𑌶𑍍𑌰𑌿𑌤𑌾𑌨𑌂𑌦 𑌚𑌿𑌂𑌤𑌾𑌮𑌣𑌿 𑌶𑍍𑌰𑍀𑌨𑌿𑌵𑌾𑌸𑌂
𑌸𑌦𑌾 𑌸𑌚𑍍𑌚𑌿𑌦𑌾𑌨𑌂𑌦 𑌪𑍂𑌰𑍍𑌣𑌪𑍍𑌰𑌕𑌾𑌶𑌮𑍍 ।
𑌉𑌦𑌾𑌰𑌂 𑌸𑍁𑌦𑌾𑌰𑌂 𑌸𑍁𑌰𑌾𑌧𑌾𑌰𑌮𑍀𑌶𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 1

𑌵𑌿𑌭𑍁𑌂 𑌵𑍇𑌦𑌵𑍇𑌦𑌾𑌂𑌤𑌵𑍇𑌦𑍍𑌯𑌂 𑌵𑌰𑌿𑌷𑍍𑌠𑌂
𑌵𑌿𑌭𑍂𑌤𑌿𑌪𑍍𑌰𑌦𑌂 𑌵𑌿𑌶𑍍𑌰𑍁𑌤𑌂 𑌬𑍍𑌰𑌹𑍍𑌮𑌨𑌿𑌷𑍍𑌠𑌮𑍍 ।
𑌵𑌿𑌭𑌾𑌸𑍍𑌵𑌤𑍍𑌪𑍍𑌰𑌭𑌾𑌵𑌪𑍍𑌰𑌭𑌂 𑌪𑍁𑌷𑍍𑌕𑌲𑍇𑌷𑍍𑌟𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 2

𑌪𑌰𑌿𑌤𑍍𑌰𑌾𑌣𑌦𑌕𑍍𑌷𑌂 𑌪𑌰𑌬𑍍𑌰𑌹𑍍𑌮𑌸𑍂𑌤𑍍𑌰𑌂
𑌸𑍍𑌫𑍁𑌰𑌚𑍍𑌚𑌾𑌰𑍁𑌗𑌾𑌤𑍍𑌰𑌂 𑌭𑌵𑌧𑍍𑌵𑌾𑌂𑌤𑌮𑌿𑌤𑍍𑌰𑌮𑍍 ।
𑌪𑌰𑌂 𑌪𑍍𑌰𑍇𑌮𑌪𑌾𑌤𑍍𑌰𑌂 𑌪𑌵𑌿𑌤𑍍𑌰𑌂 𑌵𑌿𑌚𑌿𑌤𑍍𑌰𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 3

𑌪𑌰𑍇𑌶𑌂 𑌪𑍍𑌰𑌭𑍁𑌂 𑌪𑍂𑌰𑍍𑌣𑌕𑌾𑌰𑍁𑌣𑍍𑌯𑌰𑍂𑌪𑌂
𑌗𑌿𑌰𑍀𑌶𑌾𑌧𑌿𑌪𑍀𑌠𑍋𑌜𑍍𑌜𑍍𑌵𑌲𑌚𑍍𑌚𑌾𑌰𑍁𑌦𑍀𑌪𑌮𑍍 ।
𑌸𑍁𑌰𑍇𑌶𑌾𑌦𑌿𑌸𑌂𑌸𑍇𑌵𑌿𑌤𑌂 𑌸𑍁𑌪𑍍𑌰𑌤𑌾𑌪𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 4

𑌹𑌰𑍀𑌶𑌾𑌨𑌸𑌂𑌯𑍁𑌕𑍍𑌤𑌶𑌕𑍍𑌤𑍍𑌯𑍇𑌕𑌵𑍀𑌰𑌂
𑌕𑌿𑌰𑌾𑌤𑌾𑌵𑌤𑌾𑌰𑌂 𑌕𑍃𑌪𑌾𑌪𑌾𑌂𑌗𑌪𑍂𑌰𑌮𑍍 ।
𑌕𑌿𑌰𑍀𑌟𑌾𑌵𑌤𑌂𑌸𑍋𑌜𑍍𑌜𑍍𑌵𑌲𑌤𑍍 𑌪𑌿𑌂𑌛𑌭𑌾𑌰𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 5

