𑌶𑍍𑌰𑍀𑌦𑍇𑌵𑍍𑌯𑍁𑌵𑌾𑌚-
𑌭𑌗𑌵𑌨𑍍 𑌦𑍇𑌵𑌦𑍇𑌵𑍇𑌶 𑌸𑌰𑍍𑌵𑌜𑍍𑌞 𑌤𑍍𑌰𑌿𑌪𑍁𑌰𑌾𑌂𑌤𑌕 ।
𑌪𑍍𑌰𑌾𑌪𑍍𑌤𑍇 𑌕𑌲𑌿𑌯𑍁𑌗𑍇 𑌘𑍋𑌰𑍇 𑌮𑌹𑌾𑌭𑍂𑌤𑍈𑌃 𑌸𑌮𑌾𑌵𑍃𑌤𑍇 ॥ 1

𑌮𑌹𑌾𑌵𑍍𑌯𑌾𑌧𑌿 𑌮𑌹𑌾𑌵𑍍𑌯𑌾𑌳 𑌘𑍋𑌰𑌰𑌾𑌜𑍈𑌃 𑌸𑌮𑌾𑌵𑍃𑌤𑍇 ।
𑌦𑍁𑌃𑌸𑍍𑌵𑌪𑍍𑌨𑌶𑍋𑌕𑌸𑌂𑌤𑌾𑌪𑍈𑌃 𑌦𑍁𑌰𑍍𑌵𑌿𑌨𑍀𑌤𑍈𑌃 𑌸𑌮𑌾𑌵𑍃𑌤𑍇 ॥ 2

𑌸𑍍𑌵𑌧𑌰𑍍𑌮𑌵𑌿𑌰𑌤𑍇𑌮𑌾𑌰𑍍𑌗𑍇 𑌪𑍍𑌰𑌵𑍃𑌤𑍍𑌤𑍇 𑌹𑍃𑌦𑌿 𑌸𑌰𑍍𑌵𑌦𑌾 ।
𑌤𑍇𑌷𑌾𑌂 𑌸𑌿𑌦𑍍𑌧𑌿𑌂 𑌚 𑌮𑍁𑌕𑍍𑌤𑌿𑌂 𑌚 𑌤𑍍𑌵𑌂 𑌮𑍇 𑌬𑍍𑌰𑍂𑌹𑌿 𑌵𑍃𑌷𑌦𑍍𑌵𑌜 ॥ 3

𑌈𑌶𑍍𑌵𑌰 𑌉𑌵𑌾𑌚-
𑌶𑍃𑌣𑍁 𑌦𑍇𑌵𑌿 𑌮𑌹𑌾𑌭𑌾𑌗𑍇 𑌸𑌰𑍍𑌵𑌕𑌳𑍍𑌯𑌾𑌣𑌕𑌾𑌰𑌣𑍇 ।
𑌮𑌹𑌾𑌶𑌾𑌸𑍍𑌤𑍁𑌶𑍍𑌚 𑌦𑍇𑌵𑍇𑌶𑌿 𑌕𑌵𑌚𑌂 𑌪𑍁𑌣𑍍𑌯𑌵𑌰𑍍𑌧𑌨𑌮𑍍 ॥ 4

𑌅𑌗𑍍𑌨𑌿𑌸𑍍𑌤𑌂𑌭 𑌜𑌲𑌸𑍍𑌤𑌂𑌭 𑌸𑍇𑌨𑌾𑌸𑍍𑌤𑌂𑌭 𑌵𑌿𑌧𑌾𑌯𑌕𑌮𑍍 ।
𑌮𑌹𑌾𑌭𑍂𑌤𑌪𑍍𑌰𑌶𑌮𑌨𑌂 𑌮𑌹𑌾𑌵𑍍𑌯𑌾𑌧𑌿𑌨𑌿𑌵𑌾𑌰𑌣𑌮𑍍 ॥ 5

𑌮𑌹𑌾𑌜𑍍𑌞𑌾𑌨𑌪𑍍𑌰𑌦𑌂 𑌪𑍁𑌣𑍍𑌯𑌂 𑌵𑌿𑌶𑍇𑌷𑌾𑌤𑍍 𑌕𑌲𑌿𑌤𑌾𑌪𑌹𑌮𑍍 ।
𑌸𑌰𑍍𑌵𑌰𑌕𑍍𑌷𑍋𑌤𑍍𑌤𑌮𑌂 𑌪𑍁𑌂𑌸𑌾𑌂 𑌆𑌯𑍁𑌰𑌾𑌰𑍋𑌗𑍍𑌯𑌵𑌰𑍍𑌧𑌨𑌮𑍍 ॥ 6

