𑌶𑍍𑌰𑍀𑌪𑌾𑌰𑍍𑌵𑌤𑍀𑌪𑍁𑌤𑍍𑌰, 𑌮𑌾𑌂 𑌪𑌾𑌹𑌿 𑌵𑌲𑍍𑌲𑍀𑌶, 𑌤𑍍𑌵𑌤𑍍𑌪𑌾𑌦𑌪𑌂𑌕𑍇𑌜 𑌸𑍇𑌵𑌾𑌰𑌤𑍋𑌽𑌹𑌂, 𑌤𑍍𑌵𑌦𑍀𑌯𑌾𑌂 𑌨𑍁𑌤𑌿𑌂 𑌦𑍇𑌵𑌭𑌾𑌷𑌾𑌗𑌤𑌾𑌂 𑌕𑌰𑍍𑌤𑍁𑌮𑌾𑌰𑌬𑍍𑌧𑌵𑌾𑌨𑌸𑍍𑌮𑌿, 𑌸𑌂𑌕𑌲𑍍𑌪𑌸𑌿𑌦𑍍𑌧𑌿𑌂 𑌕𑍃𑌤𑌾𑌰𑍍𑌥𑌂 𑌕𑍁𑌰𑍁 𑌤𑍍𑌵𑌮𑍍 ।

𑌭𑌜𑍇 𑌤𑍍𑌵𑌾𑌂 𑌸𑌦𑌾𑌨𑌂𑌦𑌰𑍂𑌪𑌂, 𑌮𑌹𑌾𑌨𑌂𑌦𑌦𑌾𑌤𑌾𑌰𑌮𑌾𑌦𑍍𑌯𑌂, 𑌪𑌰𑍇𑌶𑌂, 𑌕𑌲𑌤𑍍𑌰𑍋𑌲𑍍𑌲𑌸𑌤𑍍𑌪𑌾𑌰𑍍𑌶𑍍𑌵𑌯𑍁𑌗𑍍𑌮𑌂, 𑌵𑌰𑍇𑌣𑍍𑌯𑌂, 𑌵𑌿𑌰𑍂𑌪𑌾𑌕𑍍𑌷𑌪𑍁𑌤𑍍𑌰𑌂, 𑌸𑍁𑌰𑌾𑌰𑌾𑌧𑍍𑌯𑌮𑍀𑌶𑌂, 𑌰𑌵𑍀𑌂𑌦𑍍𑌵𑌗𑍍𑌨𑌿𑌨𑍇𑌤𑍍𑌰𑌂, 𑌦𑍍𑌵𑌿𑌷𑌡𑍍𑌬𑌾𑌹𑍁 𑌸𑌂𑌶𑍋𑌭𑌿𑌤𑌂, 𑌨𑌾𑌰𑌦𑌾𑌗𑌸𑍍𑌤𑍍𑌯𑌕𑌣𑍍𑌵𑌾𑌤𑍍𑌰𑌿𑌜𑌾𑌬𑌾𑌲𑌿𑌵𑌾𑌲𑍍𑌮𑍀𑌕𑌿𑌵𑍍𑌯𑌾𑌸𑌾𑌦𑌿 𑌸𑌂𑌕𑍀𑌰𑍍𑌤𑌿𑌤𑌂, 𑌦𑍇𑌵𑌰𑌾𑌟𑍍𑌪𑍁𑌤𑍍𑌰𑌿𑌕𑌾𑌲𑌿𑌂𑌗𑌿𑌤𑌾𑌂𑌗𑌂, 𑌵𑌿𑌯𑌦𑍍𑌵𑌾𑌹𑌿𑌨𑍀𑌨𑌂𑌦𑌨𑌂, 𑌵𑌿𑌷𑍍𑌣𑍁𑌰𑍂𑌪𑌂, 𑌮𑌹𑍋𑌗𑍍𑌰𑌂, 𑌉𑌦𑌗𑍍𑌰𑌂, 𑌸𑍁𑌤𑍀𑌕𑍍𑌷𑌂, 𑌮𑌹𑌾𑌦𑍇𑌵𑌵𑌕𑍍𑌤𑍍𑌰𑌾𑌬𑍍𑌜𑌭𑌾𑌨𑍁𑌂, 𑌪𑌦𑌾𑌂𑌭𑍋𑌜𑌸𑍇𑌵𑌾 𑌸𑌮𑌾𑌯𑌾𑌤 𑌭𑌕𑍍𑌤𑌾𑌳𑌿 𑌸𑌂𑌰𑌕𑍍𑌷𑌣𑌾𑌯𑌤𑍍𑌤 𑌚𑌿𑌤𑍍𑌤𑌂, 