śanaiścharāya śāntāya sarvābhīṣṭapradāyinē ।
śaraṇyāya varēṇyāya sarvēśāya namō namaḥ ॥ 1 ॥
saumyāya suravandyāya suralōkavihāriṇē ।
sukhāsanōpaviṣṭāya sundarāya namō namaḥ ॥ 2 ॥
ghanāya ghanarūpāya ghanābharaṇadhāriṇē ।
ghanasāravilēpāya khadyōtāya namō namaḥ ॥ 3 ॥
mandāya mandachēṣṭāya mahanīyaguṇātmanē ।
martyapāvanapādāya mahēśāya namō namaḥ ॥ 4 ॥
Chāyāputrāya śarvāya śaratūṇīradhāriṇē ।
charasthirasvabhāvāya chañchalāya namō namaḥ ॥ 5 ॥
nīlavarṇāya nityāya nīlāñjananibhāya cha ।
nīlāmbaravibhūṣāya niśchalāya namō namaḥ ॥ 6 ॥
vēdyāya vidhirūpāya virōdhādhārabhūmayē ।
bhēdāspadasvabhāvāya vajradēhāya tē namaḥ ॥ 7 ॥
vairāgyadāya vīrāya vītarōgabhayāya cha ।
vipatparamparēśāya viśvavandyāya tē namaḥ ॥ 8 ॥
gṛdhnavāhāya gūḍhāya kūrmāṅgāya kurūpiṇē ।
kutsitāya guṇāḍhyāya gōcharāya namō namaḥ ॥ 9 ॥
avidyāmūlanāśāya vidyā'vidyāsvarūpiṇē ।
āyuṣyakāraṇāyā''paduddhartrē cha namō namaḥ ॥ 10 ॥
viṣṇubhaktāya vaśinē vividhāgamavēdinē ।
vidhistutyāya vandyāya virūpākṣāya tē namaḥ ॥ 11 ॥
variṣṭhāya gariṣṭhāya vajrāṅkuśadharāya cha ।
varadā'bhayahastāya vāmanāya namō namaḥ ॥ 12 ॥
jyēṣṭhāpatnīsamētāya śrēṣṭhāya mitabhāṣiṇē ।
kaṣṭaughanāśakaryāya puṣṭidāya namō namaḥ ॥ 13 ॥
stutyāya stōtragamyāya bhaktivaśyāya bhānavē ।
bhānuputrāya bhavyāya pāvanāya namō namaḥ ॥ 14 ॥
dhanurmaṇḍalasaṃsthāya dhanadāya dhanuṣmatē ।
tanuprakāśadēhāya tāmasāya namō namaḥ ॥ 15 ॥
aśēṣajanavandyāya viśēṣaphaladāyinē ।
vaśīkṛtajanēśāya paśūnāṃ patayē namaḥ ॥ 16 ॥
khēcharāya khagēśāya ghananīlāmbarāya cha ।
kāṭhinyamānasāyā''ryagaṇastutyāya tē namaḥ ॥ 17 ॥
nīlachChatrāya nityāya nirguṇāya guṇātmanē ।
nirāmayāya nindyāya vandanīyāya tē namaḥ ॥ 18 ॥
dhīrāya divyadēhāya dīnārtiharaṇāya cha ।
dainyanāśakarāyā''ryajanagaṇyāya tē namaḥ ॥ 19 ॥
krūrāya krūrachēṣṭāya kāmakrōdhakarāya cha ।
kaḻatraputraśatrutvakāraṇāya namō namaḥ ॥ 20 ॥
paripōṣitabhaktāya parabhītiharāya cha ।
bhaktasaṅghamanō'bhīṣṭaphaladāya namō namaḥ ॥ 21 ॥
itthaṃ śanaiścharāyēdaṃ nāmnāmaṣṭōttaraṃ śatam ।
pratyahaṃ prajapanmartyō dīrghamāyuravāpnuyāt ॥ 22 ॥
iti śrī śani aṣṭōttaraśatanāma stōtram ।