𑌕𑌿𑌮𑌤𑍋 𑌬𑌹𑍁𑌨𑍋𑌕𑍍𑌤𑍇𑌨 𑌯𑌂 𑌯𑌂 𑌕𑌾𑌮𑌯𑌤𑍇 𑌦𑍍𑌵𑌿𑌜𑌃 ।
𑌤𑌂 𑌤𑌮𑌾𑌪𑍍𑌨𑍋𑌤𑍍𑌯𑌸𑌂𑌦𑍇𑌹𑍋 𑌮𑌹𑌾𑌶𑌾𑌸𑍍𑌤𑍁𑌃 𑌪𑍍𑌰𑌸𑌾𑌦𑌨𑌾𑌤𑍍 ॥ 𑍭

𑌕𑌵𑌚𑌸𑍍𑌯 𑌋𑌷𑌿𑌰𑍍𑌬𑍍𑌰𑌹𑍍𑌮𑌾 𑌗𑌾𑌯𑌤𑍍𑌰𑍀𑌃 𑌛𑌂𑌦 𑌉𑌚𑍍𑌯𑌤𑍇 ।
𑌦𑍇𑌵𑌤𑌾 𑌶𑍍𑌰𑍀𑌮𑌹𑌾𑌶𑌾𑌸𑍍𑌤𑌾 𑌦𑍇𑌵𑍋 𑌹𑌰𑌿𑌹𑌰𑌾𑌤𑍍𑌮𑌜𑌃 ॥ 𑍮

𑌷𑌡𑌂𑌗𑌮𑌾𑌚𑌰𑍇𑌦𑍍𑌭𑌕𑍍𑌤𑍍𑌯𑌾 𑌮𑌾𑌤𑍍𑌰𑌯𑌾 𑌜𑌾𑌤𑌿𑌯𑍁𑌕𑍍𑌤𑌯𑌾 ।
𑌧𑍍𑌯𑌾𑌨𑌮𑌸𑍍𑌯 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁𑌷𑍍𑌵𑌾𑌵𑌹𑌿𑌤𑌾 𑌪𑍍𑌰𑌿𑌯𑍇 ॥ 𑍯

𑌅𑌸𑍍𑌯 𑌶𑍍𑌰𑍀 𑌮𑌹𑌾𑌶𑌾𑌸𑍍𑌤𑍁𑌃 𑌕𑌵𑌚𑌮𑌂𑌤𑍍𑌰𑌸𑍍𑌯 । 𑌬𑍍𑌰𑌹𑍍𑌮𑌾 𑌋𑌷𑌿𑌃 । 𑌗𑌾𑌯𑌤𑍍𑌰𑍀𑌃 𑌛𑌂𑌦𑌃 । 𑌮𑌹𑌾𑌶𑌾𑌸𑍍𑌤𑌾 𑌦𑍇𑌵𑌤𑌾 । 𑌹𑍍𑌰𑌾𑌂 𑌬𑍀𑌜𑌮𑍍 । 𑌹𑍍𑌰𑍀𑌂 𑌶𑌕𑍍𑌤𑌿𑌃 । 𑌹𑍍𑌰𑍂𑌂 𑌕𑍀𑌲𑌕𑌮𑍍 । 𑌶𑍍𑌰𑍀 𑌮𑌹𑌾𑌶𑌾𑌸𑍍𑌤𑍁𑌃 𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌹𑍍𑌰𑌾𑌂 𑌇𑌤𑍍𑌯𑌾𑌦𑌿 𑌷𑌡𑌂𑌗𑌨𑍍𑌯𑌾𑌸𑌃 ॥

