නාරද උවාච ।
ඉංද්රාක්ෂීස්තෝත්රමාඛ්යාහි නාරායණ ගුණාර්ණව ।
පාර්වත්යෛ ශිවසංප්රෝක්තං පරං කෞතූහලං හි මේ ॥

නාරායණ උවාච ।
ඉංද්රාක්ෂී ස්තෝත්ර මංත්රස්ය මාහාත්ම්යං කේන වෝච්යතේ ।
ඉංද්රේණාදෞ කෘතං ස්තෝත්රං සර්වාපද්විනිවාරණම් ॥

තදේවාහං බ්රවීම්යද්ය පෘච්ඡතස්තව නාරද ।
අස්ය ශ්රී ඉංද්රාක්ෂීස්තෝත්රමහාමංත්රස්ය, ශචීපුරංදර ඍෂිඃ, අනුෂ්ටුප්ඡංදඃ, ඉංද්රාක්ෂී දුර්ගා දේවතා, ලක්ෂ්මීර්බීජං, භුවනේශ්වරී ශක්තිඃ, භවානී කීලකං, මම ඉංද්රාක්ෂී ප්රසාද සිද්ධ්යර්ථේ ජපේ විනියෝගඃ ।

කරන්යාසඃ
ඉංද්රාක්ෂ්යෛ අංගුෂ්ඨාභ්යාං නමඃ ।
මහාලක්ෂ්ම්යෛ තර්ජනීභ්යාං නමඃ ।
මහේශ්වර්යෛ මධ්යමාභ්යාං නමඃ ।
අංබුජාක්ෂ්යෛ අනාමිකාභ්යාං නමඃ ।
කාත්යායන්යෛ කනිෂ්ඨිකාභ්යාං නමඃ ।
කෞමාර්යෛ කරතලකරපෘෂ්ඨාභ්යාං නමඃ ।

අංගන්යාසඃ
ඉංද්රාක්ෂ්යෛ හෘදයාය නමඃ ।
මහාලක්ෂ්ම්යෛ ශිරසේ ස්වාහා ।
මහේශ්වර්යෛ ශිඛායෛ වෂට් ।
අංබුජාක්ෂ්යෛ කවචාය හුම් ।
කාත්යායන්යෛ නේත්රත්රයාය වෞෂට් ।
කෞමාර්යෛ අස්ත්රාය ඵට් ।
භූර්භුවස්සුවරෝමිති දිග්බංධඃ ॥

ධ්යානම්
නේත්රාණාං දශභිශ්ශතෛඃ පරිවෘතාමත්යුග්රචර්මාංබරාම් ।
හේමාභාං මහතීං විලංබිතශිඛාමාමුක්තකේශාන්විතාම් ॥
ඝංටාමංඩිතපාදපද්මයුගළාං නාගේංද්රකුංභස්තනීම් ।
ඉංද්රාක්ෂීං පරිචිංතයාමි මනසා කල්පෝක්තසිද්ධිප්රදාම් ॥ 1 ॥

ඉංද්රාක්ෂීං ද්විභුජාං දේවීං පීතවස්ත්රද්වයාන්විතාම් ।
වාමහස්තේ වජ්රධරාං දක්ෂිණේන වරප්රදාම් ॥
ඉංද්රාක්ෂීං සහයුවතීං නානාලංකාරභූෂිතාම් ।
ප්රසන්නවදනාංභෝජාමප්සරෝගණසේවිතාම් ॥ 2 ॥

ද්විභුජාං සෞම්යවදානාං පාශාංකුශධරාං පරාම් ।
ත්රෛලෝක්යමෝහිනීං දේවීං ඉංද්රාක්ෂී නාම කීර්තිතාම් ॥ 3 ॥

පීතාංබරාං වජ්රධරෛකහස්තාං
නානාවිධාලංකරණාං ප්රසන්නාම් ।
ත්වාමප්සරස්සේවිතපාදපද්මාං
ඉංද්රාක්ෂීං වංදේ ශිවධර්මපත්නීම් ॥ 4 ॥

