රුචිරුවාච ।
අර්චිතානාමමූර්තානාං පිතॄණාං දීප්තතේජසාම් ।
නමස්යාමි සදා තේෂාං ධ්යානිනාං දිව්යචක්ෂුෂාම් ॥ 1 ॥

ඉංද්රාදීනාං ච නේතාරෝ දක්ෂමාරීචයෝස්තථා ।
සප්තර්ෂීණාං තථාන්යේෂාං තාන්නමස්යාමි කාමදාන් ॥ 2 ॥

මන්වාදීනාං ච නේතාරඃ සූර්යාචංද්රමසෝස්තථා ।
තාන්නමස්යාම්යහං සර්වාන් පිතॄනප්යුදධාවපි ॥ 3 ॥

නක්ෂත්රාණාං ග්රහාණාං ච වාය්වග්න්යෝර්නභසස්තථා ।
ද්යාවාපෘථිව්යෝශ්ච තථා නමස්යාමි කෘතාංජලිඃ ॥ 4 ॥

දේවර්ෂීණාං ජනිතॄංශ්ච සර්වලෝක නමස්කෘතාන් ।
අක්ෂය්යස්ය සදා දාතॄන් නමස්යේහං කෘතාංජලිඃ ॥ 5 ॥

ප්රජාපතේඃ කශ්යපාය සෝමාය වරුණාය ච ।
යෝගේශ්වරේභ්යශ්ච සදා නමස්යාමි කෘතාංජලිඃ ॥ 6 ॥

නමෝ ගණේභ්යඃ සප්තභ්යස්තථා ලෝකේෂු සප්තසු ।
ස්වයංභුවේ නමස්යාමි බ්රහ්මණේ යෝගචක්ෂුෂේ ॥ 7 ॥

සෝමාධාරාන් පිතෘගණාන් යෝගමූර්තිධරාංස්තථා ।
නමස්යාමි තථා සෝමං පිතරං ජගතාමහම් ॥ 8 ॥

අග්නිරූපාංස්තථෛවාන්යාන් නමස්යාමි පිතॄනහම් ।
අග්නිසෝමමයං විශ්වං යත ඒතදශේෂතඃ ॥ 9 ॥

යේ ච තේජසි යේ චෛතේ සෝමසූර්යාග්නිමූර්තයඃ ।
ජගත්ස්වරූපිණශ්චෛව තථා බ්රහ්මස්වරූපිණඃ ॥ 10 ॥

තේභ්යෝऽඛිලේභ්යෝ යෝගිභ්යඃ පිතෘභ්යෝ යතමානසඃ ।
නමෝ නමෝ නමස්තේऽස්තු ප්රසීදංතු ස්වධාභුජඃ ॥ 11 ॥

ඉති ශ්රී ගරුඩපුරාණේ ඌනනවතිතමෝऽධ්යායේ රුචිකෘත ද්විතීය පිතෘ ස්තෝත්රම් ।