𑌧𑍍𑌯𑌾𑌨𑌮𑍍-
𑌤𑍇𑌜𑍋𑌮𑌂𑌡𑌲𑌮𑌧𑍍𑌯𑌗𑌂 𑌤𑍍𑌰𑌿𑌨𑌯𑌨𑌂 𑌦𑌿𑌵𑍍𑌯𑌾𑌂𑌬𑌰𑌾𑌲𑌂𑌕𑍃𑌤𑌂
𑌦𑍇𑌵𑌂 𑌪𑍁𑌷𑍍𑌪𑌶𑌰𑍇𑌕𑍍𑌷𑍁𑌕𑌾𑌰𑍍𑌮𑍁𑌕 𑌲𑌸𑌨𑍍𑌮𑌾𑌣𑌿𑌕𑍍𑌯𑌪𑌾𑌤𑍍𑌰𑌾𑌽𑌭𑌯𑌮𑍍 ।
𑌬𑌿𑌭𑍍𑌰𑌾𑌣𑌂 𑌕𑌰𑌪𑌂𑌕𑌜𑍈𑌃 𑌮𑌦𑌗𑌜 𑌸𑍍𑌕𑌂𑌧𑌾𑌧𑌿𑌰𑍂𑌢𑌂 𑌵𑌿𑌭𑍁𑌂
𑌶𑌾𑌸𑍍𑌤𑌾𑌰𑌂 𑌶𑌰𑌣𑌂 𑌭𑌜𑌾𑌮𑌿 𑌸𑌤𑌤𑌂 𑌤𑍍𑌰𑍈𑌲𑍋𑌕𑍍𑌯 𑌸𑌂𑌮𑍋𑌹𑌨𑌮𑍍 ॥

𑌮𑌹𑌾𑌶𑌾𑌸𑍍𑌤𑌾 𑌶𑌿𑌰𑌃 𑌪𑌾𑌤𑍁 𑌫𑌾𑌲𑌂 𑌹𑌰𑌿𑌹𑌰𑌾𑌤𑍍𑌮𑌜𑌃 ।
𑌕𑌾𑌮𑌰𑍂𑌪𑍀 𑌦𑍃𑌶𑌂 𑌪𑌾𑌤𑍁 𑌸𑌰𑍍𑌵𑌜𑍍𑌞𑍋 𑌮𑍇 𑌶𑍍𑌰𑍁𑌤𑌿𑌂 𑌸𑌦𑌾 ॥ 1

𑌘𑍍𑌰𑌾𑌣𑌂 𑌪𑌾𑌤𑍁 𑌕𑍃𑌪𑌾𑌧𑍍𑌯𑌕𑍍𑌷𑌃 𑌮𑍁𑌖𑌂 𑌗𑍌𑌰𑍀𑌪𑍍𑌰𑌿𑌯𑌃 𑌸𑌦𑌾 ।
𑌵𑍇𑌦𑌾𑌧𑍍𑌯𑌾𑌯𑍀 𑌚 𑌮𑍇 𑌜𑌿𑌹𑍍𑌵𑌾𑌂 𑌪𑌾𑌤𑍁 𑌮𑍇 𑌚𑌿𑌬𑍁𑌕𑌂 𑌗𑍁𑌰𑍁𑌃 ॥ 2

𑌕𑌂𑌠𑌂 𑌪𑌾𑌤𑍁 𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌸𑍍𑌕𑌂𑌧𑍌 𑌪𑌾𑌤𑍁 𑌸𑍁𑌰𑌾𑌰𑍍𑌚𑌿𑌤𑌃 ।
𑌬𑌾𑌹𑍂 𑌪𑌾𑌤𑍁 𑌵𑌿𑌰𑍂𑌪𑌾𑌕𑍍𑌷𑌃 𑌕𑌰𑍌 𑌤𑍁 𑌕𑌮𑌲𑌾𑌪𑍍𑌰𑌿𑌯𑌃 ॥ 3

