𑌜𑌗𑌤𑍍𑌪𑍍𑌰𑌤𑌿𑌷𑍍𑌠𑌾𑌹𑍇𑌤𑍁𑌰𑍍𑌯𑌃 𑌧𑌰𑍍𑌮𑌃 𑌶𑍍𑌰𑍁𑌤𑍍𑌯𑌂𑌤𑌕𑍀𑌰𑍍𑌤𑌿𑌤𑌃 ।
𑌤𑌸𑍍𑌯𑌾𑌪𑌿 𑌶𑌾𑌸𑍍𑌤𑌾 𑌯𑍋 𑌦𑍇𑌵𑌸𑍍𑌤𑌂 𑌸𑌦𑌾 𑌸𑌮𑍁𑌪𑌾𑌶𑍍𑌰𑌯𑍇 ॥ 1 ॥

𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑍈𑌃 𑌶𑌿𑌵𑌾𑌵𑌤𑌾𑌰𑍈𑌃
𑌧𑌰𑍍𑌮𑌪𑍍𑌰𑌚𑌾𑌰𑌾𑌯 𑌸𑌮𑌸𑍍𑌤𑌕𑌾𑌲𑍇 ।
𑌸𑍁𑌸𑍍𑌥𑌾𑌪𑌿𑌤𑌂 𑌶𑍃𑌂𑌗𑌮𑌹𑍀𑌧𑍍𑌰𑌵𑌰𑍍𑌯𑍇
𑌪𑍀𑌠𑌂 𑌯𑌤𑍀𑌂𑌦𑍍𑌰𑌾𑌃 𑌪𑌰𑌿𑌭𑍂𑌷𑌯𑌂𑌤𑌿 ॥ 2 ॥

𑌤𑍇𑌷𑍍𑌵𑍇𑌵 𑌕𑌰𑍍𑌮𑌂𑌦𑌿𑌵𑌰𑍇𑌷𑍁 𑌵𑌿𑌦𑍍𑌯𑌾-
-𑌤𑌪𑍋𑌧𑌨𑍇𑌷𑍁 𑌪𑍍𑌰𑌥𑌿𑌤𑌾𑌨𑍁𑌭𑌾𑌵𑌃 ।
𑌵𑌿𑌦𑍍𑌯𑌾𑌸𑍁𑌤𑍀𑌰𑍍𑌥𑍋𑌽𑌭𑌿𑌨𑌵𑍋𑌽𑌦𑍍𑌯 𑌯𑍋𑌗𑍀
𑌶𑌾𑌸𑍍𑌤𑌾𑌰𑌮𑌾𑌲𑍋𑌕𑌯𑌿𑌤𑍁𑌂 𑌪𑍍𑌰𑌤𑌸𑍍𑌥𑍇 ॥ 3 ॥

𑌧𑌰𑍍𑌮𑌸𑍍𑌯 𑌗𑍋𑌪𑍍𑌤𑌾 𑌯𑌤𑌿𑌪𑍁𑌂𑌗𑌵𑍋𑌽𑌯𑌂
𑌧𑌰𑍍𑌮𑌸𑍍𑌯 𑌶𑌾𑌸𑍍𑌤𑌾𑌰𑌮𑌵𑍈𑌕𑍍𑌷𑌤𑍇𑌤𑌿 ।
𑌯𑍁𑌕𑍍𑌤𑌂 𑌤𑌦𑍇𑌤𑌦𑍍𑌯𑍁𑌭𑌯𑍋𑌸𑍍𑌤𑌯𑍋𑌰𑍍𑌹𑌿
𑌸𑌮𑍍𑌮𑍇𑌲𑌨𑌂 𑌲𑍋𑌕𑌹𑌿𑌤𑌾𑌯 𑌨𑍂𑌨𑌮𑍍 ॥ 4 ॥

𑌕𑌾𑌲𑍇𑌽𑌸𑍍𑌮𑌿𑌨𑍍 𑌕𑌲𑌿𑌮𑌲𑌦𑍂𑌷𑌿𑌤𑍇𑌽𑌪𑌿 𑌧𑌰𑍍𑌮𑌃
𑌶𑍍𑌰𑍌𑌤𑍋𑌽𑌯𑌂 𑌨 𑌖𑌲𑍁 𑌵𑌿𑌲𑍋𑌪𑌮𑌾𑌪 𑌤𑌤𑍍𑌰 ।
𑌹𑍇𑌤𑍁𑌃 𑌖𑌲𑍍𑌵𑌯𑌮𑌿𑌹 𑌨𑍂𑌨𑌮𑍇𑌵 𑌨𑌾𑌨𑍍𑌯𑌃
𑌶𑌾𑌸𑍍𑌤𑌾𑌽𑌸𑍍𑌤𑍇 𑌸𑌕𑌲𑌜𑌨𑍈𑌕𑌵𑌂𑌦𑍍𑌯𑌪𑌾𑌦𑌃 ॥ 5 ॥

