අෂ්ටෝත්තරශතං නාම්නාං විෂ්ණෝරතුලතේජසඃ ।
යස්ය ශ්රවණමාත්රේණ නරෝ නාරායණෝ භවේත් ॥ 1 ॥
විෂ්ණුර්ජිෂ්ණුර්වෂට්කාරෝ දේවදේවෝ වෘෂාකපිඃ । [වෘෂාපතිඃ]
දාමෝදරෝ දීනබංධුරාදිදේවෝऽදිතේස්තුතඃ ॥ 2 ॥
පුංඩරීකඃ පරානංදඃ පරමාත්මා පරාත්පරඃ ।
පරශුධාරී විශ්වාත්මා කෘෂ්ණඃ කලිමලාපහා ॥ 3 ॥
කෞස්තුභෝද්භාසිතෝරස්කෝ නරෝ නාරායණෝ හරිඃ ।
හරෝ හරප්රියඃ ස්වාමී වෛකුංඨෝ විශ්වතෝමුඛඃ ॥ 4 ॥
හෘෂීකේශෝऽප්රමේයාත්මා වරාහෝ ධරණීධරඃ ।
වාමනෝ වේදවක්තා ච වාසුදේවඃ සනාතනඃ ॥ 5 ॥
රාමෝ විරාමෝ විරජෝ රාවණාරී රමාපතිඃ ।
වෛකුංඨවාසී වසුමාන් ධනදෝ ධරණීධරඃ ॥ 6 ॥
ධර්මේශෝ ධරණීනාථෝ ධ්යේයෝ ධර්මභෘතාංවරඃ ।
සහස්රශීර්ෂා පුරුෂඃ සහස්රාක්ෂඃ සහස්රපාත් ॥ 7 ॥
සර්වගඃ සර්වවිත්සර්වඃ ශරණ්යඃ සාධුවල්ලභඃ । [සර්වදඃ]
කෞසල්යානංදනඃ ශ්රීමාන් රාක්ෂසඃකුලනාශකඃ ॥ 8 ॥
ජගත්කර්තා ජගද්ධර්තා ජගජ්ජේතා ජනාර්තිහා ।
ජානකීවල්ලභෝ දේවෝ ජයරූපෝ ජලේශ්වරඃ ॥ 9 ॥
ක්ෂීරාබ්ධිවාසී ක්ෂීරාබ්ධිතනයාවල්ලභස්තථා ।
ශේෂශායී පන්නගාරිවාහනෝ විෂ්ටරශ්රවඃ ॥ 10 ॥
මාධවෝ මථුරානාථෝ මුකුංදෝ මෝහනාශනඃ ।
දෛත්යාරිඃ පුංඩරීකාක්ෂෝ හ්යච්යුතෝ මධුසූදනඃ ॥ 11 ॥
සෝමසූර්යාග්නිනයනෝ නෘසිංහෝ භක්තවත්සලඃ ।
නිත්යෝ නිරාමයශ්ශුද්ධෝ වරදේවෝ ජගත්ප්රභුඃ ॥ 12 ॥ [නරදේවෝ]
හයග්රීවෝ ජිතරිපුරුපේංද්රෝ රුක්මිණීපතිඃ ।
සර්වදේවමයඃ ශ්රීශඃ සර්වාධාරඃ සනාතනඃ ॥ 13 ॥
සෞම්යඃ සෞම්යප්රදඃ ස්රෂ්ටා විෂ්වක්සේනෝ ජනාර්දනඃ ।
යශෝදාතනයෝ යෝගී යෝගශාස්ත්රපරායණඃ ॥ 14 ॥
රුද්රාත්මකෝ රුද්රමූර්තිඃ රාඝවෝ මධුසූධනඃ । [රුද්රසූදනඃ]
ඉති තේ කථිතං දිව්යං නාම්නාමෂ්ටෝත්තරං ශතම් ॥ 15 ॥
සර්වපාපහරං පුණ්යං දිව්යෝරතුලතේජසඃ ।
දුඃඛදාරිද්ර්යදෞර්භාග්යනාශනං සුඛවර්ධනම් ॥ 16 ॥
සර්වසංපත්කරං සෞම්යං මහාපාතකනාශනම් ।
ප්රාතරුත්ථාය විපේංද්ර පඨේදේකාග්රමානසඃ ॥ 17 ॥
තස්ය නශ්යංති විපදාං රාශයඃ සිද්ධිමාප්නුයාත් ॥ 18 ॥
ඉති ශ්රී විෂ්ණෝඃ අෂ්ටෝත්තරශතනාම ස්තෝත්රම් ॥