පංචපූජා
ලං පෘථිව්යාත්මිකායෛ ගංධං සමර්පයාමි ।
හං ආකාශාත්මිකායෛ පුෂ්පෛඃ පූජයාමි ।
යං වාය්වාත්මිකායෛ ධූපමාඝ්රාපයාමි ।
රං අග්න්යාත්මිකායෛ දීපං දර්ශයාමි ।
වං අමෘතාත්මිකායෛ අමෘතං මහානෛවේද්යං නිවේදයාමි ।
සං සර්වාත්මිකායෛ සර්වෝපචාරපූජාං සමර්පයාමි ॥

දිග්දේවතා රක්ෂ
ඉංද්ර උවාච ।
ඉංද්රාක්ෂී පූර්වතඃ පාතු පාත්වාග්නේය්යාං තථේශ්වරී ।
කෞමාරී දක්ෂිණේ පාතු නෛරෘත්යාං පාතු පාර්වතී ॥ 1 ॥

වාරාහී පශ්චිමේ පාතු වායව්යේ නාරසිංහ්යපි ।
උදීච්යාං කාළරාත්රී මාං ඓශාන්යාං සර්වශක්තයඃ ॥ 2 ॥

භෛරව්යෝර්ධ්වං සදා පාතු පාත්වධෝ වෛෂ්ණවී තථා ।
ඒවං දශදිශෝ රක්ෂේත්සර්වදා භුවනේශ්වරී ॥ 3 ॥

ඕං හ්රීං ශ්රීං ඉංද්රාක්ෂ්යෛ නමඃ ।

ස්තෝත්රං
ඉංද්රාක්ෂී නාම සා දේවී දේවතෛස්සමුදාහෘතා ।
ගෞරී ශාකංභරී දේවී දුර්ගානාම්නීති විශ්රුතා ॥ 1 ॥

නිත්යානංදී නිරාහාරී නිෂ්කළායෛ නමෝऽස්තු තේ ।
කාත්යායනී මහාදේවී චංද්රඝංටා මහාතපාඃ ॥ 2 ॥

සාවිත්රී සා ච ගායත්රී බ්රහ්මාණී බ්රහ්මවාදිනී ।
නාරායණී භද්රකාළී රුද්රාණී කෘෂ්ණපිංගළා ॥ 3 ॥

අග්නිජ්වාලා රෞද්රමුඛී කාළරාත්රී තපස්විනී ।
මේඝස්වනා සහස්රාක්ෂී විකටාංගී (විකාරාංගී) ජඩෝදරී ॥ 4 ॥

මහෝදරී මුක්තකේශී ඝෝරරූපා මහාබලා ।
අජිතා භද්රදාऽනංතා රෝගහංත්රී ශිවප්රියා ॥ 5 ॥

ශිවදූතී කරාළී ච ප්රත්යක්ෂපරමේශ්වරී ।
ඉංද්රාණී ඉංද්රරූපා ච ඉංද්රශක්තිඃපරායණී ॥ 6 ॥

සදා සම්මෝහිනී දේවී සුංදරී භුවනේශ්වරී ।
ඒකාක්ෂරී පරා බ්රාහ්මී ස්ථූලසූක්ෂ්මප්රවර්ධනී ॥ 7 ॥

රක්ෂාකරී රක්තදංතා රක්තමාල්යාංබරා පරා ।
මහිෂාසුරසංහර්ත්රී චාමුංඩා සප්තමාතෘකා ॥ 8 ॥

වාරාහී නාරසිංහී ච භීමා භෛරවවාදිනී ।
ශ්රුතිස්ස්මෘතිර්ධෘතිර්මේධා විද්යාලක්ෂ්මීස්සරස්වතී ॥ 9 ॥

අනංතා විජයාऽපර්ණා මානසෝක්තාපරාජිතා ।
භවානී පාර්වතී දුර්ගා හෛමවත්යංබිකා ශිවා ॥ 10 ॥

