அஜானந்தோ யாந்தி க்ஷயமவஶமன்யோன்யகலஹை-
-ரமீ மாயாக்³ரந்தௌ² தவ பரிலுட²ந்த: ஸமயின: ।
ஜக³ன்மாதர்ஜன்மஜ்வரப⁴யதம: கௌமுதி³ வயம்
நமஸ்தே குர்வாணா: ஶரணமுபயாமோ ப⁴க³வதீம் ॥ 1 ॥

வசஸ்தர்காக³ம்யஸ்வரஸபரமானந்த³விப⁴வ-
-ப்ரபோ³தா⁴காராய த்³யுதிதுலிதனீலோத்பலருசே ।
ஶிவாத்³யாராத்⁴யாய ஸ்தனப⁴ரவினம்ராய ஸததம்
நமஸ்தஸ்மை கஸ்மைசன ப⁴வது முக்³தா⁴ய மஹஸே ॥ 2 ॥

அனாத்³யந்தாபே⁴த³ப்ரணயரஸிகாபி ப்ரணயினீ
ஶிவஸ்யாஸீர்யத்த்வம் பரிணயவிதௌ⁴ தே³வி க்³ருஹிணீ ।
ஸவித்ரீ பூ⁴தானாமபி யது³த³பூ⁴: ஶைலதனயா
ததே³தத்ஸம்ஸாரப்ரணயனமஹானாடகமுக²ம் ॥ 3 ॥

ப்³ருவந்த்யேகே தத்த்வம் ப⁴க³வதி ஸத³ன்யே விது³ரஸ-
-த்பரே மாத: ப்ராஹுஸ்தவ ஸத³ஸத³ன்யே ஸுகவய: ।
பரே நைதத்ஸர்வம் ஸமபி⁴த³த⁴தே தே³வி ஸுதி⁴ய-
-ஸ்ததே³தத்த்வன்மாயாவிலஸிதமஶேஷம் நனு ஶிவே ॥ 4 ॥

லுட²த்³கு³ஞ்ஜாஹாரஸ்தனப⁴ரனமன்மத்⁴யலதிகா-
-முத³ஞ்சத்³த⁴ர்மாம்ப:⁴ கணகு³ணிதவக்த்ராம்பு³ஜருசம் ।
ஶிவம் பார்த²த்ராணப்ரவணம்ருக³யாகாரகு³ணிதம்
ஶிவாமன்வக்³யாந்தீம் ஶரணமஹமன்வேமி ஶப³ரீம் ॥ 5 ॥

மித:² கேஶாகேஶிப்ரத²னநித⁴னாஸ்தர்கக⁴டனா:
ப³ஹுஶ்ரத்³தா⁴ப⁴க்திப்ரணதிவிஷயா: ஶாஸ்த்ரவித⁴ய: ।
ப்ரஸீத³ ப்ரத்யக்ஷீப⁴வ கி³ரிஸுதே தே³ஹி ஶரணம்
நிராலம்ப³ம் சேத: பரிலுட²தி பாரிப்லவமித³ம் ॥ 6 ॥

ஶுனாம் வா வஹ்னேர்வா க²க³பரிஷதோ³ வா யத³ஶனம்
கதா³ கேன க்வேதி க்வசித³பி ந கஶ்சித்கலயதி ।
அமுஷ்மின்விஶ்வாஸம் விஜஹிஹி மமாஹ்னாய வபுஷி
ப்ரபத்³யேதா²ஶ்சேத: ஸகலஜனநீமேவ ஶரணம் ॥ 7 ॥

தடித்கோடிஜ்யோதிர்த்³யுதித³லிதஷட்³க்³ரந்தி²க³ஹனம்
ப்ரவிஷ்டம் ஸ்வாதா⁴ரம் புனரபி ஸுதா⁴வ்ருஷ்டிவபுஷா ।
கிமப்யஷ்டாவிம்ஶத்கிரணஸகலீபூ⁴தமனிஶம்
பஜ⁴ே தா⁴ம ஶ்யாமம் குசப⁴ரனதம் ப³ர்ப³ரகசம் ॥ 8 ॥

