শনৈশ্চরায শাংতায সর্বাভীষ্টপ্রদাযিনে ।
শরণ্যায বরেণ্যায সর্বেশায নমো নমঃ ॥ 1 ॥

সৌম্যায সুরবংদ্যায সুরলোকবিহারিণে ।
সুখাসনোপবিষ্টায সুংদরায নমো নমঃ ॥ 2 ॥

ঘনায ঘনরূপায ঘনাভরণধারিণে ।
ঘনসারবিলেপায খদ্যোতায নমো নমঃ ॥ 3 ॥

মংদায মংদচেষ্টায মহনীযগুণাত্মনে ।
মর্ত্যপাবনপাদায মহেশায নমো নমঃ ॥ 4 ॥

ছাযাপুত্রায শর্বায শরতূণীরধারিণে ।
চরস্থিরস্বভাবায চংচলায নমো নমঃ ॥ 5 ॥

নীলবর্ণায নিত্যায নীলাংজননিভায চ ।
নীলাংবরবিভূষায নিশ্চলায নমো নমঃ ॥ 6 ॥

বেদ্যায বিধিরূপায বিরোধাধারভূমযে ।
ভেদাস্পদস্বভাবায বজ্রদেহায তে নমঃ ॥ 7 ॥

বৈরাগ্যদায বীরায বীতরোগভযায চ ।
বিপত্পরংপরেশায বিশ্ববংদ্যায তে নমঃ ॥ 8 ॥

গৃধ্নবাহায গূঢায কূর্মাংগায কুরূপিণে ।
কুত্সিতায গুণাঢ্যায গোচরায নমো নমঃ ॥ 9 ॥

অবিদ্যামূলনাশায বিদ্যাঽবিদ্যাস্বরূপিণে ।
আযুষ্যকারণাযাঽঽপদুদ্ধর্ত্রে চ নমো নমঃ ॥ 10 ॥

বিষ্ণুভক্তায বশিনে বিবিধাগমবেদিনে ।
বিধিস্তুত্যায বংদ্যায বিরূপাক্ষায তে নমঃ ॥ 11 ॥

বরিষ্ঠায গরিষ্ঠায বজ্রাংকুশধরায চ ।
বরদাঽভযহস্তায বামনায নমো নমঃ ॥ 12 ॥

জ্যেষ্ঠাপত্নীসমেতায শ্রেষ্ঠায মিতভাষিণে ।
কষ্টৌঘনাশকর্যায পুষ্টিদায নমো নমঃ ॥ 13 ॥

স্তুত্যায স্তোত্রগম্যায ভক্তিবশ্যায ভানবে ।
ভানুপুত্রায ভব্যায পাবনায নমো নমঃ ॥ 14 ॥

ধনুর্মংডলসংস্থায ধনদায ধনুষ্মতে ।
তনুপ্রকাশদেহায তামসায নমো নমঃ ॥ 15 ॥

অশেষজনবংদ্যায বিশেষফলদাযিনে ।
বশীকৃতজনেশায পশূনাং পতযে নমঃ ॥ 16 ॥

খেচরায খগেশায ঘননীলাংবরায চ ।
কাঠিন্যমানসাযাঽঽর্যগণস্তুত্যায তে নমঃ ॥ 17 ॥

নীলচ্ছত্রায নিত্যায নির্গুণায গুণাত্মনে ।
নিরামযায নিংদ্যায বংদনীযায তে নমঃ ॥ 18 ॥

ধীরায দিব্যদেহায দীনার্তিহরণায চ ।
দৈন্যনাশকরাযাঽঽর্যজনগণ্যায তে নমঃ ॥ 19 ॥

ক্রূরায ক্রূরচেষ্টায কামক্রোধকরায চ ।
কলত্রপুত্রশত্রুত্বকারণায নমো নমঃ ॥ 20 ॥

পরিপোষিতভক্তায পরভীতিহরায চ ।
ভক্তসংঘমনোঽভীষ্টফলদায নমো নমঃ ॥ 21 ॥

ইত্থং শনৈশ্চরাযেদং নাম্নামষ্টোত্তরং শতম্ ।
প্রত্যহং প্রজপন্মর্ত্যো দীর্ঘমাযুরবাপ্নুযাত্ ॥ 22 ॥

ইতি শ্রী শনি অষ্টোত্তরশতনাম স্তোত্রম্ ।