ஶ்ரீஸதா³ஶிவ உவாச
ஶ்ருணு தே³வி ஜக³த்³வந்த்³யே ஸ்தோத்ரமேதத³னுத்தமம் ।
பட²னாச்ச்²ரவணாத்³யஸ்ய ஸர்வஸித்³தீ⁴ஶ்வரோ ப⁴வேத் ॥ 1 ॥
அஸௌபா⁴க்³யப்ரஶமனம் ஸுக²ஸம்பத்³விவர்த⁴னம் ।
அகாலம்ருத்யுஹரணம் ஸர்வாபத்³வினிவாரணம் ॥ 2 ॥
ஶ்ரீமதா³த்³யாகாளிகாயா: ஸுக²ஸான்னித்⁴யகாரணம் ।
ஸ்தவஸ்யாஸ்ய ப்ரஸீதே³ன த்ரிபுராரிரஹம் ப்ரியே ॥ 3 ॥
ஸ்தோத்ரஸ்யாஸ்ய ருஷிர்தே³வி ஸதா³ஶிவ உதா³ஹ்ருத: ।
ச²ந்தோ³னுஷ்டுப்³தே³வதாத்³யா காளிகா பரிகீர்திதா ।
த⁴ர்மகாமார்த²மோக்ஷேஷு வினியோக:³ ப்ரகீர்தித: ॥ 4 ॥
அத² ஸ்தோத்ரம்
ஹ்ரீம் காளீ ஶ்ரீம் கராளீ ச க்ரீம் கள்யாணீ களாவதீ ।
கமலா கலித³ர்பக்⁴னீ கபர்தீ³ஶக்ருபான்விதா ॥ 5 ॥
காளிகா காலமாதா ச காலானலஸமத்³யுதி: ।
கபர்தி³னீ கராளாஸ்யா கருணாம்ருதஸாக³ரா ॥ 6 ॥
க்ருபாமயீ க்ருபாதா⁴ரா க்ருபாபாரா க்ருபாக³மா ।
க்ருஶானு: கபிலா க்ருஷ்ணா க்ருஷ்ணானந்த³விவர்தி⁴னீ ॥ 7 ॥
காலராத்ரி: காமரூபா காமபாஶவிமோசினீ ।
காத³ம்பி³னீ களாதா⁴ரா கலிகல்மஷனாஶினீ ॥ 8 ॥
குமாரீபூஜனப்ரீதா குமாரீபூஜகாலயா ।
குமாரீபோ⁴ஜனானந்தா³ குமாரீரூபதா⁴ரிணீ ॥ 9 ॥
கத³ம்ப³வனஸஞ்சாரா கத³ம்ப³வனவாஸினீ ।
கத³ம்ப³புஷ்பஸந்தோஷா கத³ம்ப³புஷ்பமாலினீ ॥ 1௦ ॥
கிஶோரீ கலகண்டா² ச கலனாத³னினாதி³னீ ।
காத³ம்ப³ரீபானரதா ததா² காத³ம்ப³ரீப்ரியா ॥ 11 ॥
கபாலபாத்ரனிரதா கங்காலமால்யதா⁴ரிணீ ।
கமலாஸனஸந்துஷ்டா கமலாஸனவாஸினீ ॥ 12 ॥
கமலாலயமத்⁴யஸ்தா² கமலாமோத³மோதி³னீ ।
கலஹம்ஸக³தி: க்லைப்³யனாஶினீ காமரூபிணீ ॥ 13 ॥
காமரூபக்ருதாவாஸா காமபீட²விலாஸினீ ।
கமனீயா கல்பலதா கமனீயவிபூ⁴ஷணா ॥ 14 ॥
கமனீயகு³ணாராத்⁴யா கோமலாங்கீ³ க்ருஶோத³ரீ ।
காரணாம்ருதஸந்தோஷா காரணானந்த³ஸித்³தி⁴தா³ ॥ 15 ॥
காரணானந்தஜ³ாபேஷ்டா காரணார்சனஹர்ஷிதா ।
