𑌰𑍁𑌚𑌿𑌰𑍁𑌵𑌾𑌚 ।
𑌅𑌰𑍍𑌚𑌿𑌤𑌾𑌨𑌾𑌮𑌮𑍂𑌰𑍍𑌤𑌾𑌨𑌾𑌂 𑌪𑌿𑌤𑍄𑌣𑌾𑌂 𑌦𑍀𑌪𑍍𑌤𑌤𑍇𑌜𑌸𑌾𑌮𑍍 ।
𑌨𑌮𑌸𑍍𑌯𑌾𑌮𑌿 𑌸𑌦𑌾 𑌤𑍇𑌷𑌾𑌂 𑌧𑍍𑌯𑌾𑌨𑌿𑌨𑌾𑌂 𑌦𑌿𑌵𑍍𑌯𑌚𑌕𑍍𑌷𑍁𑌷𑌾𑌮𑍍 ॥ 1 ॥

𑌇𑌂𑌦𑍍𑌰𑌾𑌦𑍀𑌨𑌾𑌂 𑌚 𑌨𑍇𑌤𑌾𑌰𑍋 𑌦𑌕𑍍𑌷𑌮𑌾𑌰𑍀𑌚𑌯𑍋𑌸𑍍𑌤𑌥𑌾 ।
𑌸𑌪𑍍𑌤𑌰𑍍𑌷𑍀𑌣𑌾𑌂 𑌤𑌥𑌾𑌨𑍍𑌯𑍇𑌷𑌾𑌂 𑌤𑌾𑌨𑍍𑌨𑌮𑌸𑍍𑌯𑌾𑌮𑌿 𑌕𑌾𑌮𑌦𑌾𑌨𑍍 ॥ 2 ॥

𑌮𑌨𑍍𑌵𑌾𑌦𑍀𑌨𑌾𑌂 𑌚 𑌨𑍇𑌤𑌾𑌰𑌃 𑌸𑍂𑌰𑍍𑌯𑌾𑌚𑌂𑌦𑍍𑌰𑌮𑌸𑍋𑌸𑍍𑌤𑌥𑌾 ।
𑌤𑌾𑌨𑍍𑌨𑌮𑌸𑍍𑌯𑌾𑌮𑍍𑌯𑌹𑌂 𑌸𑌰𑍍𑌵𑌾𑌨𑍍 𑌪𑌿𑌤𑍄𑌨𑌪𑍍𑌯𑍁𑌦𑌧𑌾𑌵𑌪𑌿 ॥ 3 ॥

𑌨𑌕𑍍𑌷𑌤𑍍𑌰𑌾𑌣𑌾𑌂 𑌗𑍍𑌰𑌹𑌾𑌣𑌾𑌂 𑌚 𑌵𑌾𑌯𑍍𑌵𑌗𑍍𑌨𑍍𑌯𑍋𑌰𑍍𑌨𑌭𑌸𑌸𑍍𑌤𑌥𑌾 ।
𑌦𑍍𑌯𑌾𑌵𑌾𑌪𑍃𑌥𑌿𑌵𑍍𑌯𑍋𑌶𑍍𑌚 𑌤𑌥𑌾 𑌨𑌮𑌸𑍍𑌯𑌾𑌮𑌿 𑌕𑍃𑌤𑌾𑌂𑌜𑌲𑌿𑌃 ॥ 4 ॥

𑌦𑍇𑌵𑌰𑍍𑌷𑍀𑌣𑌾𑌂 𑌜𑌨𑌿𑌤𑍄𑌂𑌶𑍍𑌚 𑌸𑌰𑍍𑌵𑌲𑍋𑌕 𑌨𑌮𑌸𑍍𑌕𑍃𑌤𑌾𑌨𑍍 ।
𑌅𑌕𑍍𑌷𑌯𑍍𑌯𑌸𑍍𑌯 𑌸𑌦𑌾 𑌦𑌾𑌤𑍄𑌨𑍍 𑌨𑌮𑌸𑍍𑌯𑍇𑌹𑌂 𑌕𑍃𑌤𑌾𑌂𑌜𑌲𑌿𑌃 ॥ 5 ॥