𑌉𑌮𑌾 𑌶𑌰𑍍𑌵 𑌗𑌂𑌗𑌾𑌗𑍍𑌨𑌿 𑌷𑌟𑍍𑌕𑍃𑌤𑍍𑌤𑌿𑌕𑌾 𑌵𑌿𑌷𑍍𑌣𑍁 𑌬𑍍𑌰𑌹𑍍𑌮𑍇𑌂𑌦𑍍𑌰 𑌦𑌿𑌕𑍍𑌪𑌾𑌲 𑌸𑌂𑌪𑍂𑌤𑌸𑌦𑍍𑌯𑌤𑍍𑌨 𑌨𑌿𑌰𑍍𑌵𑌰𑍍𑌤𑌿𑌤𑍋𑌤𑍍𑌕𑍃𑌷𑍍𑌟 𑌸𑍁𑌶𑍍𑌰𑍀𑌤𑌪𑍋𑌯𑌜𑍍𑌞 𑌸𑌂𑌲𑌬𑍍𑌧𑌰𑍂𑌪𑌂, 𑌮𑌯𑍂𑌰𑌾𑌧𑌿𑌰𑍂𑌢𑌂, 𑌭𑌵𑌾𑌂𑌭𑍋𑌧𑌿𑌪𑍋𑌤𑌂, 𑌗𑍁𑌹𑌂 𑌵𑌾𑌰𑌿𑌜𑌾𑌕𑍍𑌷𑌂, 𑌗𑍁𑌰𑍁𑌂 𑌸𑌰𑍍𑌵𑌰𑍂𑌪𑌂, 𑌨𑌤𑌾𑌨𑌾𑌂 𑌶𑌰𑌣𑍍𑌯𑌂, 𑌬𑍁𑌧𑌾𑌨𑌾𑌂 𑌵𑌰𑍇𑌣𑍍𑌯𑌂, 𑌸𑍁𑌵𑌿𑌜𑍍𑌞𑌾𑌨𑌵𑍇𑌦𑍍𑌯𑌂, 𑌪𑌰𑌂, 𑌪𑌾𑌰𑌹𑍀𑌨𑌂, 𑌪𑌰𑌾𑌶𑌕𑍍𑌤𑌿𑌪𑍁𑌤𑍍𑌰𑌂, 𑌜𑌗𑌜𑍍𑌜𑌾𑌲 𑌨𑌿𑌰𑍍𑌮𑌾𑌣 𑌸𑌂𑌪𑌾𑌲𑌨𑌾𑌹𑌾𑌰𑍍𑌯𑌕𑌾𑌰𑌂, 𑌸𑍁𑌰𑌾𑌣𑌾𑌂 𑌵𑌰𑌂, 𑌸𑍁𑌸𑍍𑌥𑌿𑌰𑌂, 𑌸𑍁𑌂𑌦𑌰𑌾𑌂𑌗𑌂, 𑌸𑍍𑌵𑌭𑌾𑌕𑍍𑌤𑌾𑌂𑌤𑌰𑌂𑌗𑌾𑌬𑍍𑌜 𑌸𑌂𑌚𑌾𑌰𑌶𑍀𑌲𑌂, 𑌸𑍁𑌸𑍌𑌂𑌦𑌰𑍍𑌯𑌗𑌾𑌂𑌭𑍀𑌰𑍍𑌯 𑌸𑍁𑌸𑍍𑌥𑍈𑌰𑍍𑌯𑌯𑍁𑌕𑍍𑌤𑌂, 𑌦𑍍𑌵𑌿𑌷𑌡𑍍𑌬𑌾𑌹𑍁 𑌸𑌂𑌖𑍍𑌯𑌾𑌯𑍁𑌧 𑌶𑍍𑌰𑍇𑌣𑌿𑌰𑌮𑍍𑌯𑌂, 𑌮𑌹𑌾𑌂𑌤𑌂, 𑌮𑌹𑌾𑌪𑌾𑌪𑌦𑌾𑌵𑌾𑌗𑍍𑌨𑌿 𑌮𑍇𑌘𑌂, 𑌅𑌮𑍋𑌘𑌂, 𑌪𑍍𑌰𑌸𑌨𑍍𑌨𑌂, 𑌅𑌚𑌿𑌂𑌤𑍍𑌯 𑌪𑍍𑌰𑌭𑌾𑌵𑌂, 𑌸𑍁𑌪𑍂𑌜𑌾 𑌸𑍁𑌤𑍃𑌪𑍍𑌤𑌂, 