𑌅𑌸𑍍𑌯 𑌶𑍍𑌰𑍀𑌸𑍁𑌬𑍍𑌰𑌹𑍍𑌮𑌣𑍍𑌯𑌕𑌵𑌚𑌸𑍍𑌤𑍋𑌤𑍍𑌰𑌮𑌹𑌾𑌮𑌂𑌤𑍍𑌰𑌸𑍍𑌯, 𑌬𑍍𑌰𑌹𑍍𑌮𑌾 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃, 𑌶𑍍𑌰𑍀𑌸𑍁𑌬𑍍𑌰𑌹𑍍𑌮𑌣𑍍𑌯𑍋 𑌦𑍇𑌵𑌤𑌾, 𑌓𑌂 𑌨𑌮 𑌇𑌤𑌿 𑌬𑍀𑌜𑌂, 𑌭𑌗𑌵𑌤 𑌇𑌤𑌿 𑌶𑌕𑍍𑌤𑌿𑌃, 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯𑍇𑌤𑌿 𑌕𑍀𑌲𑌕𑌂, 𑌶𑍍𑌰𑍀𑌸𑍁𑌬𑍍𑌰𑌹𑍍𑌮𑌣𑍍𑌯 𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌕𑌰𑌨𑍍𑌯𑌾𑌸𑌃 –
𑌓𑌂 𑌸𑌾𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍂𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍈𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍌𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑌃 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ॥
𑌅𑌂𑌗𑌨𑍍𑌯𑌾𑌸𑌃 –
𑌓𑌂 𑌸𑌾𑌂 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌸𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌸𑍂𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌸𑍈𑌂 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌸𑍌𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌸𑌃 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃 ॥

𑌧𑍍𑌯𑌾𑌨𑌮𑍍 ।
𑌸𑌿𑌂𑌦𑍂𑌰𑌾𑌰𑍁𑌣𑌮𑌿𑌂𑌦𑍁𑌕𑌾𑌂𑌤𑌿𑌵𑌦𑌨𑌂 𑌕𑍇𑌯𑍂𑌰𑌹𑌾𑌰𑌾𑌦𑌿𑌭𑌿𑌃
𑌦𑌿𑌵𑍍𑌯𑍈𑌰𑌾𑌭𑌰𑌣𑍈𑌰𑍍𑌵𑌿𑌭𑍂𑌷𑌿𑌤𑌤𑌨𑍁𑌂 𑌸𑍍𑌵𑌰𑍍𑌗𑌾𑌦𑌿𑌸𑍌𑌖𑍍𑌯𑌪𑍍𑌰𑌦𑌮𑍍 ।
𑌅𑌂𑌭𑍋𑌜𑌾𑌭𑌯𑌶𑌕𑍍𑌤𑌿𑌕𑍁𑌕𑍍𑌕𑍁𑌟𑌧𑌰𑌂 𑌰𑌕𑍍𑌤𑌾𑌂𑌗𑌰𑌾𑌗𑍋𑌜𑍍𑌜𑍍𑌵𑌲𑌂
𑌸𑍁𑌬𑍍𑌰𑌹𑍍𑌮𑌣𑍍𑌯𑌮𑍁𑌪𑌾𑌸𑍍𑌮𑌹𑍇 𑌪𑍍𑌰𑌣𑌮𑌤𑌾𑌂 𑌸𑌰𑍍𑌵𑌾𑌰𑍍𑌥𑌸𑌿𑌦𑍍𑌧𑌿𑌪𑍍𑌰𑌦𑌮𑍍 ॥ [𑌭𑍀𑌤𑌿𑌪𑍍𑌰𑌣𑌾𑌶𑍋𑌦𑍍𑌯𑌤𑌮𑍍]

