তরুণাদিত্যসংকাশা সহস্রনযনোজ্জ্বলা ।
বিচিত্রমাল্যাভরণা তুহিনাচলবাসিনী ॥ 1 ॥

বরদাভযহস্তাব্জা রেবাতীরনিবাসিনী ।
প্রণিত্যযবিশেষজ্ঞা যংত্রাকৃতবিরাজিত ॥ 2 ॥

ভদ্রপাদপ্রিযা চৈব গোবিংদপথগামিনী ।
দেবর্ষিগণসংস্তুত্যা বনমালাবিভূষিতা ॥ 3 ॥

স্যংদনোত্তমসংস্থা চ ধীরজীমূতনিস্বনা ।
মত্তমাতংগগমনা হিরণ্যকমলাসনা ॥ 4 ॥

দীনজনোদ্ধারনিরতা যোগিনী যোগধারিণী ।
নটনাট্যৈকনিরতা প্রণবাদ্যক্ষরাত্মিকা ॥ 5 ॥

চোরচারক্রিযাসক্তা দারিদ্র্যচ্ছেদকারিণী ।
যাদবেংদ্রকুলোদ্ভূতা তুরীযপথগামিনী ॥ 6 ॥

গাযত্রী গোমতী গংগা গৌতমী গরুডাসনা ।
গেযগানপ্রিযা গৌরী গোবিংদপদপূজিতা ॥ 7 ॥

গংধর্বনগরাগারা গৌরবর্ণা গণেশ্বরী ।
গদাশ্রযা গুণবতী গহ্বরী গণপূজিতা ॥ 8 ॥

গুণত্রযসমাযুক্তা গুণত্রযবিবর্জিতা ।
গুহাবাসা গুণাধারা গুহ্যা গংধর্বরূপিণী ॥ 9 ॥

গার্গ্যপ্রিযা গুরুপদা গুহলিংগাংগধারিণী ।
সাবিত্রী সূর্যতনযা সুষুম্নানাডিভেদিনী ॥ 10 ॥

সুপ্রকাশা সুখাসীনা সুমতি-স্সুরপূজিতা ।
সুষুপ্ত্যবস্থা সুদতী সুংদরী সাগরাংবরা ॥ 11 ॥

সুধাংশুবিংববদনা সুস্তনী সুবিলোচনা ।
সীতা সত্ত্বাশ্রযা সংধ্যা সুফলা সুবিধাযিনী ॥ 12 ॥

সুভ্রূ-স্সুবাসা সুশ্রোণী সংসারার্ণবতারিণী ।
সামগানপ্রিযা সাধ্বী সর্বাভরণভূষিতা ॥ 13 ॥

বৈষ্ণবী বিমলাকারা মহেংদ্রী মংত্ররূপিণী ।
মহলক্ষ্মী-র্মহাসিদ্ধি-র্মহামাযা মহেশ্বরী ॥ 14 ॥

মোহিনী মদনাকারা মধুসূদনচোদিতা ।
মীনাক্ষী মধুরাবাসা নগেংদ্রতনযা উমা ॥ 15 ॥

ত্রিবিক্রমপদাক্রাংতা ত্রিস্বরা ত্রিবিলোচনা ।
সূর্যমংডলমধ্যস্থা চংদ্রমংডলসংস্থিতা ॥ 16 ॥

বহ্নিমংডলমধ্যস্থা বাযুমংডলসংস্থিতা ।
ব্যোমমংডলমধ্যস্থা চক্রিণী চক্ররূপিণী ॥ 17 ॥

কালচক্রবিতানস্থা চংদ্রমংডলদর্পণা ।
জ্যোত্স্নাতপাসুলিপ্তাংগী মহামারুতবীজিতা ॥ 18 ॥

সর্বমংত্রাশ্রযা ধেনুঃ পাপঘ্নী পরমেশ্বরী ।
নমস্তেঽস্তু মহালক্ষ্মী-র্মহাসংপত্তিদাযিনি ॥ 19 ॥

নমস্তে করুণামূর্তে নমস্তে ভক্তবত্সলে ।
গাযত্র্যাঃ প্রজপেদ্যস্তু নাম্নামষ্টোত্তরং শতম্ ॥ 20 ॥

তস্য পুণ্যফলং বক্তুং ব্রহ্মণাপি ন শক্যতে ।

ইতি শ্রীগাযত্র্যষ্টোত্তরশতনামস্তোত্রং সংপূর্ণম্ ।