𑌨𑌮𑌲𑍍𑌲𑍋𑌕 𑌕𑌲𑍍𑌪𑌂, 𑌅𑌖𑌂𑌡 𑌸𑍍𑌵𑌰𑍂𑌪𑌂, 𑌸𑍁𑌤𑍇𑌜𑍋𑌮𑌯𑌂, 𑌦𑌿𑌵𑍍𑌯𑌦𑍇𑌹𑌂, 𑌭𑌵𑌧𑍍𑌵𑌾𑌂𑌤𑌨𑌾𑌶𑌾𑌯𑌸𑍂𑌰𑍍𑌯𑌂, 𑌦𑌰𑍋𑌨𑍍𑌮𑍀𑌲𑌿𑌤𑌾𑌂𑌭𑍋𑌜𑌨𑍇𑌤𑍍𑌰𑌂, 𑌸𑍁𑌰𑌾𑌨𑍀𑌕 𑌸𑌂𑌪𑍂𑌜𑌿𑌤𑌂, 𑌲𑍋𑌕𑌶𑌸𑍍𑌤𑌂, 𑌸𑍁𑌹𑌸𑍍𑌤𑌾𑌧𑍃𑌤𑌾𑌨𑍇𑌕𑌶𑌸𑍍𑌤𑍍𑌰𑌂, 𑌨𑌿𑌰𑌾𑌲𑌂𑌬𑌮𑌾𑌭𑌾𑌸𑌮𑌾𑌤𑍍𑌰𑌂 𑌶𑌿𑌖𑌾𑌮𑌧𑍍𑌯𑌵𑌾𑌸𑌂, 𑌪𑌰𑌂 𑌧𑌾𑌮𑌮𑌾𑌦𑍍𑌯𑌂𑌤𑌹𑍀𑌨𑌂, 𑌸𑌮𑌸𑍍𑌤𑌾𑌘𑌹𑌾𑌰𑌂, 𑌸𑌦𑌾𑌨𑌂𑌦𑌦𑌂, 𑌸𑌰𑍍𑌵𑌸𑌂𑌪𑌤𑍍𑌪𑍍𑌰𑌦𑌂, 𑌸𑌰𑍍𑌵𑌰𑍋𑌗𑌾𑌪𑌹𑌂, 𑌭𑌕𑍍𑌤𑌕𑌾𑌰𑍍𑌯𑌾𑌰𑍍𑌥𑌸𑌂𑌪𑌾𑌦𑌕𑌂, 𑌶𑌕𑍍𑌤𑌿𑌹𑌸𑍍𑌤𑌂, 𑌸𑍁𑌤𑌾𑌰𑍁𑌣𑍍𑌯𑌲𑌾𑌵𑌣𑍍𑌯𑌕𑌾𑌰𑍁𑌣𑍍𑌯𑌰𑍂𑌪𑌂, 𑌸𑌹𑌸𑍍𑌰𑌾𑌰𑍍𑌕 𑌸𑌂𑌕𑌾𑌶 𑌸𑍌𑌵𑌰𑍍𑌣𑌹𑌾𑌰𑌾𑌳𑌿 𑌸𑌂𑌶𑍋𑌭𑌿𑌤𑌂, 𑌷𑌣𑍍𑌮𑍁𑌖𑌂, 𑌕𑍁𑌂𑌡𑌲𑌾𑌨𑌾𑌂 𑌵𑌿𑌰𑌾𑌜𑌤𑍍𑌸𑍁𑌕𑌾𑌂𑌤𑍍𑌯𑌂 𑌚𑌿𑌤𑍍𑌤𑍇𑌰𑍍𑌗𑌂𑌡𑌭𑌾𑌗𑍈𑌃 𑌸𑍁𑌸𑌂𑌶𑍋𑌭𑌿𑌤𑌂, 𑌭𑌕𑍍𑌤𑌪𑌾𑌲𑌂, 𑌭𑌵𑌾𑌨𑍀𑌸𑍁𑌤𑌂, 𑌦𑍇𑌵𑌮𑍀𑌶𑌂, 𑌕𑍃𑌪𑌾𑌵𑌾𑌰𑌿𑌕𑌲𑍍𑌲𑍋𑌲 𑌭𑌾𑌸𑍍𑌵𑌤𑍍𑌕𑌟𑌾𑌕𑍍𑌷𑌂, 𑌭𑌜𑍇 𑌶𑌰𑍍𑌵𑌪𑍁𑌤𑍍𑌰𑌂, 𑌭𑌜𑍇 𑌕𑌾𑌰𑍍𑌤𑌿𑌕𑍇𑌯𑌂, 𑌭𑌜𑍇 