யாமாமனந்தி முனய: ப்ரக்ருதிம் புராணீம்
வித்³யேதி யாம் ஶ்ருதிரஹஸ்யவிதோ³ வத³ந்தி ।
தாமர்த⁴பல்லவிதஶங்கரரூபமுத்³ராம்
தே³வீமனந்யஶரண: ஶரணம் ப்ரபத்³யே ॥ 1 ॥
அம்ப³ ஸ்தவேஷு தவ தாவத³கர்த்ருகாணி
குண்டீ²ப⁴வந்தி வசஸாமபி கு³ம்ப⁴னானி ।
டி³ம்ப⁴ஸ்ய மே ஸ்துதிரஸாவஸமஞ்ஜஸாபி
வாத்ஸல்யனிக்⁴னஹ்ருத³யாம் ப⁴வதீம் தி⁴னோது ॥ 2 ॥
வ்யோமேதி பி³ந்து³ரிதி நாத³ இதீந்து³லேகா²-
-ரூபேதி வாக்³ப⁴வதனூரிதி மாத்ருகேதி ।
நி:ஸ்யந்த³மானஸுக²போ³த⁴ஸுதா⁴ஸ்வரூபா
வித்³யோதஸே மனஸி பா⁴க்³யவதாம் ஜனானாம் ॥ 3 ॥
ஆவிர்ப⁴வத்புலகஸந்ததிபி⁴: ஶரீரை-
-ர்னி:ஸ்யந்த³மானஸலிலைர்னயனைஶ்ச நித்யம் ।
வாக்³பி⁴ஶ்ச க³த்³க³த³பதா³பி⁴ருபாஸதே யே
பாதௌ³ தவாம்ப³ பு⁴வனேஷு த ஏவ த⁴ன்யா: ॥ 4 ॥
வக்த்ரம் யது³த்³யதமபி⁴ஷ்டுதயே ப⁴வத்யா-
-ஸ்துப்⁴யம் நமோ யத³பி தே³வி ஶிர: கரோதி ।
சேதஶ்ச யத்த்வயி பராயணமம்ப³ தானி
கஸ்யாபி கைரபி ப⁴வந்தி தபோவிஶேஷை: ॥ 5 ॥
மூலாலவாலகுஹராது³தி³தா ப⁴வானி
நிர்பி⁴த்³ய ஷட்ஸரஸிஜானி தடில்லதேவ ।
பூ⁴யோபி தத்ர விஶஸி த்⁴ருவமண்ட³லேந்து³-
-னி:ஸ்யந்த³மானபரமாம்ருததோயரூபா ॥ 6 ॥
த³க்³த⁴ம் யதா³ மத³னமேகமனேகதா⁴ தே
முக்³த:⁴ கடாக்ஷவிதி⁴ரங்குரயாஞ்சகார ।
த⁴த்தே ததா³ப்ரப்⁴ருதி தே³வி லலாடனேத்ரம்
ஸத்யம் ஹ்ரியைவ முகுலீக்ருதமிந்து³மௌலே: ॥ 7 ॥
அஜ்ஞாதஸம்ப⁴வமனாகலிதான்வவாயம்
பி⁴க்ஷும் கபாலினமவாஸஸமத்³விதீயம் ।
பூர்வம் கரக்³ரஹணமங்க³லதோ ப⁴வத்யா:
ஶம்பு⁴ம் க ஏவ பு³பு³தே⁴ கி³ரிராஜகன்யே ॥ 8 ॥
சர்மாம்ப³ரம் ச ஶவப⁴ஸ்மவிலேபனம் ச
பி⁴க்ஷாடனம் ச நடனம் ச பரேதபூ⁴மௌ ।
வேதாலஸம்ஹதிபரிக்³ரஹதா ச ஶம்போ⁴:
ஶோபா⁴ம் பி³ப⁴ர்தி கி³ரிஜே தவ ஸாஹசர்யாத் ॥ 9 ॥
கல்போபஸம்ஹரணகேலிஷு பண்டி³தானி
சண்டா³னி க²ண்ட³பரஶோரபி தாண்ட³வானி ।
ஆலோகனேன தவ கோமலிதானி மாத-
-ர்லாஸ்யாத்மனா பரிணமந்தி ஜக³த்³விபூ⁴த்யை ॥ 1௦ ॥
ஜந்தோரபஶ்சிமதனோ: ஸதி கர்மஸாம்யே
நி:ஶேஷபாஶபடலச்சி²து³ரா நிமேஷாத் ।
கல்யாணி தே³ஶிககடாக்ஷஸமாஶ்ரயேண
காருண்யதோ ப⁴வதி ஶாம்ப⁴வவேத³தீ³க்ஷா ॥ 11 ॥