ශිවා භවානී රුද්රාණී ශංකරාර්ධශරීරිණී ।
ඓරාවතගජාරූඪා වජ්රහස්තා වරප්රදා ॥ 11 ॥

ධූර්ජටී විකටී ඝෝරී හ්යෂ්ටාංගී නරභෝජිනී ।
භ්රාමරී කාංචි කාමාක්ෂී ක්වණන්මාණික්යනූපුරා ॥ 12 ॥

හ්රීංකාරී රෞද්රභේතාළී හ්රුංකාර්යමෘතපාණිනී ।
ත්රිපාද්භස්මප්රහරණා ත්රිශිරා රක්තලෝචනා ॥ 13 ॥

නිත්යා සකලකළ්යාණී සර්වෛශ්වර්යප්රදායිනී ।
දාක්ෂායණී පද්මහස්තා භාරතී සර්වමංගළා ॥ 14 ॥

කළ්යාණී ජනනී දුර්ගා සර්වදුඃඛවිනාශිනී ।
ඉංද්රාක්ෂී සර්වභූතේශී සර්වරූපා මනෝන්මනී ॥ 15 ॥

මහිෂමස්තකනෘත්යවිනෝදන-
ස්ඵුටරණන්මණිනූපුරපාදුකා ।
ජනනරක්ෂණමෝක්ෂවිධායිනී
ජයතු ශුංභනිශුංභනිෂූදිනී ॥ 16 ॥

ශිවා ච ශිවරූපා ච ශිවශක්තිපරායණී ।
මෘත්යුංජයී මහාමායී සර්වරෝගනිවාරිණී ॥ 17 ॥

ඓංද්රීදේවී සදාකාලං ශාංතිමාශුකරෝතු මේ ।
ඊශ්වරාර්ධාංගනිලයා ඉංදුබිංබනිභානනා ॥ 18 ॥

සර්වෝරෝගප්රශමනී සර්වමෘත්යුනිවාරිණී ।
අපවර්ගප්රදා රම්යා ආයුරාරෝග්යදායිනී ॥ 19 ॥

ඉංද්රාදිදේවසංස්තුත්යා ඉහාමුත්රඵලප්රදා ।
ඉච්ඡාශක්තිස්වරූපා ච ඉභවක්ත්රාද්විජන්මභූඃ ॥ 20 ॥

භස්මායුධාය විද්මහේ රක්තනේත්රාය ධීමහි තන්නෝ ජ්වරහරඃ ප්රචෝදයාත් ॥ 21 ॥

මංත්රඃ
ඕං ඓං හ්රීං ශ්රීං ක්ලීං ක්ලූං ඉංද්රාක්ෂ්යෛ නමඃ ॥ 22 ॥

ඕං නමෝ භගවතී ඉංද්රාක්ෂී සර්වජනසම්මෝහිනී කාළරාත්රී නාරසිංහී සර්වශත්රුසංහාරිණී අනලේ අභයේ අජිතේ අපරාජිතේ මහාසිංහවාහිනී මහිෂාසුරමර්දිනී හන හන මර්දය මර්දය මාරය මාරය ශෝෂය ශෝෂය දාහය දාහය මහාග්රහාන් සංහර සංහර යක්ෂග්රහ රාක්ෂසග්රහ ස්කංදග්රහ විනායකග්රහ බාලග්රහ කුමාරග්රහ චෝරග්රහ භූතග්රහ ප්රේතග්රහ පිශාචග්රහ කූෂ්මාංඩග්රහාදීන් මර්දය මර්දය නිග්රහ නිග්රහ ධූමභූතාන්සංත්රාවය සංත්රාවය භූතජ්වර ප්රේතජ්වර පිශාචජ්වර උෂ්ණජ්වර පිත්තජ්වර වාතජ්වර ශ්ලේෂ්මජ්වර කඵජ්වර ආලාපජ්වර සන්නිපාතජ්වර මාහේංද්රජ්වර කෘත්රිමජ්වර කෘත්යාදිජ්වර ඒකාහිකජ්වර ද්වයාහිකජ්වර ත්රයාහිකජ්වර චාතුර්ථිකජ්වර පංචාහිකජ්වර පක්ෂජ්වර මාසජ්වර ෂණ්මාසජ්වර සංවත්සරජ්වර ජ්වරාලාපජ්වර සර්වජ්වර සර්වාංගජ්වරාන් නාශය නාශය හර හර හන හන දහ දහ පච පච තාඩය තාඩය ආකර්ෂය ආකර්ෂය විද්වේෂය විද්වේෂය ස්තංභය ස්තංභය මෝහය මෝහය උච්චාටය උච්චාටය හුං ඵට් ස්වාහා ॥ 23 ॥