𑌲𑌮𑌿𑌤𑍍𑌯𑌾𑌦𑌿 𑌪𑌂𑌚𑌪𑍂𑌜𑌾 ।
𑌓𑌂 𑌲𑌂 𑌪𑍃𑌥𑌿𑌵𑍍𑌯𑌾𑌤𑍍𑌮𑌨𑍇 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌗𑌂𑌧𑌂 𑌸𑌮𑌰𑍍𑌪𑌯𑌾𑌮𑌿 ।
𑌓𑌂 𑌹𑌂 𑌆𑌕𑌾𑌶𑌾𑌤𑍍𑌮𑌨𑍇 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌪𑍁𑌷𑍍𑌪𑌾𑌣𑌿 𑌸𑌮𑌰𑍍𑌪𑌯𑌾𑌮𑌿 ।
𑌓𑌂 𑌯𑌂 𑌵𑌾𑌯𑍍𑌵𑌾𑌤𑍍𑌮𑌨𑍇 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌧𑍂𑌪𑌮𑌾𑌘𑍍𑌰𑌾𑌪𑌯𑌾𑌮𑌿 ।
𑌓𑌂 𑌰𑌂 𑌅𑌗𑍍𑌨𑍍𑌯𑌾𑌤𑍍𑌮𑌨𑍇 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌦𑍀𑌪𑌂 𑌦𑌰𑍍𑌶𑌯𑌾𑌮𑌿 ।
𑌓𑌂 𑌵𑌂 𑌅𑌮𑍃𑌤𑌾𑌤𑍍𑌮𑌨𑍇 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌸𑍍𑌵𑌾𑌦𑌨𑍍𑌨𑌂 𑌨𑌿𑌵𑍇𑌦𑌯𑌾𑌮𑌿 ।
𑌓𑌂 𑌸𑌂 𑌸𑌰𑍍𑌵𑌾𑌤𑍍𑌮𑌨𑍇 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌸𑌰𑍍𑌵𑍋𑌪𑌚𑌾𑌰𑌾𑌨𑍍 𑌸𑌮𑌰𑍍𑌪𑌯𑌾𑌮𑌿 ।

𑌕𑌵𑌚𑌮𑍍 ।
𑌸𑍁𑌬𑍍𑌰𑌹𑍍𑌮𑌣𑍍𑌯𑍋𑌽𑌗𑍍𑌰𑌤𑌃 𑌪𑌾𑌤𑍁 𑌸𑍇𑌨𑌾𑌨𑍀𑌃 𑌪𑌾𑌤𑍁 𑌪𑍃𑌷𑍍𑌠𑌤𑌃 ।
𑌗𑍁𑌹𑍋 𑌮𑌾𑌂 𑌦𑌕𑍍𑌷𑌿𑌣𑍇 𑌪𑌾𑌤𑍁 𑌵𑌹𑍍𑌨𑌿𑌜𑌃 𑌪𑌾𑌤𑍁 𑌵𑌾𑌮𑌤𑌃 ॥ 1 ॥

𑌶𑌿𑌰𑌃 𑌪𑌾𑌤𑍁 𑌮𑌹𑌾𑌸𑍇𑌨𑌃 𑌸𑍍𑌕𑌂𑌦𑍋 𑌰𑌕𑍍𑌷𑍇𑌲𑍍𑌲𑌲𑌾𑌟𑌕𑌮𑍍 ।
𑌨𑍇𑌤𑍍𑌰𑍇 𑌮𑍇 𑌦𑍍𑌵𑌾𑌦𑌶𑌾𑌕𑍍𑌷𑌶𑍍𑌚 𑌶𑍍𑌰𑍋𑌤𑍍𑌰𑍇 𑌰𑌕𑍍𑌷𑌤𑍁 𑌵𑌿𑌶𑍍𑌵𑌭𑍃𑌤𑍍 ॥ 2 ॥

𑌮𑍁𑌖𑌂 𑌮𑍇 𑌷𑌣𑍍𑌮𑍁𑌖𑌃 𑌪𑌾𑌤𑍁 𑌨𑌾𑌸𑌿𑌕𑌾𑌂 𑌶𑌂𑌕𑌰𑌾𑌤𑍍𑌮𑌜𑌃 ।
𑌓𑌷𑍍𑌠𑍌 𑌵𑌲𑍍𑌲𑍀𑌪𑌤𑌿𑌃 𑌪𑌾𑌤𑍁 𑌜𑌿𑌹𑍍𑌵𑌾𑌂 𑌪𑌾𑌤𑍁 𑌷𑌡𑌾𑌨𑌨𑌃 ॥ 3 ॥

