অরুণায শরণ্যায করুণারসসিংধবে ।
অসমানবলাযাঽঽর্তরক্ষকায নমো নমঃ ॥ 1 ॥

আদিত্যাযাঽঽদিভূতায অখিলাগমবেদিনে ।
অচ্যুতাযাঽখিলজ্ঞায অনংতায নমো নমঃ ॥ 2 ॥

ইনায বিশ্বরূপায ইজ্যাযৈংদ্রায ভানবে ।
ইংদিরামংদিরাপ্তায বংদনীযায তে নমঃ ॥ 3 ॥

ঈশায সুপ্রসন্নায সুশীলায সুবর্চসে ।
বসুপ্রদায বসবে বাসুদেবায তে নমঃ ॥ 4 ॥

উজ্জ্বলাযোগ্ররূপায ঊর্ধ্বগায বিবস্বতে ।
উদ্যত্কিরণজালায হৃষীকেশায তে নমঃ ॥ 5 ॥

ঊর্জস্বলায বীরায নির্জরায জযায চ ।
ঊরুদ্বযাভাবরূপযুক্তসারথযে নমঃ ॥ 6 ॥

ঋষিবংদ্যায রুগ্ঘংত্রে ঋক্ষচক্রচরায চ ।
ঋজুস্বভাবচিত্তায নিত্যস্তুত্যায তে নমঃ ॥ 7 ॥

ৠকারমাতৃকাবর্ণরূপাযোজ্জ্বলতেজসে ।
ৠক্ষাধিনাথমিত্রায পুষ্করাক্ষায তে নমঃ ॥ 8 ॥

লুপ্তদংতায শাংতায কাংতিদায ঘনায চ ।
কনত্কনকভূষায খদ্যোতায নমো নমঃ ॥ 9 ॥

লূনিতাখিলদৈত্যায সত্যানংদস্বরূপিণে ।
অপবর্গপ্রদাযাঽঽর্তশরণ্যায নমো নমঃ ॥ 10 ॥

একাকিনে ভগবতে সৃষ্টিস্থিত্যংতকারিণে ।
গুণাত্মনে ঘৃণিভৃতে বৃহতে ব্রহ্মণে নমঃ ॥ 11 ॥

ঐশ্বর্যদায শর্বায হরিদশ্বায শৌরযে ।
দশদিক্সংপ্রকাশায ভক্তবশ্যায তে নমঃ ॥ 12 ॥

ওজস্করায জযিনে জগদানংদহেতবে ।
জন্মমৃত্যুজরাব্যাধিবর্জিতায নমো নমঃ ॥ 13 ॥

ঔন্নত্যপদসংচাররথস্থাযাত্মরূপিণে ।
কমনীযকরাযাঽব্জবল্লভায নমো নমঃ ॥ 14 ॥

অংতর্বহিঃপ্রকাশায অচিংত্যাযাঽঽত্মরূপিণে ।
অচ্যুতায সুরেশায পরস্মৈ জ্যোতিষে নমঃ ॥ 15 ॥

অহস্করায রবযে হরযে পরমাত্মনে ।
তরুণায বরেণ্যায গ্রহাণাং পতযে নমঃ ॥ 16 ॥

ওং নমো ভাস্করাযাঽঽদিমধ্যাংতরহিতায চ ।
সৌখ্যপ্রদায সকলজগতাং পতযে নমঃ ॥ 17 ॥

নমঃ সূর্যায কবযে নমো নারাযণায চ ।
নমো নমঃ পরেশায তেজোরূপায তে নমঃ ॥ 18 ॥

ওং শ্রীং হিরণ্যগর্ভায ওং হ্রীং সংপত্করায চ ।
ওং ঐং ইষ্টার্থদাযাঽনুপ্রসন্নায নমো নমঃ ॥ 19 ॥

শ্রীমতে শ্রেযসে ভক্তকোটিসৌখ্যপ্রদাযিনে ।
নিখিলাগমবেদ্যায নিত্যানংদায তে নমঃ ॥ 20 ॥

ইতি শ্রী সূর্য অষ্টোত্তরশতনাম স্তোত্রম্ ।