ඕං හ්රීං ඕං නමෝ භගවතී ත්රෛලෝක්යලක්ෂ්මී සර්වජනවශංකරී සර්වදුෂ්ටග්රහස්තංභිනී කංකාළී කාමරූපිණී කාලරූපිණී ඝෝරරූපිණී පරමංත්රපරයංත්ර ප්රභේදිනී ප්රතිභටවිධ්වංසිනී පරබලතුරගවිමර්දිනී ශත්රුකරච්ඡේදිනී ශත්රුමාංසභක්ෂිණී සකලදුෂ්ටජ්වරනිවාරිණී භූත ප්රේත පිශාච බ්රහ්මරාක්ෂස යක්ෂ යමදූත ශාකිනී ඩාකිනී කාමිනී ස්තංභිනී මෝහිනී වශංකරී කුක්ෂිරෝග ශිරෝරෝග නේත්රරෝග ක්ෂයාපස්මාර කුෂ්ඨාදි මහාරෝගනිවාරිණී මම සර්වරෝගං නාශය නාශය හ්රාං හ්රීං හ්රූං හ්රෛං හ්රෞං හ්රඃ හුං ඵට් ස්වාහා ॥ 24 ॥

ඕං නමෝ භගවතී මාහේශ්වරී මහාචිංතාමණී දුර්ගේ සකලසිද්ධේශ්වරී සකලජනමනෝහාරිණී කාලකාලරාත්රී මහාඝෝරරූපේ ප්රතිහතවිශ්වරූපිණී මධුසූදනී මහාවිෂ්ණුස්වරූපිණී ශිරශ්ශූල කටිශූල අංගශූල පාර්ශ්වශූල නේත්රශූල කර්ණශූල පක්ෂශූල පාංඩුරෝග කාමාරාදීන් සංහර සංහර නාශය නාශය වෛෂ්ණවී බ්රහ්මාස්ත්රේණ විෂ්ණුචක්රේණ රුද්රශූලේන යමදංඩේන වරුණපාශේන වාසවවජ්රේණ සර්වානරීං භංජය භංජය රාජයක්ෂ්ම ක්ෂයරෝග තාපජ්වරනිවාරිණී මම සර්වජ්වරං නාශය නාශය ය ර ල ව ශ ෂ ස හ සර්වග්රහාන් තාපය තාපය සංහර සංහර ඡේදය ඡේදය උච්චාටය උච්චාටය හ්රාං හ්රීං හ්රූං ඵට් ස්වාහා ॥ 25 ॥

උත්තරන්යාසඃ
කරන්යාසඃ
ඉංද්රාක්ෂ්යෛ අංගුෂ්ඨාභ්යාං නමඃ ।
මහාලක්ෂ්ම්යෛ තර්ජනීභ්යාං නමඃ ।
මහේශ්වර්යෛ මධ්යමාභ්යාං නමඃ ।
අංබුජාක්ෂ්යෛ අනාමිකාභ්යාං නමඃ ।
කාත්යායන්යෛ කනිෂ්ඨිකාභ්යාං නමඃ ।
කෞමාර්යෛ කරතලකරපෘෂ්ඨාභ්යාං නමඃ ।

අංගන්යාසඃ
ඉංද්රාක්ෂ්යෛ හෘදයාය නමඃ ।
මහාලක්ෂ්ම්යෛ ශිරසේ ස්වාහා ।
මහේශ්වර්යෛ ශිඛායෛ වෂට් ।
අංබුජාක්ෂ්යෛ කවචාය හුම් ।
කාත්යායන්යෛ නේත්රත්රයාය වෞෂට් ।
කෞමාර්යෛ අස්ත්රාය ඵට් ।
භූර්භුවස්සුවරෝමිති දිග්විමෝකඃ ॥