𑌗𑍁𑌰𑍁𑌂 𑌪𑍂𑌰𑍍𑌣𑌲𑌾𑌵𑌣𑍍𑌯𑌪𑌾𑌦𑌾𑌦𑌿𑌕𑍇𑌶𑌂
𑌗𑌰𑍀𑌯𑌂 𑌮𑌹𑌾𑌕𑍋𑌟𑌿𑌸𑍂𑌰𑍍𑌯𑌪𑍍𑌰𑌕𑌾𑌶𑌮𑍍 ।
𑌕𑌰𑌾𑌂𑌭𑍋𑌰𑍁𑌹𑌨𑍍𑌯𑌸𑍍𑌤𑌵𑍇𑌤𑍍𑌰𑌂 𑌸𑍁𑌰𑍇𑌶𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 6

𑌮𑌹𑌾𑌯𑍋𑌗𑌪𑍀𑌠𑍇 𑌜𑍍𑌵𑌲𑌂𑌤𑌂 𑌮𑌹𑌾𑌂𑌤𑌂
𑌮𑌹𑌾𑌵𑌾𑌕𑍍𑌯𑌸𑌾𑌰𑍋𑌪𑌦𑍇𑌶𑌂 𑌸𑍁𑌶𑌾𑌂𑌤𑌮𑍍 ।
𑌮𑌹𑌰𑍍𑌷𑌿𑌪𑍍𑌰𑌹𑌰𑍍𑌷𑌪𑍍𑌰𑌦𑌂 𑌜𑍍𑌞𑌾𑌨𑌕𑌂𑌦𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 𑍭

𑌮𑌹𑌾𑌰𑌣𑍍𑌯𑌮𑌨𑍍𑌮𑌾𑌨𑌸𑌾𑌂𑌤𑌰𑍍𑌨𑌿𑌵𑌾𑌸𑌾𑌨𑍍
𑌅𑌹𑌂𑌕𑌾𑌰𑌦𑍁𑌰𑍍𑌵𑌾𑌰𑌹𑌿𑌂‍𑌸𑍍𑌰𑌾 𑌮𑍃𑌗𑌾𑌦𑍀𑌨𑍍 ।
𑌹𑌰𑌂𑌤𑌂 𑌕𑌿𑌰𑌾𑌤𑌾𑌵𑌤𑌾𑌰𑌂 𑌚𑌰𑌂𑌤𑌂 [𑌨𑌿𑌹𑌂𑌤𑌂]
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 𑍮

𑌪𑍃𑌥𑌿𑌵𑍍𑌯𑌾𑌦𑌿𑌭𑍂𑌤 𑌪𑍍𑌰𑌪𑌂𑌚𑌾𑌂𑌤𑌰𑌸𑍍𑌥𑌂
𑌪𑍃𑌥𑌗𑍍𑌭𑍂𑌤𑌚𑍈𑌤𑌨𑍍𑌯𑌜𑌨𑍍𑌯𑌂 𑌪𑍍𑌰𑌶𑌸𑍍𑌤𑌮𑍍 ।
𑌪𑍍𑌰𑌧𑌾𑌨𑌂 𑌪𑍍𑌰𑌮𑌾𑌣𑌂 𑌪𑍁𑌰𑌾𑌣𑌪𑍍𑌰𑌸𑌿𑌦𑍍𑌧𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 𑍯

𑌜𑌗𑌜𑍍𑌜𑍀𑌵𑌨𑌂 𑌪𑌾𑌵𑌨𑌂 𑌭𑌾𑌵𑌨𑍀𑌯𑌂
𑌜𑌗𑌦𑍍𑌵𑍍𑌯𑌾𑌪𑌕𑌂 𑌦𑍀𑌪𑌕𑌂 𑌮𑍋𑌹𑌨𑍀𑌯𑌮𑍍 ।
𑌸𑍁𑌖𑌾𑌧𑌾𑌰𑌮𑌾𑌧𑌾𑌰𑌭𑍂𑌤𑌂 𑌤𑍁𑌰𑍀𑌯𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 10