சதுஷ்பத்ராந்த: ஷட்³த³லபுடப⁴கா³ந்தஸ்த்ரிவலய-
-ஸ்பு²ரத்³வித்³யுத்³வஹ்னித்³யுமணினியுதாப⁴த்³யுதிலதே ।
ஷட³ஶ்ரம் பி⁴த்த்வாதௌ³ த³ஶத³லமத² த்³வாத³ஶத³லம்
கலாஶ்ரம் ச த்³வ்யஶ்ரம் க³தவதி நமஸ்தே கி³ரிஸுதே ॥ 9 ॥

குலம் கேசித்ப்ராஹுர்வபுரகுலமன்யே தவ பு³தா⁴:
பரே தத்ஸம்பே⁴த³ம் ஸமபி⁴த³த⁴தே கௌலமபரே ।
சதுர்ணாமப்யேஷாமுபரி கிமபி ப்ராஹுரபரே
மஹாமாயே தத்த்வம் தவ கத²மமீ நிஶ்சினுமஹே ॥ 1௦ ॥

ஷட³த்⁴வாரண்யானீம் ப்ரலயரவிகோடிப்ரதிருசா
ருசா ப⁴ஸ்மீக்ருத்ய ஸ்வபத³கமலப்ரஹ்வஶிரஸாம் ।
விதன்வான: ஶைவம் கிமபி வபுரிந்தீ³வரருசி:
குசாப்⁴யாமானம்ரஸ்தவ புருஷகாரோ விஜயதே ॥ 11 ॥

ப்ரகாஶானந்தா³ப்⁴யாமவிதி³தசரீம் மத்⁴யபத³வீம்
ப்ரவிஶ்யைதத்³த்³வந்த்³வம் ரவிஶஶிஸமாக்²யம் கப³லயன் ।
ப்ரபத்³யோர்த்⁴வம் நாத³ம் லயத³ஹனப⁴ஸ்மீக்ருதகுல:
ப்ரஸாதா³த்தே ஜந்து: ஶிவமகுலமம்ப³ ப்ரவிஶதி ॥ 12 ॥

மனுஷ்யாஸ்திர்யஞ்சோ மருத இதி லோகத்ரயமித³ம்
ப⁴வாம்போ⁴தௌ⁴ மக்³னம் த்ரிகு³ணலஹரீகோடிலுடி²தம் ।
கடாக்ஷஶ்சேத்³யத்ர க்வசன தவ மாத: கருணயா
ஶரீரீ ஸத்³யோயம் வ்ரஜதி பரமானந்த³தனுதாம் ॥ 13 ॥

ப்ரியங்கு³ஶ்யாமாங்கீ³மருணதரவாஸம் கிஸலயாம்
ஸமுன்மீலன்முக்தாப²லவஹலனேபத்²யஸுப⁴கா³ம் ।
ஸ்தனத்³வந்த்³வஸ்பா²ரஸ்தப³கனமிதாம் கல்பலதிகாம்
ஸக்ருத்³த்⁴யாயந்தஸ்த்வாம் த³த⁴தி ஶிவசிந்தாமணிபத³ம் ॥ 14 ॥

ஷடா³தா⁴ராவர்தைரபரிமிதமந்த்ரோர்மிபடலை:
லஸன்முத்³ராபே²னைர்ப³ஹுவித⁴லஸத்³தை³வதஜ²ஷை: ।
க்ரமஸ்ரோதோபி⁴ஸ்த்வம் வஹஸி பரனாதா³ம்ருதனதீ³
ப⁴வானி ப்ரத்யக்³ரா ஶிவசித³ம்ருதாப்³தி⁴ப்ரணயினீ ॥ 15 ॥

மஹீபாதோ²வஹ்னிஶ்வஸனவியதா³த்மேந்து³ரவிபி⁴-
-ர்வபுர்பி⁴க்³ரஸ்தாஶைரபி தவ கியானம்ப³ மஹிமா ।
அமூன்யாலோக்யந்தே ப⁴க³வதி ந குத்ராப்யணுதமா-
-மவஸ்தா²ம் ப்ராப்தானி த்வயி து பரமவ்யோமவபுஷி ॥ 16 ॥