𑌪𑍍𑌰𑌜𑌾𑌪𑌤𑍇𑌃 𑌕𑌶𑍍𑌯𑌪𑌾𑌯 𑌸𑍋𑌮𑌾𑌯 𑌵𑌰𑍁𑌣𑌾𑌯 𑌚 ।
𑌯𑍋𑌗𑍇𑌶𑍍𑌵𑌰𑍇𑌭𑍍𑌯𑌶𑍍𑌚 𑌸𑌦𑌾 𑌨𑌮𑌸𑍍𑌯𑌾𑌮𑌿 𑌕𑍃𑌤𑌾𑌂𑌜𑌲𑌿𑌃 ॥ 6 ॥

𑌨𑌮𑍋 𑌗𑌣𑍇𑌭𑍍𑌯𑌃 𑌸𑌪𑍍𑌤𑌭𑍍𑌯𑌸𑍍𑌤𑌥𑌾 𑌲𑍋𑌕𑍇𑌷𑍁 𑌸𑌪𑍍𑌤𑌸𑍁 ।
𑌸𑍍𑌵𑌯𑌂𑌭𑍁𑌵𑍇 𑌨𑌮𑌸𑍍𑌯𑌾𑌮𑌿 𑌬𑍍𑌰𑌹𑍍𑌮𑌣𑍇 𑌯𑍋𑌗𑌚𑌕𑍍𑌷𑍁𑌷𑍇 ॥ 𑍭 ॥

𑌸𑍋𑌮𑌾𑌧𑌾𑌰𑌾𑌨𑍍 𑌪𑌿𑌤𑍃𑌗𑌣𑌾𑌨𑍍 𑌯𑍋𑌗𑌮𑍂𑌰𑍍𑌤𑌿𑌧𑌰𑌾𑌂𑌸𑍍𑌤𑌥𑌾 ।
𑌨𑌮𑌸𑍍𑌯𑌾𑌮𑌿 𑌤𑌥𑌾 𑌸𑍋𑌮𑌂 𑌪𑌿𑌤𑌰𑌂 𑌜𑌗𑌤𑌾𑌮𑌹𑌮𑍍 ॥ 𑍮 ॥

𑌅𑌗𑍍𑌨𑌿𑌰𑍂𑌪𑌾𑌂𑌸𑍍𑌤𑌥𑍈𑌵𑌾𑌨𑍍𑌯𑌾𑌨𑍍 𑌨𑌮𑌸𑍍𑌯𑌾𑌮𑌿 𑌪𑌿𑌤𑍄𑌨𑌹𑌮𑍍 ।
𑌅𑌗𑍍𑌨𑌿𑌸𑍋𑌮𑌮𑌯𑌂 𑌵𑌿𑌶𑍍𑌵𑌂 𑌯𑌤 𑌏𑌤𑌦𑌶𑍇𑌷𑌤𑌃 ॥ 𑍯 ॥

𑌯𑍇 𑌚 𑌤𑍇𑌜𑌸𑌿 𑌯𑍇 𑌚𑍈𑌤𑍇 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌮𑍂𑌰𑍍𑌤𑌯𑌃 ।
𑌜𑌗𑌤𑍍𑌸𑍍𑌵𑌰𑍂𑌪𑌿𑌣𑌶𑍍𑌚𑍈𑌵 𑌤𑌥𑌾 𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌿𑌣𑌃 ॥ 10 ॥

𑌤𑍇𑌭𑍍𑌯𑍋𑌽𑌖𑌿𑌲𑍇𑌭𑍍𑌯𑍋 𑌯𑍋𑌗𑌿𑌭𑍍𑌯𑌃 𑌪𑌿𑌤𑍃𑌭𑍍𑌯𑍋 𑌯𑌤𑌮𑌾𑌨𑌸𑌃 ।
𑌨𑌮𑍋 𑌨𑌮𑍋 𑌨𑌮𑌸𑍍𑌤𑍇𑌽𑌸𑍍𑌤𑍁 𑌪𑍍𑌰𑌸𑍀𑌦𑌂𑌤𑍁 𑌸𑍍𑌵𑌧𑌾𑌭𑍁𑌜𑌃 ॥ 11 ॥

𑌇𑌤𑌿 𑌶𑍍𑌰𑍀 𑌗𑌰𑍁𑌡𑌪𑍁𑌰𑌾𑌣𑍇 𑌊𑌨𑌨𑌵𑌤𑌿𑌤𑌮𑍋𑌽𑌧𑍍𑌯𑌾𑌯𑍇 𑌰𑍁𑌚𑌿𑌕𑍃𑌤 𑌦𑍍𑌵𑌿𑌤𑍀𑌯 𑌪𑌿𑌤𑍃 𑌸𑍍𑌤𑍋𑌤𑍍𑌰𑌮𑍍 ।