শাংতি শ্লোকঃ
ইংদ্রোঽনলো দংডধরশ্চ রক্ষঃ
প্রাচেতসো বাযু কুবের শর্বাঃ ।
মজ্জন্ম ঋক্ষে মম রাশি সংস্থে
সূর্যোপরাগং শমযংতু সর্বে ॥
গ্রহণ পীডা পরিহার শ্লোকাঃ
যোঽসৌ বজ্রধরো দেবঃ আদিত্যানাং প্রভুর্মতঃ ।
সহস্রনযনঃ শক্রঃ গ্রহপীডাং ব্যপোহতু ॥ 1
মুখং যঃ সর্বদেবানাং সপ্তার্চিরমিতদ্যুতিঃ ।
চংদ্রসূর্যোপরাগোত্থাং অগ্নিঃ পীডাং ব্যপোহতু ॥ 2
যঃ কর্মসাক্ষী লোকানাং যমো মহিষবাহনঃ ।
চংদ্রসূর্যোপরাগোত্থাং গ্রহপীডাং ব্যপোহতু ॥ 3
রক্ষো গণাধিপঃ সাক্ষাত্ প্রলযানলসন্নিভঃ ।
উগ্রঃ করালো নির্ঋতিঃ গ্রহপীডাং ব্যপোহতু ॥ 4
নাগপাশধরো দেবঃ সদা মকরবাহনঃ ।
বরুণো জললোকেশো গ্রহপীডাং ব্যপোহতু ॥ 5
যঃ প্রাণরূপো লোকানাং বাযুঃ কৃষ্ণমৃগপ্রিযঃ ।
চংদ্রসূর্যোপরাগোত্থাং গ্রহপীডাং ব্যপোহতু ॥ 6
যোঽসৌ নিধিপতির্দেবঃ খড্গশূলধরো বরঃ ।
চংদ্রসূর্যোপরাগোত্থাং কলুষং মে ব্যপোহতু ॥ 7
যোঽসৌ শূলধরো রুদ্রঃ শংকরো বৃষবাহনঃ ।
চংদ্রসূর্যোপরাগোত্থাং দোষং নাশযতু দ্রুতম্ ॥ 8
ওং শাংতিঃ শাংতিঃ শাংতিঃ ।
