শুক্রঃ শুচিঃ শুভগুণঃ শুভদঃ শুভলক্ষণঃ ।
শোভনাক্ষঃ শুভ্ররূপঃ শুদ্ধস্ফটিকভাস্বরঃ ॥ 1 ॥

দীনার্তিহারকো দৈত্যগুরুঃ দেবাভিবংদিতঃ ।
কাব্যাসক্তঃ কামপালঃ কবিঃ কল্যাণদাযকঃ ॥ 2 ॥

ভদ্রমূর্তির্ভদ্রগুণো ভার্গবো ভক্তপালনঃ ।
ভোগদো ভুবনাধ্যক্ষো ভুক্তিমুক্তিফলপ্রদঃ ॥ 3 ॥

চারুশীলশ্চারুরূপশ্চারুচংদ্রনিভাননঃ ।
নিধির্নিখিলশাস্ত্রজ্ঞো নীতিবিদ্যাধুরংধরঃ ॥ 4 ॥

সর্বলক্ষণসংপন্নঃ সর্বাবগুণবর্জিতঃ ।
সমানাধিকনির্মুক্তঃ সকলাগমপারগঃ ॥ 5 ॥

ভৃগুর্ভোগকরো ভূমিসুরপালনতত্পরঃ ।
মনস্বী মানদো মান্যো মাযাতীতো মহাশযঃ ॥ 6 ॥

বলিপ্রসন্নোঽভযদো বলী বলপরাক্রমঃ ।
ভবপাশপরিত্যাগো বলিবংধবিমোচকঃ ॥ 7 ॥

ঘনাশযো ঘনাধ্যক্ষো কংবুগ্রীবঃ কলাধরঃ ।
কারুণ্যরসসংপূর্ণঃ কল্যাণগুণবর্ধনঃ ॥ 8 ॥

শ্বেতাংবরঃ শ্বেতবপুশ্চতুর্ভুজসমন্বিতঃ ।
অক্ষমালাধরোঽচিংত্যো অক্ষীণগুণভাসুরঃ ॥ 9 ॥

নক্ষত্রগণসংচারো নযদো নীতিমার্গদঃ ।
বর্ষপ্রদো হৃষীকেশঃ ক্লেশনাশকরঃ কবিঃ ॥ 10 ॥

চিংতিতার্থপ্রদঃ শাংতমতিঃ চিত্তসমাধিকৃত্ ।
আধিব্যাধিহরো ভূরিবিক্রমঃ পুণ্যদাযকঃ ॥ 11 ॥

পুরাণপুরুষঃ পূজ্যঃ পুরুহূতাদিসন্নুতঃ ।
অজেযো বিজিতারাতির্বিবিধাভরণোজ্জ্বলঃ ॥ 12 ॥

কুংদপুষ্পপ্রতীকাশো মংদহাসো মহামতিঃ ।
মুক্তাফলসমানাভো মুক্তিদো মুনিসন্নুতঃ ॥ 13 ॥

রত্নসিংহাসনারূঢো রথস্থো রজতপ্রভঃ ।
সূর্যপ্রাগ্দেশসংচারঃ সুরশত্রুসুহৃত্ কবিঃ ॥ 14 ॥

তুলাবৃষভরাশীশো দুর্ধরো ধর্মপালকঃ ।
ভাগ্যদো ভব্যচারিত্রো ভবপাশবিমোচকঃ ॥ 15 ॥

গৌডদেশেশ্বরো গোপ্তা গুণী গুণবিভূষণঃ ।
জ্যেষ্ঠানক্ষত্রসংভূতো জ্যেষ্ঠঃ শ্রেষ্ঠঃ শুচিস্মিতঃ ॥ 16 ॥

অপবর্গপ্রদোঽনংতঃ সংতানফলদাযকঃ ।
সর্বৈশ্বর্যপ্রদঃ সর্বগীর্বাণগণসন্নুতঃ ॥ 17 ॥

এবং শুক্রগ্রহস্যৈব ক্রমাদষ্টোত্তরং শতম্ ।
সর্বপাপপ্রশমনং সর্বপুণ্যফলপ্রদম্ ।
যঃ পঠেচ্ছৃণুযাদ্বাপি সর্বান্ কামানবাপ্নুযাত্ ॥ 18 ॥

ইতি শ্রী শুক্র অষ্টোত্তরশতনাম স্তোত্রম্ ।