ஶ்ரீனந்தி³கேஶ்வர உவாச
ப⁴த்³ரகாளீமஹம் வந்தே³ வீரப⁴த்³ரஸதீம் ஶிவாம் ।
ஸுதாம்ரார்சிதபாதா³ப்³ஜம் ஸுக²ஸௌபா⁴க்³யதா³யினீம் ॥ 1 ॥
அத² ஸ்தோத்ரம்
ப⁴த்³ரகாளீ காமரூபா மஹாவித்³யா யஶஸ்வினீ ।
மஹாஶ்ரயா மஹாபா⁴கா³ த³க்ஷயாக³விபே⁴தி³னீ ॥ 2 ॥
ருத்³ரகோபஸமுத்³பூ⁴தா ப⁴த்³ரா முத்³ரா ஶிவங்கரீ ।
சந்த்³ரிகா சந்த்³ரவத³னா ரோஷதாம்ராக்ஷஶோபி⁴னீ ॥ 3 ॥
இந்த்³ராதி³த³மனீ ஶாந்தா சந்த்³ரலேகா²விபூ⁴ஷிதா ।
ப⁴க்தார்திஹாரிணீ முக்தா சண்டி³கானந்த³தா³யினீ ॥ 4 ॥
ஸௌதா³மினீ ஸுதா⁴மூர்தி: தி³வ்யாலங்காரபூ⁴ஷிதா ।
ஸுவாஸினீ ஸுனாஸா ச த்ரிகாலஜ்ஞா து⁴ரந்த⁴ரா ॥ 5 ॥
ஸர்வஜ்ஞா ஸர்வலோகேஶீ தே³வயோனிரயோனிஜா ।
நிர்கு³ணா நிரஹங்காரா லோககள்யாணகாரிணீ ॥ 6 ॥
ஸர்வலோகப்ரியா கௌ³ரீ ஸர்வக³ர்வவிமர்தி³னீ ।
தேஜோவதீ மஹாமாதா கோடிஸூர்யஸமப்ரபா⁴ ॥ 7 ॥
வீரப⁴த்³ரக்ருதானந்த³போ⁴கி³னீ வீரஸேவிதா ।
நாரதா³தி³முனிஸ்துத்யா நித்யா ஸத்யா தபஸ்வினீ ॥ 8 ॥
ஜ்ஞானரூபா களாதீதா ப⁴க்தாபீ⁴ஷ்டப²லப்ரதா³ ।
கைலாஸனிலயா ஶுப்⁴ரா க்ஷமா ஶ்ரீ: ஸர்வமங்கள³ா ॥ 9 ॥
ஸித்³த⁴வித்³யா மஹாஶக்தி: காமினீ பத்³மலோசனா ।
தே³வப்ரியா தை³த்யஹந்த்ரீ த³க்ஷக³ர்வாபஹாரிணீ ॥ 1௦ ॥
ஶிவஶாஸனகர்த்ரீ ச ஶைவானந்த³விதா⁴யினீ ।
ப⁴வபாஶனிஹந்த்ரீ ச ஸவனாங்க³ஸுகாரிணீ ॥ 11 ॥
லம்போ³த³ரீ மஹாகாளீ பீ⁴ஷணாஸ்யா ஸுரேஶ்வரீ ।
மஹானித்³ரா யோக³னித்³ரா ப்ரஜ்ஞா வார்தா க்ரியாவதீ ॥ 12 ॥
புத்ரபௌத்ரப்ரதா³ ஸாத்⁴வீ ஸேனாயுத்³த⁴ஸுகாங்க்ஷிணீ ।
இச்சா² ஶம்போ⁴: க்ருபாஸிந்து⁴: சண்டீ³ சண்ட³பராக்ரமா ॥ 13 ॥
ஶோபா⁴ ப⁴க³வதீ மாயா து³ர்கா³ நீலா மனோக³தி: ।
கே²சரீ க²ட்³கி³னீ சக்ரஹஸ்தா ஶூலவிதா⁴ரிணீ ॥ 14 ॥
ஸுபா³ணா ஶக்திஹஸ்தா ச பாத³ஸஞ்சாரிணீ பரா ।
தப:ஸித்³தி⁴ப்ரதா³ தே³வீ வீரப⁴த்³ரஸஹாயினீ ॥ 15 ॥
த⁴னதா⁴ன்யகரீ விஶ்வா மனோமாலின்யஹாரிணீ ।
ஸுனக்ஷத்ரோத்³ப⁴வகரீ வம்ஶவ்ருத்³தி⁴ப்ரதா³யினீ ॥ 16 ॥
ப்³ரஹ்மாதி³ஸுரஸம்ஸேவ்யா ஶாங்கரீ ப்ரியபா⁴ஷிணீ ।
பூ⁴தப்ரேதபிஶாசாதி³ஹாரிணீ ஸுமனஸ்வினீ ॥ 17 ॥
புண்யக்ஷேத்ரக்ருதாவாஸா ப்ரத்யக்ஷபரமேஶ்வரீ ।
ஏவம் நாம்னாம் ப⁴த்³ரகாள்யா: ஶதமஷ்டோத்தரம் விது³: ॥ 18 ॥
புண்யம் யஶோ தீ³ர்க⁴மாயு: புத்ரபௌத்ரம் த⁴னம் ப³ஹு ।
த³தா³தி தே³வீ தஸ்யாஶு ய: படே²த் ஸ்தோத்ரமுத்தமம் ॥ 19 ॥
பௌ⁴மவாரே ப்⁴ருகௌ³ சைவ பௌர்ணமாஸ்யாம் விஶேஷத: ।
ப்ராத: ஸ்னாத்வா நித்யகர்ம விதா⁴ய ச ஸுப⁴க்திமான் ॥ 2௦ ॥
வீரப⁴த்³ராலயே ப⁴த்³ராம் ஸம்பூஜ்ய ஸுரஸேவிதாம் ।
படே²த் ஸ்தோத்ரமித³ம் தி³வ்யம் நானா போ⁴க³ப்ரத³ம் ஶுப⁴ம் ॥ 21 ॥
அபீ⁴ஷ்டஸித்³தி⁴ம் ப்ராப்னோதி ஶீக்⁴ரம் வித்³வான் பரந்தப ।
அத²வா ஸ்வக்³ருஹே வீரப⁴த்³ரபத்னீம் ஸமர்சயேத் ॥ 22 ॥
ஸ்தோத்ரேணானேன விதி⁴வத் ஸர்வான் காமானவாப்னுயாத் ।
ரோகா³ நஶ்யந்தி தஸ்யாஶு யோக³ஸித்³தி⁴ம் ச விந்த³தி ॥ 23 ॥
ஸனத்குமாரப⁴க்தானாமித³ம் ஸ்தோத்ரம் ப்ரபோ³த⁴ய ।
ரஹஸ்யம் ஸாரபூ⁴தம் ச ஸர்வஜ்ஞ: ஸம்ப⁴விஷ்யஸி ॥ 24 ॥
இதி ஶ்ரீப⁴த்³ரகாள்யஷ்டோத்தரஶதனாம ஸ்தோத்ரம் ।