கலாமாஜ்ஞாம் ப்ரஜ்ஞாம் ஸமயமனுபூ⁴திம் ஸமரஸம்
கு³ரும் பாரம்பர்யம் வினயமுபதே³ஶம் ஶிவபத³ம் ।
ப்ரமாணம் நிர்வாணம் ப்ரக்ருதிமபி⁴பூ⁴திம் பரகு³ஹாம்
விதி⁴ம் வித்³யாமாஹு: ஸகலஜனநீமேவ முனய: ॥ 17 ॥

ப்ரலீனே ஶப்³தௌ³கே⁴ தத³னு விரதே பி³ந்து³விப⁴வே
ததஸ்தத்த்வே சாஷ்டத்⁴வனிபி⁴ரனபாயின்யதி⁴க³தே ।
ஶ்ரிதே ஶாக்தே பர்வண்யனுகலிதசின்மாத்ர க³ஹனாம்
ஸ்வஸம்வித்திம் யோகீ³ ரஸயதி ஶிவாக்²யாம் ப⁴க³வதீம் ॥ 18 ॥

பரானந்தா³காராம் நிரவதி⁴ஶிவைஶ்வர்யவபுஷம்
நிராகாராம் ஜ்ஞானப்ரக்ருதிமபரிச்சி²ன்னகருணாம் ।
ஸவித்ரீம் லோகானாம் நிரதிஶயதா⁴மாஸ்பத³பதா³ம்
ப⁴வோ வா மோக்ஷோ வா ப⁴வது ப⁴வதீமேவ பஜ⁴தாம் ॥ 19 ॥

ஜக³த்காயே க்ருத்வா தத³பி ஹ்ருத³யே தச்ச புருஷே
புமாம்ஸம் பி³ந்து³ஸ்த²ம் தத³பி வியதா³க்²யே ச க³ஹனே ।
ததே³தத்³ஜ்ஞானாக்²யே தத³பி பரமானந்த³க³ஹனே
மஹாவ்யோமாகாரே த்வத³னுப⁴வஶீலோ விஜயதே ॥ 2௦ ॥

விதே⁴ வேத்³யே வித்³யே விவித⁴ஸமயே வேத³கு³லிகே
விசித்ரே விஶ்வாத்³யே வினயஸுலபே⁴ வேதஜ³னநி ।
ஶிவஜ்ஞே ஶூலஸ்தே² ஶிவபத³வதா³ன்யே ஶிவனிதே⁴
ஶிவே மாதர்மஹ்யம் த்வயி விதர ப⁴க்திம் நிருபமாம் ॥ 21 ॥

விதே⁴ர்முண்ட³ம் ஹ்ருத்வா யத³குருத பாத்ரம் கரதலே
ஹரிம் ஶூலப்ரோதம் யத³க³மயத³ம்ஸாப⁴ரணதாம் ।
அலஞ்சக்ரே கண்ட²ம் யத³பி க³ரலேனாம்ப³ கி³ரிஶ:
ஶிவஸ்தா²யா: ஶக்தேஸ்ததி³த³மகி²லம் தே விலஸிதம் ॥ 22 ॥

விரிஞ்ச்யாக்²யா மாத: ஸ்ருஜஸி ஹரிஸஞ்ஜ்ஞா த்வமவஸி
த்ரிலோகீம் ருத்³ராக்²யா ஹரஸி வித³தா⁴ஸீஶ்வரத³ஶாம் ।
ப⁴வந்தீ நாதா³க்²யா விஹரஸி ச பாஶௌக⁴த³லனீ
த்வமேவைகானேகா ப⁴வஸி க்ருதிபே⁴தை³ர்கி³ரிஸுதே ॥ 23 ॥