𑌦𑍇𑌵𑌸𑍇𑌨𑌾𑌪𑌤𑌿𑌰𑍍𑌦𑌂𑌤𑌾𑌨𑍍 𑌚𑌿𑌬𑍁𑌕𑌂 𑌬𑌹𑍁𑌲𑍋𑌦𑍍𑌭𑌵𑌃 ।
𑌕𑌂𑌠𑌂 𑌤𑌾𑌰𑌕𑌜𑌿𑌤𑍍𑌪𑌾𑌤𑍁 𑌬𑌾𑌹𑍂 𑌦𑍍𑌵𑌾𑌦𑌶𑌬𑌾𑌹𑍁𑌕𑌃 ॥ 4 ॥

𑌹𑌸𑍍𑌤𑍌 𑌶𑌕𑍍𑌤𑌿𑌧𑌰𑌃 𑌪𑌾𑌤𑍁 𑌵𑌕𑍍𑌷𑌃 𑌪𑌾𑌤𑍁 𑌶𑌰𑍋𑌦𑍍𑌭𑌵𑌃 ।
𑌹𑍃𑌦𑌯𑌂 𑌵𑌹𑍍𑌨𑌿𑌭𑍂𑌃 𑌪𑌾𑌤𑍁 𑌕𑍁𑌕𑍍𑌷𑌿𑌂 𑌪𑌾𑌤𑍍𑌵𑌂𑌬𑌿𑌕𑌾𑌸𑍁𑌤𑌃 ॥ 5 ॥

𑌨𑌾𑌭𑌿𑌂 𑌶𑌂𑌭𑍁𑌸𑍁𑌤𑌃 𑌪𑌾𑌤𑍁 𑌕𑌟𑌿𑌂 𑌪𑌾𑌤𑍁 𑌹𑌰𑌾𑌤𑍍𑌮𑌜𑌃 ।
𑌊𑌰𑍂 𑌪𑌾𑌤𑍁 𑌗𑌜𑌾𑌰𑍂𑌢𑍋 𑌜𑌾𑌨𑍂 𑌮𑍇 𑌜𑌾𑌹𑍍𑌨𑌵𑍀𑌸𑍁𑌤𑌃 ॥ 6 ॥

𑌜𑌂𑌘𑍇 𑌵𑌿𑌶𑌾𑌖𑍋 𑌮𑍇 𑌪𑌾𑌤𑍁 𑌪𑌾𑌦𑍌 𑌮𑍇 𑌶𑌿𑌖𑌿𑌵𑌾𑌹𑌨𑌃 ।
𑌸𑌰𑍍𑌵𑌾𑌣𑍍𑌯𑌂𑌗𑌾𑌨𑌿 𑌭𑍂𑌤𑍇𑌶𑌃 𑌸𑌰𑍍𑌵𑌧𑌾𑌤𑍂𑌂𑌶𑍍𑌚 𑌪𑌾𑌵𑌕𑌿𑌃 ॥ 𑍭 ॥

𑌸𑌂𑌧𑍍𑌯𑌾𑌕𑌾𑌲𑍇 𑌨𑌿𑌶𑍀𑌥𑌿𑌨𑍍𑌯𑌾𑌂 𑌦𑌿𑌵𑌾 𑌪𑍍𑌰𑌾𑌤𑌰𑍍𑌜𑌲𑍇𑌽𑌗𑍍𑌨𑌿𑌷𑍁 ।
𑌦𑍁𑌰𑍍𑌗𑌮𑍇 𑌚 𑌮𑌹𑌾𑌰𑌣𑍍𑌯𑍇 𑌰𑌾𑌜𑌦𑍍𑌵𑌾𑌰𑍇 𑌮𑌹𑌾𑌭𑌯𑍇 ॥ 𑍮 ॥