𑌭𑍂𑌤𑌾𑌧𑌿𑌪𑍋 𑌮𑍇 𑌹𑍃𑌦𑌯𑌂 𑌮𑌧𑍍𑌯𑌂 𑌪𑌾𑌤𑍁 𑌮𑌹𑌾𑌬𑌲𑌃 ।
𑌨𑌾𑌭𑌿𑌂 𑌪𑌾𑌤𑍁 𑌮𑌹𑌾𑌵𑍀𑌰𑌃 𑌕𑌮𑌲𑌾𑌕𑍍𑌷𑍋𑌽𑌵𑌤𑍁 𑌕𑌟𑌿𑌮𑍍 ॥ 4

𑌸𑌨𑍀𑌪𑌂 𑌪𑌾𑌤𑍁 𑌵𑌿𑌶𑍍𑌵𑍇𑌶𑌃 𑌗𑍁𑌹𑍍𑌯𑌂 𑌗𑍁𑌹𑍍𑌯𑌾𑌰𑍍𑌥𑌵𑌿𑌤𑍍𑌸𑌦𑌾 ।
𑌊𑌰𑍂 𑌪𑌾𑌤𑍁 𑌗𑌜𑌾𑌰𑍂𑌢𑌃 𑌵𑌜𑍍𑌰𑌧𑌾𑌰𑍀 𑌚 𑌜𑌾𑌨𑍁𑌨𑍀 ॥ 5

𑌜𑌂𑌘𑍇 𑌪𑌾𑌤𑍍𑌵𑌂𑌕𑍁𑌶𑌧𑌰𑌃 𑌪𑌾𑌦𑍌 𑌪𑌾𑌤𑍁 𑌮𑌹𑌾𑌮𑌤𑌿𑌃 ।
𑌸𑌰𑍍𑌵𑌾𑌂𑌗𑌂 𑌪𑌾𑌤𑍁 𑌮𑍇 𑌨𑌿𑌤𑍍𑌯𑌂 𑌮𑌹𑌾𑌮𑌾𑌯𑌾𑌵𑌿𑌶𑌾𑌰𑌦𑌃 ॥ 6

𑌇𑌤𑍀𑌦𑌂 𑌕𑌵𑌚𑌂 𑌪𑍁𑌣𑍍𑌯𑌂 𑌸𑌰𑍍𑌵𑌾𑌘𑍌𑌘𑌨𑌿𑌕𑍃𑌂𑌤𑌨𑌮𑍍 ।
𑌮𑌹𑌾𑌵𑍍𑌯𑌾𑌧𑌿𑌪𑍍𑌰𑌶𑌮𑌨𑌂 𑌮𑌹𑌾𑌪𑌾𑌤𑌕𑌨𑌾𑌶𑌨𑌮𑍍 ॥ 𑍭

𑌜𑍍𑌞𑌾𑌨𑌵𑍈𑌰𑌾𑌗𑍍𑌯𑌦𑌂 𑌦𑌿𑌵𑍍𑌯𑌮𑌣𑌿𑌮𑌾𑌦𑌿𑌵𑌿𑌭𑍂𑌷𑌿𑌤𑌮𑍍 ।
𑌆𑌯𑍁𑌰𑌾𑌰𑍋𑌗𑍍𑌯𑌜𑌨𑌨𑌂 𑌮𑌹𑌾𑌵𑌶𑍍𑌯𑌕𑌰𑌂 𑌪𑌰𑌮𑍍 ॥ 𑍮

𑌯𑌂 𑌯𑌂 𑌕𑌾𑌮𑌯𑌤𑍇 𑌕𑌾𑌮𑌂 𑌤𑌂 𑌤𑌮𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌃 ।
𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌦𑍍𑌵𑌿𑌦𑍍𑌵𑌾𑌨𑍍 𑌸 𑌯𑌾𑌤𑌿 𑌪𑌰𑌮𑌾𑌂 𑌗𑌤𑌿𑌮𑍍 ॥

𑌇𑌤𑌿 𑌶𑍍𑌰𑍀 𑌮𑌹𑌾𑌶𑌾𑌸𑍍𑌤𑌾 𑌅𑌨𑍁𑌗𑍍𑌰𑌹 𑌕𑌵𑌚𑌮𑍍 ।