முனீனாம் சேதோபி⁴: ப்ரம்ருதி³தகஷாயைரபி மனா-
-க³ஶக்யம் ஸம்ஸ்ப்ரஷ்டும் சகிதசகிதைரம்ப³ ஸததம் ।
ஶ்ருதீனாம் மூர்தா⁴ன: ப்ரக்ருதிகடி²னா: கோமலதரே
கத²ம் தே விந்த³ந்தே பத³கிஸலயே பார்வதி பத³ம் ॥ 24 ॥

தடித்³வல்லீம் நித்யாமம்ருதஸரிதம் பாரரஹிதாம்
மலோத்தீர்ணாம் ஜ்யோத்ஸ்னாம் ப்ரக்ருதிமகு³ணக்³ரந்தி²க³ஹனாம் ।
கி³ராம் தூ³ராம் வித்³யாமவினதகுசாம் விஶ்வஜனநீ-
-மபர்யந்தாம் லக்ஷ்மீமபி⁴த³த⁴தி ஸந்தோ ப⁴க³வதீம் ॥ 25 ॥

ஶரீரம் க்ஷித்யம்ப:⁴ ப்ரப்⁴ருதிரசிதம் கேவலமசித்
ஸுக²ம் து³:க²ம் சாயம் கலயதி புமாம்ஶ்சேதன இதி ।
ஸ்பு²டம் ஜானானோபி ப்ரப⁴வதி ந தே³ஹீ ரஹயிதும்
ஶரீராஹங்காரம் தவ ஸமயபா³ஹ்யோ கி³ரிஸுதே ॥ 26 ॥

பிதா மாதா ப்⁴ராதா ஸுஹ்ருத³னுசர: ஸத்³ம க்³ருஹிணீ
வபு: க்ஷேத்ரம் மித்ரம் த⁴னமபி யதா³ மாம் விஜஹதி ।
ததா³ மே பி⁴ந்தா³னா ஸபதி³ ப⁴யமோஹாந்த⁴தமஸம்
மஹாஜ்யோத்ஸ்னே மாதர்ப⁴வ கருணயா ஸன்னிதி⁴கரீ ॥ 27 ॥

ஸுதா த³க்ஷஸ்யாதௌ³ கில ஸகலமாதஸ்த்வமுத³பூ⁴:
ஸதோ³ஷம் தம் ஹித்வா தத³னு கி³ரிராஜஸ்ய து³ஹிதா ।
அனாத்³யந்தா ஶம்போ⁴ரப்ருத²க³பி ஶக்திர்ப⁴க³வதீ
விவாஹாஜ்ஜாயாஸீத்யஹஹ சரிதம் வேத்தி தவ க: ॥ 28 ॥

கணாஸ்த்வத்³தீ³ப்தீனாம் ரவிஶஶிக்ருஶானுப்ரப்⁴ருதய:
பரம் ப்³ரஹ்ம க்ஷுத்³ரம் தவ நியதமானந்த³கணிகா ।
ஶிவாதி³ க்ஷித்யந்தம் த்ரிவலயதனோ: ஸர்வமுத³ரே
தவாஸ்தே ப⁴க்தஸ்ய ஸ்பு²ரஸி ஹ்ருதி³ சித்ரம் ப⁴க³வதி ॥ 29 ॥

புர: பஶ்சாத³ந்தர்ப³ஹிரபரிமேயம் பரிமிதம்
பரம் ஸ்தூ²லம் ஸூக்ஷ்மம் ஸகலமகுலம் கு³ஹ்யமகு³ஹம் ।
த³வீயோ நேதீ³ய: ஸத³ஸதி³தி விஶ்வம் ப⁴க³வதீ
ஸதா³ பஶ்யந்த்யாக்²யாம் வஹஸி பு⁴வனக்ஷோபஜ⁴னநீம் ॥ 3௦ ॥

ப்ரவிஶ்ய த்வன்மார்க³ம் ஸஹஜத³யயா தே³ஶிகத்³ருஶா
ஷட³த்⁴வத்⁴வாந்தௌக⁴ச்சி²து³ரக³ணனாதீதகருணாம் ।
பராமாஜ்ஞாகாராம் ஸபதி³ ஶிவயந்தீம் ஶிவதனும்
ஸ்வமாத்மானம் த⁴ன்யாஶ்சிரமுபலப⁴ந்தே ப⁴க³வதீம் ॥ 31 ॥