முக்தாவிபூ⁴ஷணவதீ நவவித்³ருமாபா⁴
யச்சேதஸி ஸ்பு²ரஸி தாரகிதேவ ஸந்த்⁴யா ।
ஏக: ஸ ஏவ பு⁴வனத்ரயஸுந்த³ரீணாம்
கந்த³ர்பதாம் வ்ரஜதி பஞ்சஶரீம் வினாபி ॥ 12 ॥
யே பா⁴வயந்த்யம்ருதவாஹிபி⁴ரம்ஶுஜாலை-
-ராப்யாயமானபு⁴வனாமம்ருதேஶ்வரீம் த்வாம் ।
தே லங்க⁴யந்தி நனு மாதரலங்க⁴னீயாம்
ப்³ரஹ்மாதி³பி⁴: ஸுரவரைரபி காலகக்ஷாம் ॥ 13 ॥
ய: ஸ்பா²டிகாக்ஷகு³ணபுஸ்தககுண்டி³காட்⁴யாம்
வ்யாக்²யாஸமுத்³யதகராம் ஶரதி³ந்து³ஶுப்⁴ராம் ।
பத்³மாஸனாம் ச ஹ்ருத³யே ப⁴வதீமுபாஸ்தே
மாத: ஸ விஶ்வகவிதார்கிகசக்ரவர்தீ ॥ 14 ॥
ப³ர்ஹாவதம்ஸயுதப³ர்ப³ரகேஶபாஶாம்
கு³ஞ்ஜாவலீக்ருதக⁴னஸ்தனஹாரஶோபா⁴ம் ।
ஶ்யாமாம் ப்ரவாலவத³னாம் ஸுகுமாரஹஸ்தாம்
த்வாமேவ நௌமி ஶப³ரீம் ஶப³ரஸ்ய ஜாயாம் ॥ 15 ॥
அர்தே⁴ன கிம் நவலதாலலிதேன முக்³தே⁴
க்ரீதம் விபோ⁴: பருஷமர்த⁴மித³ம் த்வயேதி ।
ஆலீஜனஸ்ய பரிஹாஸவசாம்ஸி மன்யே
மந்த³ஸ்மிதேன தவ தே³வி ஜடீ³ ப⁴வந்தி ॥ 16 ॥
ப்³ரஹ்மாண்ட³ பு³த்³பு³த³கத³ம்ப³கஸங்குலோயம்
மாயோத³தி⁴ர்விவித⁴து³:க²தரங்க³மால: ।
ஆஶ்சர்யமம்ப³ ஜ²டிதி ப்ரலயம் ப்ரயாதி
த்வத்³த்⁴யானஸந்ததிமஹாப³ட³பா³முகா²க்³னௌ ॥ 17 ॥
தா³க்ஷாயணீதி குடிலேதி குஹாரிணீதி
காத்யாயனீதி கமலேதி கலாவதீதி ।
ஏகா ஸதீ ப⁴க³வதீ பரமார்த²தோபி
ஸந்த்³ருஶ்யஸே ப³ஹுவிதா⁴ நனு நர்தகீவ ॥ 18 ॥
ஆனந்த³லக்ஷணமனாஹதனாம்னி தே³ஶே
நாதா³த்மனா பரிணதம் தவ ரூபமீஶே ।
ப்ரத்யங்முகே²ன மனஸா பரிசீயமானம்
ஶம்ஸந்தி நேத்ரஸலிலை: புலகைஶ்ச த⁴ன்யா: ॥ 19 ॥
த்வம் சந்த்³ரிகா ஶஶினி திக்³மருசௌ ருசிஸ்த்வம்
த்வம் சேதனாஸி புருஷே பவனே ப³லம் த்வம் ।
த்வம் ஸ்வாது³தாஸி ஸலிலே ஶிகி²னி த்வமூஷ்மா
நி:ஸாரமேவ நிகி²லம் த்வத்³ருதே யதி³ ஸ்யாத் ॥ 2௦ ॥
ஜ்யோதீம்ஷி யத்³தி³வி சரந்தி யத³ந்தரிக்ஷம்
ஸூதே பயாம்ஸி யத³ஹிர்த⁴ரணீம் ச த⁴த்தே ।
யத்³வாதி வாயுரனலோ யது³த³ர்சிராஸ்தே
தத்ஸர்வமம்ப³ தவ கேவலமாஜ்ஞயைவ ॥ 21 ॥
ஸங்கோசமிச்ச²ஸி யதா³ கி³ரிஜே ததா³னீம்
வாக்தர்கயோஸ்த்வமஸி பூ⁴மிரனாமரூபா ।
யத்³வா விகாஸமுபயாஸி யதா³ ததா³னீம்
