𑌲𑍋𑌕𑌵𑍀𑌰𑌂 𑌮𑌹𑌾𑌪𑍂𑌜𑍍𑌯𑌂 𑌸𑌰𑍍𑌵𑌰𑌕𑍍𑌷𑌾𑌕𑌰𑌂 𑌵𑌿𑌭𑍁𑌮𑍍 ।
𑌪𑌾𑌰𑍍𑌵𑌤𑍀 𑌹𑍃𑌦𑌯𑌾𑌨𑌂𑌦𑌂 𑌶𑌾𑌸𑍍𑌤𑌾𑌰𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 1 ॥

𑌵𑌿𑌪𑍍𑌰𑌪𑍂𑌜𑍍𑌯𑌂 𑌵𑌿𑌶𑍍𑌵𑌵𑌂𑌦𑍍𑌯𑌂 𑌵𑌿𑌷𑍍𑌣𑍁𑌶𑌂𑌭𑍋𑌃 𑌪𑍍𑌰𑌿𑌯𑌂 𑌸𑍁𑌤𑌮𑍍 ।
𑌕𑍍𑌷𑌿𑌪𑍍𑌰𑌪𑍍𑌰𑌸𑌾𑌦𑌨𑌿𑌰𑌤𑌂 𑌶𑌾𑌸𑍍𑌤𑌾𑌰𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 2 ॥

𑌮𑌤𑍍𑌤𑌮𑌾𑌤𑌂𑌗𑌗𑌮𑌨𑌂 𑌕𑌾𑌰𑍁𑌣𑍍𑌯𑌾𑌮𑍃𑌤𑌪𑍂𑌰𑌿𑌤𑌮𑍍 ।
𑌸𑌰𑍍𑌵𑌵𑌿𑌘𑍍𑌨𑌹𑌰𑌂 𑌦𑍇𑌵𑌂 𑌶𑌾𑌸𑍍𑌤𑌾𑌰𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 3 ॥

𑌅𑌸𑍍𑌮𑌤𑍍𑌕𑍁𑌲𑍇𑌶𑍍𑌵𑌰𑌂 𑌦𑍇𑌵𑌮𑌸𑍍𑌮𑌚𑍍𑌛𑌤𑍍𑌰𑍁 𑌵𑌿𑌨𑌾𑌶𑌨𑌮𑍍 ।
𑌅𑌸𑍍𑌮𑌦𑌿𑌷𑍍𑌟𑌪𑍍𑌰𑌦𑌾𑌤𑌾𑌰𑌂 𑌶𑌾𑌸𑍍𑌤𑌾𑌰𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 4 ॥

𑌪𑌾𑌂𑌡𑍍𑌯𑍇𑌶𑌵𑌂𑌶𑌤𑌿𑌲𑌕𑌂 𑌕𑍇𑌰𑌲𑍇 𑌕𑍇𑌲𑌿𑌵𑌿𑌗𑍍𑌰𑌹𑌮𑍍 ।
𑌆𑌰𑍍𑌤𑌤𑍍𑌰𑌾𑌣𑌪𑌰𑌂 𑌦𑍇𑌵𑌂 𑌶𑌾𑌸𑍍𑌤𑌾𑌰𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 5 ॥

𑌪𑌂𑌚𑌰𑌤𑍍𑌨𑌾𑌖𑍍𑌯𑌮𑍇𑌤𑌦𑍍𑌯𑍋 𑌨𑌿𑌤𑍍𑌯𑌂 𑌶𑍁𑌦𑍍𑌧𑌃 𑌪𑌠𑍇𑌨𑍍𑌨𑌰𑌃 ।
𑌤𑌸𑍍𑌯 𑌪𑍍𑌰𑌸𑌨𑍍𑌨𑍋 𑌭𑌗𑌵𑌾𑌨𑍍 𑌶𑌾𑌸𑍍𑌤𑌾 𑌵𑌸𑌤𑌿 𑌮𑌾𑌨𑌸𑍇 ॥