𑌇𑌹𑌾𑌮𑍁𑌤𑍍𑌰 𑌸𑌤𑍍𑌸𑍌𑌖𑍍𑌯𑌸𑌂𑌪𑌨𑍍𑌨𑌿𑌧𑌾𑌨𑌂
𑌮𑌹𑌦𑍍𑌯𑍋𑌨𑌿𑌮𑌵𑍍𑌯𑌾𑌹𑌤𑌾𑌤𑍍𑌮𑌾𑌭𑌿𑌧𑌾𑌨𑌮𑍍 ।
𑌅𑌹𑌃 𑌪𑍁𑌂𑌡𑌰𑍀𑌕𑌾𑌨𑌨𑌂 𑌦𑍀𑌪𑍍𑌯𑌮𑌾𑌨𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 11

𑌤𑍍𑌰𑌿𑌕𑌾𑌲𑌸𑍍𑌥𑌿𑌤𑌂 𑌸𑍁𑌸𑍍𑌥𑌿𑌰𑌂 𑌜𑍍𑌞𑌾𑌨𑌸𑌂𑌸𑍍𑌥𑌂
𑌤𑍍𑌰𑌿𑌧𑌾𑌮 𑌤𑍍𑌰𑌿𑌮𑍂𑌰𑍍𑌤𑍍𑌯𑌾𑌤𑍍𑌮𑌕𑌂 𑌬𑍍𑌰𑌹𑍍𑌮𑌸𑌂𑌸𑍍𑌥𑌮𑍍 ।
𑌤𑍍𑌰𑌯𑍀𑌮𑍂𑌰𑍍𑌤𑌿𑌮𑌾𑌰𑍍𑌤𑌿𑌚𑍍𑌛𑌿𑌦𑌂 𑌶𑌕𑍍𑌤𑌿𑌯𑍁𑌕𑍍𑌤𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 12

𑌇𑌡𑌾𑌂 𑌪𑌿𑌂𑌗𑌳𑌾𑌂 𑌸𑌤𑍍𑌸𑍁𑌷𑍁𑌮𑍍𑌨𑌾𑌂 𑌵𑌿𑌶𑌂𑌤𑌂
𑌸𑍍𑌫𑍁𑌟𑌂 𑌬𑍍𑌰𑌹𑍍𑌮𑌰𑌂𑌧𑍍𑌰 𑌸𑍍𑌵𑌤𑌂𑌤𑍍𑌰𑌂 𑌸𑍁𑌶𑌾𑌂𑌤𑌮𑍍 ।
𑌦𑍃𑌢𑌂 𑌨𑌿𑌤𑍍𑌯 𑌨𑌿𑌰𑍍𑌵𑌾𑌣𑌮𑍁𑌦𑍍𑌭𑌾𑌸𑌯𑌂𑌤𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 13

𑌅𑌣𑍁𑌬𑍍𑌰𑌹𑍍𑌮𑌪𑌰𑍍𑌯𑌂𑌤 𑌜𑍀𑌵𑍈𑌕𑍍𑌯𑌬𑌿𑌂𑌬𑌂
𑌗𑍁𑌣𑌾𑌕𑌾𑌰𑌮𑌤𑍍𑌯𑌂𑌤𑌭𑌕𑍍𑌤𑌾𑌨𑍁𑌕𑌂𑌪𑌮𑍍 ।
𑌅𑌨𑌰𑍍𑌘𑌂 𑌶𑍁𑌭𑍋𑌦𑌰𑍍𑌕𑌮𑌾𑌤𑍍𑌮𑌾𑌵𑌲𑌂𑌬𑌂
𑌪𑌰𑌂 𑌜𑍍𑌯𑍋𑌤𑌿𑌰𑍂𑌪𑌂 𑌭𑌜𑍇 𑌭𑍂𑌤𑌨𑌾𑌥𑌮𑍍 ॥ 14

𑌇𑌤𑌿 𑌧𑌰𑍍𑌮𑌶𑌾𑌸𑍍𑌤𑌾 𑌭𑍁𑌜𑌂𑌗 𑌸𑍍𑌤𑍋𑌤𑍍𑌰𑌮𑍍 ।