𑌪𑌾𑌰𑍍𑌵𑌤𑍇𑌯𑌂, 𑌭𑌜𑍇 𑌪𑌾𑌪𑌨𑌾𑌶𑌂, 𑌭𑌜𑍇 𑌬𑌾𑌹𑍁𑌲𑍇𑌯𑌂, 𑌭𑌜𑍇 𑌸𑌾𑌧𑍁𑌪𑌾𑌲𑌂, 𑌭𑌜𑍇 𑌸𑌰𑍍𑌪𑌰𑍂𑌪𑌂, 𑌭𑌜𑍇 𑌭𑌕𑍍𑌤𑌿𑌲𑌭𑍍𑌯𑌂, 𑌭𑌜𑍇 𑌰𑌤𑍍𑌨𑌭𑍂𑌷𑌂, 𑌭𑌜𑍇 𑌤𑌾𑌰𑌕𑌾𑌰𑌿𑌂, 𑌦𑌰𑌸𑍍𑌮𑍇𑌰𑌵𑌕𑍍𑌤𑍍𑌰𑌂, 𑌶𑌿𑌖𑌿𑌸𑍍𑌥𑌂, 𑌸𑍁𑌰𑍂𑌪𑌂, 𑌕𑌟𑌿𑌨𑍍𑌯𑌸𑍍𑌤 𑌹𑌸𑍍𑌤𑌂, 𑌕𑍁𑌮𑌾𑌰𑌂, 𑌭𑌜𑍇𑌽𑌹𑌂 𑌮𑌹𑌾𑌦𑍇𑌵, 𑌸𑌂𑌸𑌾𑌰𑌪𑌂𑌕𑌾𑌬𑍍𑌧𑌿 𑌸𑌮𑍍𑌮𑌗𑍍𑌨𑌮𑌜𑍍𑌞𑌾𑌨𑌿𑌨𑌂 𑌪𑌾𑌪𑌭𑍂𑌯𑌿𑌷𑍍𑌠𑌮𑌾𑌰𑍍𑌗𑍇 𑌚𑌰𑌂 𑌪𑌾𑌪𑌶𑍀𑌲𑌂, 𑌪𑌵𑌿𑌤𑍍𑌰𑌂 𑌕𑍁𑌰𑍁 𑌤𑍍𑌵𑌂 𑌪𑍍𑌰𑌭𑍋, 𑌤𑍍𑌵𑌤𑍍𑌕𑍃𑌪𑌾𑌵𑍀𑌕𑍍𑌷𑌣𑍈𑌰𑍍𑌮𑌾𑌂 𑌪𑍍𑌰𑌸𑍀𑌦, 𑌪𑍍𑌰𑌸𑍀𑌦 𑌪𑍍𑌰𑌪𑌨𑍍𑌨𑌾𑌰𑍍𑌤𑌿𑌹𑌾𑌰𑌾𑌯 𑌸𑌂𑌸𑌿𑌦𑍍𑌧, 𑌮𑌾𑌂 𑌪𑌾𑌹𑌿 𑌵𑌲𑍍𑌲𑍀𑌶, 𑌶𑍍𑌰𑍀𑌦𑍇𑌵𑌸𑍇𑌨𑍇𑌶, 𑌤𑍁𑌭𑍍𑌯𑌂 𑌨𑌮𑍋 𑌦𑍇𑌵, 𑌦𑍇𑌵𑍇𑌶, 𑌸𑌰𑍍𑌵𑍇𑌶, 𑌸𑌰𑍍𑌵𑌾𑌤𑍍𑌮𑌕𑌂, 𑌸𑌰𑍍𑌵𑌰𑍂𑌪𑌂, 𑌪𑌰𑌂 𑌤𑍍𑌵𑌾𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ।

𑌇𑌤𑌿 𑌶𑍍𑌰𑍀 𑌷𑌣𑍍𑌮𑍁𑌖 𑌦𑌂𑌡𑌕𑌮𑍍 ॥