𑌜𑍍𑌞𑌾𑌨𑌂 𑌷𑌡𑌾𑌸𑍍𑌯𑌵𑌰𑌤𑌾𑌤𑌕𑍃𑌪𑍈𑌕𑌲𑌭𑍍𑌯𑌂
𑌮𑍋𑌕𑍍𑌷𑌸𑍍𑌤𑍁 𑌤𑌾𑌰𑍍𑌕𑍍𑌷𑍍𑌯𑌵𑌰𑌵𑌾𑌹𑌦𑌯𑍈𑌕𑌲𑌭𑍍𑌯𑌃 ।
𑌜𑍍𑌞𑌾𑌨𑌂 𑌚 𑌮𑍋𑌕𑍍𑌷 𑌉𑌭𑌯𑌂 𑌤𑍁 𑌵𑌿𑌨𑌾 𑌶𑍍𑌰𑌮𑍇𑌣
𑌪𑍍𑌰𑌾𑌪𑍍𑌯𑌂 𑌜𑌨𑍈𑌃 𑌹𑌰𑌿𑌹𑌰𑌾𑌤𑍍𑌮𑌜𑌸𑌤𑍍𑌪𑍍𑌰𑌸𑌾𑌦𑌾𑌤𑍍 ॥ 6 ॥

𑌯𑌮𑌨𑌿𑌯𑌮𑌾𑌦𑌿𑌸𑌮𑍇𑌤𑍈𑌃 𑌯𑌤𑌚𑌿𑌤𑍍𑌤𑍈𑌰𑍍𑌯𑍋𑌗𑌿𑌭𑌿𑌃 𑌸𑌦𑌾 𑌧𑍍𑌯𑍇𑌯𑌮𑍍 ।
𑌶𑌾𑌸𑍍𑌤𑌾𑌰𑌂 𑌹𑍃𑌦𑌿 𑌕𑌲𑌯𑍇 𑌧𑌾𑌤𑌾𑌰𑌂 𑌸𑌰𑍍𑌵𑌲𑍋𑌕𑌸𑍍𑌯 ॥ 𑍭 ॥

𑌶𑌬𑌰𑌗𑌿𑌰𑌿𑌨𑌿𑌵𑌾𑌸𑌃 𑌸𑌰𑍍𑌵𑌲𑍋𑌕𑍈𑌕𑌪𑍂𑌜𑍍𑌯𑌃
𑌨𑌤𑌜𑌨𑌸𑍁𑌖𑌕𑌾𑌰𑍀 𑌨𑌮𑍍𑌰𑌹𑍃𑌤𑍍𑌤𑌾𑌪𑌹𑌾𑌰𑍀 ।
𑌤𑍍𑌰𑌿𑌦𑌶𑌦𑌿𑌤𑌿𑌜𑌸𑍇𑌵𑍍𑌯𑌃 𑌸𑍍𑌵𑌰𑍍𑌗𑌮𑍋𑌕𑍍𑌷𑌪𑍍𑌰𑌦𑌾𑌤𑌾
𑌹𑌰𑌿𑌹𑌰𑌸𑍁𑌤𑌦𑍇𑌵𑌃 𑌸𑌂𑌤𑌤𑌂 𑌶𑌂 𑌤𑌨𑍋𑌤𑍁 ॥ 𑍮 ॥

𑌇𑌤𑌿 𑌶𑍃𑌂𑌗𑍇𑌰𑌿 𑌜𑌗𑌦𑍍𑌗𑍁𑌰𑍁 𑌶𑍍𑌰𑍀 𑌶𑍍𑌰𑍀 𑌭𑌾𑌰𑌤𑍀𑌤𑍀𑌰𑍍𑌥 𑌮𑌹𑌾𑌸𑍍𑌵𑌾𑌮𑌿𑌭𑌿𑌃 𑌵𑌿𑌰𑌚𑌿𑌤𑌂 𑌧𑌰𑍍𑌮𑌶𑌾𑌸𑍍𑌤𑌾 𑌸𑍍𑌤𑍋𑌤𑍍𑌰𑌮𑍍 ।