සමර්පණං
ගුහ්යාදි ගුහ්ය ගෝප්ත්රී ත්වං ගෘහාණාස්මත්කෘතං ජපම් ।
සිද්ධිර්භවතු මේ දේවී ත්වත්ප්රසාදාන්මයි ස්ථිරාන් ॥ 26

ඵලශ්රුතිඃ
නාරායණ උවාච ।
ඒතෛර්නාමශතෛර්දිව්යෛඃ ස්තුතා ශක්රේණ ධීමතා ।
ආයුරාරෝග්යමෛශ්වර්යං අපමෘත්යුභයාපහම් ॥ 27 ॥

ක්ෂයාපස්මාරකුෂ්ඨාදි තාපජ්වරනිවාරණම් ।
චෝරව්යාඝ්රභයං තත්ර ශීතජ්වරනිවාරණම් ॥ 28 ॥

මාහේශ්වරමහාමාරී සර්වජ්වරනිවාරණම් ।
ශීතපෛත්තකවාතාදි සර්වරෝගනිවාරණම් ॥ 29 ॥

සන්නිජ්වරනිවාරණං සර්වජ්වරනිවාරණම් ।
සර්වරෝගනිවාරණං සර්වමංගළවර්ධනම් ॥ 30 ॥

ශතමාවර්තයේද්යස්තු මුච්යතේ ව්යාධිබංධනාත් ।
ආවර්තයන්සහස්රාත්තු ලභතේ වාංඡිතං ඵලම් ॥ 31 ॥

ඒතත් ස්තෝත්රං මහාපුණ්යං ජපේදායුෂ්යවර්ධනම් ।
විනාශාය ච රෝගාණාමපමෘත්යුහරාය ච ॥ 32 ॥

ද්විජෛර්නිත්යමිදං ජප්යං භාග්යාරෝග්යාභීප්සුභිඃ ।
නාභිමාත්රජලේස්ථිත්වා සහස්රපරිසංඛ්යයා ॥ 33 ॥

ජපේත්ස්තෝත්රමිමං මංත්රං වාචාං සිද්ධිර්භවේත්තතඃ ।
අනේනවිධිනා භක්ත්යා මංත්රසිද්ධිශ්ච ජායතේ ॥ 34 ॥

සංතුෂ්ටා ච භවේද්දේවී ප්රත්යක්ෂා සංප්රජායතේ ।
සායං ශතං පඨේන්නිත්යං ෂණ්මාසාත්සිද්ධිරුච්යතේ ॥ 35 ॥

චෝරව්යාධිභයස්ථානේ මනසාහ්යනුචිංතයන් ।
සංවත්සරමුපාශ්රිත්ය සර්වකාමාර්ථසිද්ධයේ ॥ 36 ॥

රාජානං වශ්යමාප්නෝති ෂණ්මාසාන්නාත්ර සංශයඃ ।
අෂ්ටදෝර්භිස්සමායුක්තේ නානායුද්ධවිශාරදේ ॥ 37 ॥

භූතප්රේතපිශාචේභ්යෝ රෝගාරාතිමුඛෛරපි ।
නාගේභ්යඃ විෂයංත්රේභ්යඃ ආභිචාරෛර්මහේශ්වරී ॥ 38 ॥

රක්ෂ මාං රක්ෂ මාං නිත්යං ප්රත්යහං පූජිතා මයා ।
සර්වමංගළමාංගළ්යේ ශිවේ සර්වාර්ථසාධිකේ ।
ශරණ්යේ ත්ර්යංබකේ දේවී නාරායණී නමෝऽස්තු තේ ॥ 39 ॥

වරං ප්රදාද්මහේංද්රාය දේවරාජ්යං ච ශාශ්වතම් ।
ඉංද්රස්තෝත්රමිදං පුණ්යං මහදෛශ්වර්යකාරණම් ॥ 40 ॥

ඉති ඉංද්රාක්ෂී ස්තෝත්රම් ।