𑌮𑌹𑌾𑌶𑌾𑌸𑍍𑌤𑌾 𑌮𑌹𑌾𑌦𑍇𑌵𑍋 𑌮𑌹𑌾𑌦𑍇𑌵𑌸𑍁𑌤𑍋𑌽𑌵𑍍𑌯𑌯𑌃 ।
𑌲𑍋𑌕𑌕𑌰𑍍𑌤𑌾 𑌲𑍋𑌕𑌭𑌰𑍍𑌤𑌾 𑌲𑍋𑌕𑌹𑌰𑍍𑌤𑌾 𑌪𑌰𑌾𑌤𑍍𑌪𑌰𑌃 ॥ 1 ॥

𑌤𑍍𑌰𑌿𑌲𑍋𑌕𑌰𑌕𑍍𑌷𑌕𑍋 𑌧𑌨𑍍𑌵𑍀 𑌤𑌪𑌸𑍍𑌵𑍀 𑌭𑍂𑌤𑌸𑍈𑌨𑌿𑌕𑌃 ।
𑌮𑌂𑌤𑍍𑌰𑌵𑍇𑌦𑍀 𑌮𑌹𑌾𑌵𑍇𑌦𑍀 𑌮𑌾𑌰𑍁𑌤𑍋 𑌜𑌗𑌦𑍀𑌶𑍍𑌵𑌰𑌃 ॥ 2 ॥

𑌲𑍋𑌕𑌾𑌧𑍍𑌯𑌕𑍍𑌷𑍋𑌽𑌗𑍍𑌰𑌣𑍀𑌃 𑌶𑍍𑌰𑍀𑌮𑌾𑌨𑌪𑍍𑌰𑌮𑍇𑌯𑌪𑌰𑌾𑌕𑍍𑌰𑌮𑌃 ।
𑌸𑌿𑌂𑌹𑌾𑌰𑍂𑌢𑍋 𑌗𑌜𑌾𑌰𑍂𑌢𑍋 𑌹𑌯𑌾𑌰𑍂𑌢𑍋 𑌮𑌹𑍇𑌶𑍍𑌵𑌰𑌃 ॥ 3 ॥

𑌨𑌾𑌨𑌾𑌶𑌸𑍍𑌤𑍍𑌰𑌧𑌰𑍋𑌽𑌨𑌰𑍍𑌘𑍋 𑌨𑌾𑌨𑌾𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌃 ।
𑌨𑌾𑌨𑌾𑌰𑍂𑌪𑌧𑌰𑍋 𑌵𑍀𑌰𑍋 𑌨𑌾𑌨𑌾𑌪𑍍𑌰𑌾𑌣𑌿𑌨𑌿𑌷𑍇𑌵𑌿𑌤𑌃 ॥ 4 ॥

𑌭𑍂𑌤𑍇𑌶𑍋 𑌭𑍂𑌤𑌿𑌤𑍋 𑌭𑍃𑌤𑍍𑌯𑍋 𑌭𑍁𑌜𑌂𑌗𑌾𑌭𑌰𑌣𑍋𑌜𑍍𑌵𑌲𑌃 ।
𑌇𑌕𑍍𑌷𑍁𑌧𑌨𑍍𑌵𑍀 𑌪𑍁𑌷𑍍𑌪𑌬𑌾𑌣𑍋 𑌮𑌹𑌾𑌰𑍂𑌪𑍋 𑌮𑌹𑌾𑌪𑍍𑌰𑌭𑍁𑌃 ॥ 5 ॥