த்வன்னாமரூபக³ணனா: ஸுகரா ப⁴வந்தி ॥ 22 ॥
போ⁴கா³ய தே³வி ப⁴வதீம் க்ருதின: ப்ரணம்ய
ப்⁴ரூகிங்கரீக்ருதஸரோஜக்³ருஹா: ஸஹஸ்ரம் ।
சிந்தாமணிப்ரசயகல்பிதகேலிஶைலே
கல்பத்³ருமோபவன ஏவ சிரம் ரமந்தே ॥ 23 ॥
ஹர்தும் த்வமேவ ப⁴வஸி த்வத³தீ⁴னமீஶே
ஸம்ஸாரதாபமகி²லம் த³யயா பஶூனாம் ।
வைகர்தனீ கிரணஸம்ஹதிரேவ ஶக்தா
த⁴ர்மம் நிஜம் ஶமயிதும் நிஜயைவ வ்ருஷ்ட்யா ॥ 24 ॥
ஶக்தி: ஶரீரமதி⁴தை³வதமந்தராத்மா
ஜ்ஞானம் க்ரியா கரணமாஸனஜாலமிச்சா² ।
ஐஶ்வர்யமாயதனமாவரணானி ச த்வம்
கிம் தன்ன யத்³ப⁴வஸி தே³வி ஶஶாங்கமௌலே: ॥ 25 ॥
பூ⁴மௌ நிவ்ருத்திருதி³தா பயஸி ப்ரதிஷ்டா²
வித்³யானலே மருதி ஶாந்திரதீவகாந்தி: ।
வ்யோம்னீதி யா: கில கலா: கலயந்தி விஶ்வம்
தாஸாம் ஹி தூ³ரதரமம்ப³ பத³ம் த்வதீ³யம் ॥ 26 ॥
யாவத்பத³ம் பத³ஸரோஜயுக³ம் த்வதீ³யம்
நாங்கீ³கரோதி ஹ்ருத³யேஷு ஜக³ச்ச²ரண்யே ।
தாவத்³விகல்பஜடிலா: குடிலப்ரகாரா-
-ஸ்தர்கக்³ரஹா: ஸமயினாம் ப்ரலயம் ந யாந்தி ॥ 27 ॥
நிர்தே³வயானபித்ருயானவிஹாரமேகே
க்ருத்வா மன: கரணமண்ட³லஸார்வபௌ⁴மம் ।
த்⁴யானே நிவேஶ்ய தவ காரணபஞ்சகஸ்ய
பர்வாணி பார்வதி நயந்தி நிஜாஸனத்வம் ॥ 28 ॥
ஸ்தூ²லாஸு மூர்திஷு மஹீப்ரமுகா²ஸு மூர்தே:
கஸ்யாஶ்சனாபி தவ வைப⁴வமம்ப³ யஸ்யா: ।
பத்யா கி³ராமபி ந ஶக்யத ஏவ வக்தும்
ஸாபி ஸ்துதா கில மயேதி திதிக்ஷிதவ்யம் ॥ 29 ॥
காலாக்³னிகோடிருசிமம்ப³ ஷட³த்⁴வஶுத்³தௌ⁴
ஆப்லாவனேஷு ப⁴வதீமம்ருதௌக⁴வ்ருஷ்டிம் ।
ஶ்யாமாம் க⁴னஸ்தனதடாம் ஶகலீக்ருதாகா⁴ம்
த்⁴யாயந்த ஏவ ஜக³தாம் கு³ரவோ ப⁴வந்தி ॥ 3௦ ॥
வித்³யாம் பராம் கதிசித³ம்ப³ரமம்ப³ கேசி-
-தா³னந்த³மேவ கதிசித்கதிசிச்ச மாயாம் ।
த்வாம் விஶ்வமாஹுரபரே வயமாமனாம:
ஸாக்ஷாத³பாரகருணாம் கு³ருமூர்திமேவ ॥ 31 ॥
குவலயத³லனீலம் ப³ர்ப³ரஸ்னிக்³த⁴கேஶம்
ப்ருது²தரகுசபா⁴ராக்ராந்தகாந்தாவலக்³னம் ।
கிமிஹ ப³ஹுபி⁴ருக்தைஸ்த்வத்ஸ்வரூபம் பரம் ந:
ஸகலஜனநி மாத: ஸந்ததம் ஸன்னித⁴த்தாம் ॥ 32 ॥
இதி ஶ்ரீகாளிதா³ஸ விரசித பஞ்சஸ்தவ்யாம் சதுர்த:² அம்பா³ஸ்தவ: ।