காரணார்ணவஸம்மக்³னா காரணவ்ரதபாலினீ ॥ 16 ॥
கஸ்தூரீஸௌரபா⁴மோதா³ கஸ்தூரீதிலகோஜ்ஜ்வலா ।
கஸ்தூரீபூஜனரதா கஸ்தூரீபூஜகப்ரியா ॥ 17 ॥
கஸ்தூரீதா³ஹஜனநீ கஸ்தூரீம்ருக³தோஷிணீ ।
கஸ்தூரீபோ⁴ஜனப்ரீதா கர்பூராமோத³மோதி³தா ॥ 18 ॥
கர்பூரமாலாப⁴ரணா கர்பூரசந்த³னோக்ஷிதா ।
கர்பூரகாரணாஹ்லாதா³ கர்பூராம்ருதபாயினீ ॥ 19 ॥
கர்பூரஸாக³ரஸ்னாதா கர்பூரஸாக³ராலயா ।
கூர்சபீ³ஜஜபப்ரீதா கூர்சஜாபபராயணா ॥ 2௦ ॥
குலீனா கௌலிகாராத்⁴யா கௌலிகப்ரியகாரிணீ ।
குலாசாரா கௌதுகினீ குலமார்க³ப்ரத³ர்ஶினீ ॥ 21 ॥
காஶீஶ்வரீ கஷ்டஹர்த்ரீ காஶீஶவரதா³யினீ ।
காஶீஶ்வரக்ருதாமோதா³ காஶீஶ்வரமனோரமா ॥ 22 ॥
கலமஞ்ஜீரசரணா க்வணத்காஞ்சீவிபூ⁴ஷணா ।
காஞ்சனாத்³ரிக்ருதாகா³ரா காஞ்சனாசலகௌமுதீ³ ॥ 23 ॥
காமபீ³ஜஜபானந்தா³ காமபீ³ஜஸ்வரூபிணீ ।
குமதிக்⁴னீ குலீனார்தினாஶினீ குலகாமினீ ॥ 24 ॥
க்ரீம் ஹ்ரீம் ஶ்ரீம் மந்த்ரவர்ணேன காலகண்டககா⁴தினீ ।
இத்யாத்³யாகாளிகாதே³வ்யா: ஶதனாம ப்ரகீர்திதம் ॥ 25 ॥
ககாரகூடக⁴டிதம் காளீரூபஸ்வரூபகம் ।
பூஜாகாலே படே²த்³யஸ்து காளிகாக்ருதமானஸ: ॥ 26 ॥
மந்த்ரஸித்³தி⁴ர்ப⁴வேதா³ஶு தஸ்ய காளீ ப்ரஸீத³தி ।
பு³த்³தி⁴ம் வித்³யாம் ச லப⁴தே கு³ரோராதே³ஶமாத்ரத: ॥ 27 ॥
த⁴னவான் கீர்திமான் பூ⁴யாத்³தா³னஶீலோ த³யான்வித: ।
புத்ரபௌத்ரஸுகை²ஶ்வர்யைர்மோத³தே ஸாத⁴கோ பு⁴வி ॥ 28 ॥
பௌ⁴மாவாஸ்யானிஶாபா⁴கே³ மபஞ்சகஸமன்வித: ।
பூஜயித்வா மஹாகாளீமாத்³யாம் த்ரிபு⁴வனேஶ்வரீம் ॥ 29 ॥
படி²த்வா ஶதனாமானி ஸாக்ஷாத்காளீமயோ ப⁴வேத் ।
நாஸாத்⁴யம் வித்³யதே தஸ்ய த்ரிஷு லோகேஷு கிஞ்சன ॥ 3௦ ॥
வித்³யாயாம் வாக்பதி: ஸாக்ஷாத் த⁴னே த⁴னபதிர்ப⁴வேத் ।
ஸமுத்³ர இவ கா³ம்பீ⁴ர்யே ப³லே ச பவனோபம: ॥ 31 ॥
திக்³மாம்ஶுரிவ து³ஷ்ப்ரேக்ஷ்ய: ஶஶிவச்சு²ப⁴த³ர்ஶன: ।