மயூகா²: பூஷ்ணீவ ஜ்வலன இவ தத்³தீ³ப்திகணிகா:
பயோதௌ⁴ கல்லோலா: ப்ரதிஹதமஹிம்னீவ ப்ருஷத: ।
உதே³த்யோதே³த்யாம்ப³ த்வயி ஸஹ நிஜை: ஸாத்த்விககு³ணை-
-ர்பஜ⁴ந்தே தத்த்வௌகா⁴: ப்ரஶமமனுகல்பம் பரவஶா: ॥ 32 ॥

விது⁴ர்விஷ்ணுர்ப்³ரஹ்மா ப்ரக்ருதிரணுராத்மா தி³னகர:
ஸ்வபா⁴வோ ஜைனேந்த்³ர: ஸுக³தமுனிராகாஶமலின: ।
ஶிவ: ஶக்திஶ்சேதி ஶ்ருதிவிஷயதாம் தாமுபக³தாம்
விகல்பைரேபி⁴ஸ்த்வாமபி⁴த³த⁴தி ஸந்தோ ப⁴க³வதீம் ॥ 33 ॥

ஶிவஸ்த்வம் ஶக்திஸ்த்வம் த்வமஸி ஸமயா த்வம் ஸமயினீ
த்வமாத்மா த்வம் தீ³க்ஷா த்வமயமணிமாதி³ர்கு³ணக³ண: ।
அவித்³யா த்வம் வித்³யா த்வமஸி நிகி²லம் த்வம் கிமபரம்
ப்ருத²க்தத்த்வம் த்வத்தோ ப⁴க³வதி ந வீக்ஷாமஹ இமே ॥ 34 ॥

த்வயாஸௌ ஜானீதே ரசயதி ப⁴வத்யைவ ஸததம்
த்வயைவேச்ச²த்யம்ப³ த்வமஸி நிகி²லா யஸ்ய தனவ: ।
ஜக³த்ஸாம்யம் ஶம்போ⁴ர்வஹஸி பரமவ்யோமவபுஷ:
ததா²ப்யர்த⁴ம் பூ⁴த்வா விஹரஸி ஶிவஸ்யேதி கிமித³ம் ॥ 35 ॥

அஸங்க்³யை: ப்ராசீனைர்ஜனநி ஜனநை: கர்மவிலயா-
-த்ஸக்ருஜ்ஜன்மன்யந்தே கு³ருவபுஷமாஸாத்³ய கி³ரிஶம் ।
அவாப்யாஜ்ஞாம் ஶைவீம் ஶிவதனுமபி த்வாம் விதி³தவா-
-ன்னயேயம் த்வத்பூஜாஸ்துதிவிரசனேனைவ தி³வஸான் ॥ 36 ॥

யத்ஷட்பத்ரம் கமலமுதி³தம் தஸ்ய யா கர்ணிகாக்²யா
யோனிஸ்தஸ்யா: ப்ரதி²தமுத³ரே யத்ததோ³ங்காரபீட²ம் ।
தஸ்யாப்யந்த: குசப⁴ரனதாம் குண்ட³லீதி ப்ரஸித்³தா⁴ம்
ஶ்யாமாகாராம் ஸகலஜனநீம் ஸந்ததம் பா⁴வயாமி ॥ 37 ॥

பு⁴வி பயஸி க்ருஶானௌ மாருதே கே² ஶஶாங்கே
ஸவிதரி யஜமானேப்யஷ்டதா⁴ ஶக்திரேகா ।
வஹஸி குசப⁴ராப்⁴யாம் யாவனம்ராபி விஶ்வம்
ஸகலஜனநி ஸா த்வம் பாஹி மாமித்யவாச்யம் ॥ 38 ॥

இதி ஶ்ரீகாளிதா³ஸ விரசித பஞ்சஸ்தவ்யாம் பஞ்சம: ஸகலஜனநீஸ்தவ: ।