ්යා සජ්ජ॒ජාන॑ ।
යෝ දේ॒වානාං॑ නාම॒ධා ඒක॑ ඒ॒ව තග්ම් සං॑ප්ර॒ශ්නංභුව॑නා යංත්ය॒න්යා ॥ 3
ත ආය॑ජංත॒ ද්රවි॑ණ॒ග්ම් සම॑ස්මා॒ ඍෂ॑යඃ॒ පූර්වේ॑ ජරි॒තාරෝ॒ න භූ॒නා ।
අ॒සූර්තා॒ සූර්තා॒ රජ॑සෝ වි॒මානේ॒ යේ භූ॒තානි॑ ස॒මකෘ॑ණ්වන්නි॒මානි॑ ॥ 4
න තං-විඁ ॑දාථ॒ ය ඉ॒දං ජ॒ජානා॒න්යද්යු॒ෂ්මාක॒මංත॑රංභවාති ।
නී॒හා॒රේණ॒ ප්රාවෘ॑තා ජල්ප්යා॑ චාසු॒තෘප॑ උක්ථ॒ශාස॑ශ්චරංති ॥ 5
ප॒රෝ දි॒වා ප॒ර ඒ॒නා පෘ॑ථි॒ව්යා ප॒රෝ දේ॒වේභි॒රසු॑රෛ॒ර්ගුහා॒ යත් ।
කග්ම් ස්වි॒ද්ගර්භං॑ ප්රථ॒මං ද॑ධ්ර॒ ආපෝ॒ යත්ර॑ දේ॒වාඃ ස॒මග॑ච්ඡංත॒ විශ්වේ ॥ 6
තමිද්ගර්භං॑ප්රථ॒මං ද॑ධ්ර॒ ආපෝ॒ යත්ර॑ දේ॒වාඃ ස॒මග॑ච්ඡංත॒ විශ්වේ॑ ।
අ॒ජස්ය॒ නාභා॒වධ්යේක॒මර්පි॑තං॒-යඁස්මි॑න්නි॒දං-විඁශ්වං॒භුවන॒මධි॑ ශ්රි॒තම් ॥ 7
වි॒ශ්වක॑ර්මා॒ හ්යජ॑නිෂ්ට දේ॒ව ආදිද්ගං॑ධ॒ර්වෝ අ॑භවද්ද්වි॒තීයඃ॑ ।
තෘ॒තීයඃ॑ පි॒තා ජ॑නි॒තෞෂ॑ධීනාම॒පාං ගර්භං॒-ව්යඁ ॑දධාත්පුරු॒ත්රා ॥ 8
චක්ෂු॑ෂඃ පි॒තා මන॑සා॒ හි ධීරෝ॑ ඝෘ॒තමේ॑නේ අජන॒න්නන්න॑මානේ ।
ය॒දේදංතා॒ අද॑දෘග්ම්හංත॒ පූර්ව॒ ආදිද්ද්යාවා॑පෘථි॒වී අ॑ප්රථේතාම් ॥ 9
වි॒ශ්වත॑ශ්චක්ෂුරු॒ත වි॒ශ්වතෝ॑මුඛෝ වි॒ශ්වතෝ॑හස්ත උ॒ත වි॒ශ්වත॑ස්පාත් ।
සංබා॒හුභ්යාං॒ නම॑ති॒ සංපත॑ත්රෛ॒ර්ද්යාවා॑පෘථි॒වී ජ॒නයං॑දේ॒ව ඒකඃ॑ ॥ 10
කිග්ම් ස්වි॑දාසීදධි॒ෂ්ඨාන॑මා॒රංභ॑ණං කත॒මත්ස්වි॒ත්කිමා॑සීත් ।
යදී॒ භූමිං॑ ජ॒නය॑න්වි॒ශ්වක॑ර්මා॒ වි ද්යාමෞර්ණෝ॑න්මහි॒නා වි॒ශ්වච॑ක්ෂාඃ ॥ 11
කිග්ම් ස්වි॒ද්වනං॒ ක උ॒ ස වෘ॒ක්ෂ ආ॑සී॒ද්යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ ।
මනී॑ෂිණෝ॒ මන॑සා පෘ॒ච්ඡතේදු॒ තද්යද॒ධ්යති॑ෂ්ඨ॒ද්භුව॑නානි ධා॒රයන්॑ ॥ 12
යා තේ॒ ධාමා॑නි පර॒මාණි॒ යාව॒මා යා ම॑ධ්ය॒මා වි॑ශ්වකර්මන්නු॒තේමා ।
ශික්ෂා॒ සඛි॑භ්යෝ හ॒විෂි॑ ස්වධාවඃ ස්ව॒යං-යඁ ॑ජස්ව ත॒නුවං॑ ජුෂා॒ණඃ ॥ 13
වා॒චස්පතිං॑-විඁ॒ශ්වක॑ර්මාණමූ॒තයේ॑ මනෝ॒යුජං॒-වාඁජේ॑ අ॒ද්යා හු॑වේම ।
ස නෝ॒ නේදි॑ෂ්ඨා॒ හව॑නානි ජෝෂතේ වි॒ශ්වශං॑භූ॒රව॑සේ සා॒ධුක॑ර්මා ॥ 14
විශ්ව॑කර්මන්හ॒විෂා॑ වාවෘධා॒නඃ ස්ව॒යං-යඁ ॑ජස්ව ත॒නුවං॑ ජුෂා॒ණඃ ।
මුහ්යං॑ත්ව॒න්යේ අ॒භිතඃ॑ ස॒පත්නා॑ ඉ॒හාස්මාක॑ම්ම॒ඝවා॑ සූ॒රිර॑ස්තු ॥ 15
විශ්ව॑කර්මන්හ॒විෂා වර්ධ॑නේන ත්රා॒තාර॒මිංද්ර॑මකෘණෝරව॒ධ්යම් ।
තස්මෛ॒ විශඃ॒ සම॑නමංත පූ॒ර්වීර॒යමු॒ග්රෝ වි॑හ॒ව්යෝ॑ යථාස॑ත් ॥ 16
ස॒මු॒ද්රාය॑ ව॒යුනා॑ය॒ සිංධූ॑නාං॒පත॑යේ॒ නමඃ॑ ।
න॒දීනා॒ග්ම් සර්වා॑සාංපි॒ත්රේ ජු॑හු॒තා
වි॒ශ්වක॑ර්මණේ॒ විශ්වාහාම॑ර්ත්යග්ම් හ॒විඃ ।
