ආනංදරූපේ නිජබෝධරූපේ
බ්රහ්මස්වරූපේ ශ්රුතිමූර්තිරූපේ ।
ශශාංකරූපේ රමණීයරූපේ
ශ්රීරංගරූපේ රමතාං මනෝ මේ ॥ 1 ॥
කාවේරිතීරේ කරුණාවිලෝලේ
මංදාරමූලේ ධෘතචාරුකේලේ ।
දෛත්යාංතකාලේऽඛිලලෝකලීලේ
ශ්රීරංගලීලේ රමතාං මනෝ මේ ॥ 2 ॥
ලක්ෂ්මීනිවාසේ ජගතාං නිවාසේ
හෘත්පද්මවාසේ රවිබිංබවාසේ ।
කෘපානිවාසේ ගුණබෘංදවාසේ
ශ්රීරංගවාසේ රමතාං මනෝ මේ ॥ 3 ॥
බ්රහ්මාදිවංද්යේ ජගදේකවංද්යේ
මුකුංදවංද්යේ සුරනාථවංද්යේ ।
ව්යාසාදිවංද්යේ සනකාදිවංද්යේ
ශ්රීරංගවංද්යේ රමතාං මනෝ මේ ॥ 4 ॥
බ්රහ්මාධිරාජේ ගරුඩාධිරාජේ
වෛකුංඨරාජේ සුරරාජරාජේ ।
ත්රෛලෝක්යරාජේऽඛිලලෝකරාජේ
ශ්රීරංගරාජේ රමතාං මනෝ මේ ॥ 5 ॥
අමෝඝමුද්රේ පරිපූර්ණනිද්රේ
ශ්රීයෝගනිද්රේ සසමුද්රනිද්රේ ।
ශ්රිතෛකභද්රේ ජගදේකනිද්රේ
ශ්රීරංගභද්රේ රමතාං මනෝ මේ ॥ 6 ॥
සචිත්රශායී භුජගේංද්රශායී
නංදාංකශායී කමලාංකශායී ।
ක්ෂීරාබ්ධිශායී වටපත්රශායී
ශ්රීරංගශායී රමතාං මනෝ මේ ॥ 7 ॥
ඉදං හි රංගං ත්යජතාමිහාංගං
පුනර්න චාංගං යදි චාංගමේති ।
පාණෞ රථාංගං චරණේऽංබු ගාංගං
යානේ විහංගං ශයනේ භුජංගම් ॥ 8 ॥
රංගනාථාෂ්ටකං පුණ්යං ප්රාතරුත්ථාය යඃ පඨේත් ।
සර්වාන්කාමානවාප්නෝති රංගිසායුජ්යමාප්නුයාත් ॥ 9 ॥
ඉති ශ්රී රංගනාථාෂ්ටකම් ।