ரூபே மூர்தித⁴ர: காமோ யோஷிதாம் ஹ்ருத³யங்க³ம: ॥ 32 ॥
ஸர்வத்ர ஜயமாப்னோதி ஸ்தவஸ்யாஸ்ய ப்ரஸாத³த: ।
யம் யம் காமம் புரஸ்க்ருத்ய ஸ்தோத்ரமேதது³தீ³ரயேத் ॥ 33 ॥
தம் தம் காமமவாப்னோதி ஶ்ரீமதா³த்³யாப்ரஸாத³த: ।
ரணே ராஜகுலே த்³யூதே விவாதே³ ப்ராணஸங்கடே ॥ 34 ॥
த³ஸ்யுக்³ரஸ்தே க்³ராமதா³ஹே ஸிம்ஹவ்யாக்⁴ராவ்ருதே ததா² ।
அரண்யே ப்ராந்தரே து³ர்கே³ க்³ரஹராஜப⁴யேபி வா ॥ 35 ॥
ஜ்வரதா³ஹே சிரவ்யாதௌ⁴ மஹாரோகா³தி³ஸங்குலே ।
பா³லக்³ரஹாதி³ ரோகே³ ச ததா² து³:ஸ்வப்னத³ர்ஶனே ॥ 36 ॥
து³ஸ்தரே ஸலிலே வாபி போதே வாதவிபத்³க³தே ।
விசிந்த்ய பரமாம் மாயாமாத்³யாம் காளீம் பராத்பராம் ॥ 37 ॥
ய: படே²ச்ச²தனாமானி த்³ருட⁴ப⁴க்திஸமன்வித: ।
ஸர்வாபத்³ப்⁴யோ விமுச்யேத தே³வி ஸத்யம் ந ஸம்ஶய: ॥ 38 ॥
ந பாபேப்⁴யோ ப⁴யம் தஸ்ய ந ரோகோ³ப்⁴யோ ப⁴யம் க்வசித் ।
ஸர்வத்ர விஜயஸ்தஸ்ய ந குத்ராபி பராப⁴வ: ॥ 39 ॥
தஸ்ய த³ர்ஶனமாத்ரேண பலாயந்தே விபத்³க³ணா: ।
ஸ வக்தா ஸர்வஶாஸ்த்ராணாம் ஸ போ⁴க்தா ஸர்வஸம்பதா³ம் ॥ 4௦ ॥
ஸ கர்தா ஜாதித⁴ர்மாணாம் ஜ்ஞாதீனாம் ப்ரபு⁴ரேவ ஸ: ।
வாணீ தஸ்ய வஸேத்³வக்த்ரே கமலா நிஶ்சலா க்³ருஹே ॥ 41 ॥
தன்னாம்னா மானவா: ஸர்வே ப்ரணமந்தி ஸஸம்ப்⁴ரமா: ।
த்³ருஷ்ட்யா தஸ்ய த்ருணாயந்தே ஹ்யணிமாத்³யஷ்டஸித்³த⁴ய: ॥ 42 ॥
ஆத்³யாகாளீஸ்வரூபாக்²யம் ஶதனாம ப்ரகீர்திதம் ।
அஷ்டோத்தரஶதாவ்ருத்யா புரஶ்சர்யாஸ்ய கீ³யதே ॥ 43 ॥
புரஸ்க்ரியான்விதம் ஸ்தோத்ரம் ஸர்வாபீ⁴ஷ்டப²லப்ரத³ம் ।
ஶதனாமஸ்துதிமிமாமாத்³யாகாளீஸ்வரூபிணீம் ॥ 44 ॥
படே²த்³வா பாட²யேத்³வாபி ஶ்ருணுயாச்ச்²ராவயேத³பி ।
ஸர்வபாபவினிர்முக்தோ ப்³ரஹ்மஸாயுஜ்யமாப்னுயாத் ॥ 45 ॥
இதி மஹானிர்வாணதந்த்ரே ஸப்தமோல்லாஸாந்தர்க³தம் ஶ்ரீ ஆத்³யா காளிகா ஶதனாம ஸ்தோத்ரம் ॥
