শৃণু নামানি জপ্যানি কেতো রথ মহামতে ।
কেতুঃ স্থূলশিরাশ্চৈব শিরোমাত্রো ধ্বজাকৃতিঃ ॥ 1 ॥

নবগ্রহযুতঃ সিংহিকাসুরীগর্ভসংভবঃ ।
মহাভীতিকরশ্চিত্রবর্ণো বৈ পিংগলাক্ষকঃ ॥ 2 ॥

স ফলোধূম্রসংকাশঃ তীক্ষ্ণদংষ্ট্রো মহোরগঃ ।
রক্তনেত্রশ্চিত্রকারী তীব্রকোপো মহাসুরঃ ॥ 3 ॥

ক্রূরকংঠঃ ক্রোধনিধিশ্ছাযাগ্রহবিশেষকঃ ।
অংত্যগ্রহো মহাশীর্ষো সূর্যারিঃ পুষ্পবদ্গ্রহী ॥ 4 ॥

বরহস্তো গদাপাণিশ্চিত্রবস্ত্রধরস্তথা ।
চিত্রধ্বজপতাকশ্চ ঘোরশ্চিত্ররথঃ শিখী ॥ 5 ॥

কুলুত্থভক্ষকশ্চৈব বৈডূর্যাভরণস্তথা ।
উত্পাতজনকঃ শুক্রমিত্রং মংদসখস্তথা ॥ 6 ॥

গদাধরঃ নাকপতিঃ অংতর্বেদীশ্বরস্তথা ।
জৈমিনীগোত্রজশ্চিত্রগুপ্তাত্মা দক্ষিণামুখঃ ॥ 7 ॥

মুকুংদবরপাত্রং চ মহাসুরকুলোদ্ভবঃ ।
ঘনবর্ণো লংবদেহো মৃত্যুপুত্রস্তথৈব চ ॥ 8 ॥

উত্পাতরূপধারী চাঽদৃশ্যঃ কালাগ্নিসন্নিভঃ ।
নৃপীডো গ্রহকারী চ সর্বোপদ্রবকারকঃ ॥ 9 ॥

চিত্রপ্রসূতো হ্যনলঃ সর্বব্যাধিবিনাশকঃ ।
অপসব্যপ্রচারী চ নবমে পাপদাযকঃ ॥ 10 ॥

পংচমে শোকদশ্চোপরাগখেচর এব চ ।
অতিপুরুষকর্মা চ তুরীযে (তু) সুখপ্রদঃ ॥ 11 ॥

তৃতীযে বৈরদঃ পাপগ্রহশ্চ স্ফোটকারকঃ ।
প্রাণনাথঃ পংচমে তু শ্রমকারক এব চ ॥ 12 ॥

দ্বিতীযেঽস্ফুটবাগ্দাতা বিষাকুলিতবক্ত্রকঃ ।
কামরূপী সিংহদংতঃ সত্যেপ্যনৃতবানপি ॥ 13 ॥

চতুর্থে মাতৃনাশশ্চ নবমে পিতৃনাশকঃ ।
অংত্যে বৈরপ্রদশ্চৈব সুতানংদনবংধকঃ ॥ 14 ॥

সর্পাক্ষিজাতোঽনংগশ্চ কর্মরাশ্যুদ্ভবস্তথা ।
উপাংতে কীর্তিদশ্চৈব সপ্তমে কলহপ্রদঃ ॥ 15 ॥

অষ্টমে ব্যাধিকর্তা চ ধনে বহুসুখপ্রদঃ ।
জননে রোগদশ্চোর্ধ্বমূর্ধজো গ্রহনাযকঃ ॥ 16 ॥

পাপদৃষ্টিঃ খেচরশ্চ শাংভবোঽশেষপূজিতঃ ।
শাশ্বতশ্চ নটশ্চৈব শুভাঽশুভফলপ্রদঃ ॥ 17 ॥

ধূম্রশ্চৈব সুধাপাযী হ্যজিতো ভক্তবত্সলঃ ।
সিংহাসনঃ কেতুমূর্তী রবীংদুদ্যুতিনাশকঃ ॥ 18 ॥

অমরঃ পীডকোঽমর্ত্যো বিষ্ণুদৃষ্টোঽসুরেশ্বরঃ ।
ভক্তরক্ষোঽথ বৈচিত্র্যকপটস্যংদনস্তথা ॥ 19 ॥

বিচিত্রফলদাযী চ ভক্তাভীষ্টফলপ্রদঃ ।
এতত্কেতুগ্রহস্যোক্তং নাম্নামষ্টোত্তরং শতম্ ॥ 20 ॥

যো ভক্ত্যেদং জপেত্কেতুর্নাম্নামষ্টোত্তরং শতম্ ।
স তু কেতোঃ প্রসাদেন সর্বাভীষ্টং সমাপ্নুযাত্ ॥ 21 ॥

ইতি শ্রী কেতু অষ্টোত্তরশতনাম স্তোত্রম্ ।