𑌮𑌾𑌯𑌾𑌦𑍇𑌵𑍀𑌸𑍁𑌤𑍋 𑌮𑌾𑌨𑍍𑌯𑍋 𑌮𑌹𑌨𑍀𑌯𑍋 𑌮𑌹𑌾𑌗𑍁𑌣𑌃 ।
𑌮𑌹𑌾𑌶𑍈𑌵𑍋 𑌮𑌹𑌾𑌰𑍁𑌦𑍍𑌰𑍋 𑌵𑍈𑌷𑍍𑌣𑌵𑍋 𑌵𑌿𑌷𑍍𑌣𑍁𑌪𑍂𑌜𑌕𑌃 ॥ 6 ॥

𑌵𑌿𑌘𑍍𑌨𑍇𑌶𑍋 𑌵𑍀𑌰𑌭𑌦𑍍𑌰𑍇𑌶𑍋 𑌭𑍈𑌰𑌵𑍋 𑌷𑌣𑍍𑌮𑍁𑌖𑌪𑍍𑌰𑌿𑌯𑌃 ।
𑌮𑍇𑌰𑍁𑌶𑍃𑌂𑌗𑌸𑌮𑌾𑌸𑍀𑌨𑍋 𑌮𑍁𑌨𑌿𑌸𑌂𑌘𑌨𑌿𑌷𑍇𑌵𑌿𑌤𑌃 ॥ 𑍭 ॥

𑌦𑍇𑌵𑍋 𑌭𑌦𑍍𑌰𑍋 𑌜𑌗𑌨𑍍𑌨𑌾𑌥𑍋 𑌗𑌣𑌨𑌾𑌥𑍋 𑌗𑌣𑍇𑌶𑍍𑌵𑌰𑌃 ।
𑌮𑌹𑌾𑌯𑍋𑌗𑍀 𑌮𑌹𑌾𑌮𑌾𑌯𑍀 𑌮𑌹𑌾𑌜𑍍𑌞𑌾𑌨𑍀 𑌮𑌹𑌾𑌸𑍍𑌥𑌿𑌰𑌃 ॥ 𑍮 ॥

𑌦𑍇𑌵𑌶𑌾𑌸𑍍𑌤𑌾 𑌭𑍂𑌤𑌶𑌾𑌸𑍍𑌤𑌾 𑌭𑍀𑌮𑌹𑌾𑌸𑌪𑌰𑌾𑌕𑍍𑌰𑌮𑌃 ।
𑌨𑌾𑌗𑌹𑌾𑌰𑍋 𑌨𑌾𑌗𑌕𑍇𑌶𑍋 𑌵𑍍𑌯𑍋𑌮𑌕𑍇𑌶𑌃 𑌸𑌨𑌾𑌤𑌨𑌃 ॥ 𑍯 ॥

𑌸𑌗𑍁𑌣𑍋 𑌨𑌿𑌰𑍍𑌗𑍁𑌣𑍋 𑌨𑌿𑌤𑍍𑌯𑍋 𑌨𑌿𑌤𑍍𑌯𑌤𑍃𑌪𑍍𑌤𑍋 𑌨𑌿𑌰𑌾𑌶𑍍𑌰𑌯𑌃 ।
𑌲𑍋𑌕𑌾𑌶𑍍𑌰𑌯𑍋 𑌗𑌣𑌾𑌧𑍀𑌶𑌶𑍍𑌚𑌤𑍁𑌷𑍍𑌷𑌷𑍍𑌟𑌿𑌕𑌲𑌾𑌮𑌯𑌃 ॥ 10 ॥

𑌋𑌗𑍍𑌯𑌜𑍁𑌃𑌸𑌾𑌮𑌥𑌰𑍍𑌵𑌾𑌤𑍍𑌮𑌾 𑌮𑌲𑍍𑌲𑌕𑌾𑌸𑍁𑌰𑌭𑌂𑌜𑌨𑌃 ।
𑌤𑍍𑌰𑌿𑌮𑍂𑌰𑍍𑌤𑌿 𑌦𑍈𑌤𑍍𑌯𑌮𑌥𑌨𑌃 𑌪𑍍𑌰𑌕𑍃𑌤𑌿𑌃 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 11 ॥

𑌕𑌾𑌲𑌜𑍍𑌞𑌾𑌨𑍀 𑌮𑌹𑌾𑌜𑍍𑌞𑌾𑌨𑍀 𑌕𑌾𑌮𑌦𑌃 𑌕𑌮𑌲𑍇𑌕𑍍𑌷𑌣𑌃 ।
𑌕𑌲𑍍𑌪𑌵𑍃𑌕𑍍𑌷𑍋 𑌮𑌹𑌾𑌵𑍃𑌕𑍍𑌷𑍋 𑌵𑌿𑌦𑍍𑌯𑌾𑌵𑍃𑌕𑍍𑌷𑍋 𑌵𑌿𑌭𑍂𑌤𑌿𑌦𑌃 ॥ 12 ॥

𑌸𑌂𑌸𑌾𑌰𑌤𑌾𑌪𑌵𑌿𑌚𑍍𑌛𑍇𑌤𑍍𑌤𑌾 𑌪𑌶𑍁𑌲𑍋𑌕𑌭𑌯𑌂𑌕𑌰𑌃 ।
𑌰𑍋𑌗𑌹𑌂𑌤𑌾 𑌪𑍍𑌰𑌾𑌣𑌦𑌾𑌤𑌾 𑌪𑌰𑌗𑌰𑍍𑌵𑌵𑌿𑌭𑌂𑌜𑌨𑌃 ॥ 13 ॥

𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌤𑌤𑍍𑌵𑌜𑍍𑌞𑍋 𑌨𑍀𑌤𑌿𑌮𑌾𑌨𑍍 𑌪𑌾𑌪𑌭𑌂𑌜𑌨𑌃 ।
𑌪𑍁𑌷𑍍𑌕𑌲𑌾𑌪𑍂𑌰𑍍𑌣𑌾𑌸𑌂𑌯𑍁𑌕𑍍𑌤𑌃 𑌪𑌰𑌮𑌾𑌤𑍍𑌮𑌾 𑌸𑌤𑌾𑌂𑌗𑌤𑌿𑌃 ॥ 14 ॥

𑌅𑌨𑌂𑌤𑌾𑌦𑌿𑌤𑍍𑌯𑌸𑌂𑌕𑌾𑌶𑌃 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌨𑍁𑌜𑍋 𑌬𑌲𑍀 ।
𑌭𑌕𑍍𑌤𑌾𑌨𑍁𑌕𑌂𑌪𑍀 𑌦𑍇𑌵𑍇𑌶𑍋 𑌭𑌗𑌵𑌾𑌨𑍍 𑌭𑌕𑍍𑌤𑌵𑌤𑍍𑌸𑌲𑌃 ॥ 15 ॥