শ্রীমান্ শশধরশ্চংদ্রো তারাধীশো নিশাকরঃ ।
সুধানিধিঃ সদারাধ্যঃ সত্পতিঃ সাধুপূজিতঃ ॥ 1 ॥

জিতেংদ্রিযো জগদ্যোনিঃ জ্যোতিশ্চক্রপ্রবর্তকঃ ।
বিকর্তনানুজো বীরো বিশ্বেশো বিদুষাং পতিঃ ॥ 2 ॥

দোষাকরো দুষ্টদূরঃ পুষ্টিমান্ শিষ্টপালকঃ ।
অষ্টমূর্তিপ্রিযোঽনংতকষ্টদারুকুঠারকঃ ॥ 3 ॥

স্বপ্রকাশঃ প্রকাশাত্মা দ্যুচরো দেবভোজনঃ ।
কলাধরঃ কালহেতুঃ কামকৃত্কামদাযকঃ ॥ 4 ॥

মৃত্যুসংহারকোঽমর্ত্যো নিত্যানুষ্ঠানদাযকঃ ।
ক্ষপাকরঃ ক্ষীণপাপঃ ক্ষযবৃদ্ধিসমন্বিতঃ ॥ 5 ॥

জৈবাতৃকঃ শুচী শুভ্রো জযী জযফলপ্রদঃ ।
সুধামযঃ সুরস্বামী ভক্তনামিষ্টদাযকঃ ॥ 6 ॥

ভুক্তিদো মুক্তিদো ভদ্রো ভক্তদারিদ্র্যভংজকঃ ।
সামগানপ্রিযঃ সর্বরক্ষকঃ সাগরোদ্ভবঃ ॥ 7 ॥

ভযাংতকৃদ্ভক্তিগম্যো ভববংধবিমোচকঃ ।
জগত্প্রকাশকিরণো জগদানংদকারণঃ ॥ 8 ॥

নিস্সপত্নো নিরাহারো নির্বিকারো নিরামযঃ ।
ভূচ্ছাযাঽঽচ্ছাদিতো ভব্যো ভুবনপ্রতিপালকঃ ॥ 9 ॥

সকলার্তিহরঃ সৌম্যজনকঃ সাধুবংদিতঃ ।
সর্বাগমজ্ঞঃ সর্বজ্ঞো সনকাদিমুনিস্তুতঃ ॥ 10 ॥

সিতচ্ছত্রধ্বজোপেতঃ সিতাংগো সিতভূষণঃ ।
শ্বেতমাল্যাংবরধরঃ শ্বেতগংধানুলেপনঃ ॥ 11 ॥

দশাশ্বরথসংরূঢো দংডপাণিঃ ধনুর্ধরঃ ।
কুংদপুষ্পোজ্জ্বলাকারো নযনাব্জসমুদ্ভবঃ ॥ 12 ॥

আত্রেযগোত্রজোঽত্যংতবিনযঃ প্রিযদাযকঃ ।
করুণারসসংপূর্ণঃ কর্কটপ্রভুরব্যযঃ ॥ 13 ॥

চতুরশ্রাসনারূঢশ্চতুরো দিব্যবাহনঃ ।
বিবস্বন্মংডলাগ্নেযবাসো বসুসমৃদ্ধিদঃ ॥ 14 ॥

মহেশ্বরপ্রিযো দাংতঃ মেরুগোত্রপ্রদক্ষিণঃ ।
গ্রহমংডলমধ্যস্থো গ্রসিতার্কো গ্রহাধিপঃ ॥ 15 ॥

দ্বিজরাজো দ্যুতিলকো দ্বিভুজো দ্বিজপূজিতঃ ।
ঔদুংবরনগাবাস উদারো রোহিণীপতিঃ ॥ 16 ॥

নিত্যোদযো মুনিস্তুত্যো নিত্যানংদফলপ্রদঃ ।
সকলাহ্লাদনকরঃ পলাশসমিধপ্রিযঃ ॥ 17 ॥

এবং নক্ষত্রনাথস্য নাম্নামষ্টোত্তরং শতম্ ॥

ইতি শ্রী চংদ্র অষ্টোত্তরশতনাম স্তোত্রম্ ।