𑌤𑍁𑌮𑍁𑌲𑍇 𑌰𑌣𑍍𑌯𑌮𑌧𑍍𑌯𑍇 𑌚 𑌸𑌰𑍍𑌵𑌦𑍁𑌷𑍍𑌟𑌮𑍃𑌗𑌾𑌦𑌿𑌷𑍁 ।
𑌚𑍋𑌰𑌾𑌦𑌿𑌸𑌾𑌧𑍍𑌵𑌸𑍇𑌽𑌭𑍇𑌦𑍍𑌯𑍇 𑌜𑍍𑌵𑌰𑌾𑌦𑌿𑌵𑍍𑌯𑌾𑌧𑌿𑌪𑍀𑌡𑌨𑍇 ॥ 𑍯 ॥

𑌦𑍁𑌷𑍍𑌟𑌗𑍍𑌰𑌹𑌾𑌦𑌿𑌭𑍀𑌤𑍌 𑌚 𑌦𑍁𑌰𑍍𑌨𑌿𑌮𑌿𑌤𑍍𑌤𑌾𑌦𑌿𑌭𑍀𑌷𑌣𑍇 ।
𑌅𑌸𑍍𑌤𑍍𑌰𑌶𑌸𑍍𑌤𑍍𑌰𑌨𑌿𑌪𑌾𑌤𑍇 𑌚 𑌪𑌾𑌤𑍁 𑌮𑌾𑌂 𑌕𑍍𑌰𑍌𑌂𑌚𑌰𑌂𑌧𑍍𑌰𑌕𑍃𑌤𑍍 ॥ 10 ॥

𑌯𑌃 𑌸𑍁𑌬𑍍𑌰𑌹𑍍𑌮𑌣𑍍𑌯𑌕𑌵𑌚𑌂 𑌇𑌷𑍍𑌟𑌸𑌿𑌦𑍍𑌧𑌿𑌪𑍍𑌰𑌦𑌂 𑌪𑌠𑍇𑌤𑍍 ।
𑌤𑌸𑍍𑌯 𑌤𑌾𑌪𑌤𑍍𑌰𑌯𑌂 𑌨𑌾𑌸𑍍𑌤𑌿 𑌸𑌤𑍍𑌯𑌂 𑌸𑌤𑍍𑌯𑌂 𑌵𑌦𑌾𑌮𑍍𑌯𑌹𑌮𑍍 ॥ 11 ॥

𑌧𑌰𑍍𑌮𑌾𑌰𑍍𑌥𑍀 𑌲𑌭𑌤𑍇 𑌧𑌰𑍍𑌮𑌮𑌰𑍍𑌥𑌾𑌰𑍍𑌥𑍀 𑌚𑌾𑌰𑍍𑌥𑌮𑌾𑌪𑍍𑌨𑍁𑌯𑌾𑌤𑍍 ।
𑌕𑌾𑌮𑌾𑌰𑍍𑌥𑍀 𑌲𑌭𑌤𑍇 𑌕𑌾𑌮𑌂 𑌮𑍋𑌕𑍍𑌷𑌾𑌰𑍍𑌥𑍀 𑌮𑍋𑌕𑍍𑌷𑌮𑌾𑌪𑍍𑌨𑍁𑌯𑌾𑌤𑍍 ॥ 12 ॥

𑌯𑌤𑍍𑌰 𑌯𑌤𑍍𑌰 𑌜𑌪𑍇𑌦𑍍𑌭𑌕𑍍𑌤𑍍𑌯𑌾 𑌤𑌤𑍍𑌰 𑌸𑌨𑍍𑌨𑌿𑌹𑌿𑌤𑍋 𑌗𑍁𑌹𑌃 ।
𑌪𑍂𑌜𑌾𑌪𑍍𑌰𑌤𑌿𑌷𑍍𑌠𑌾𑌕𑌾𑌲𑍇 𑌚 𑌜𑌪𑌕𑌾𑌲𑍇 𑌪𑌠𑍇𑌦𑌿𑌦𑌮𑍍 ॥ 13 ॥

𑌤𑍇𑌷𑌾𑌮𑍇𑌵 𑌫𑌲𑌾𑌵𑌾𑌪𑍍𑌤𑌿𑌃 𑌮𑌹𑌾𑌪𑌾𑌤𑌕𑌨𑌾𑌶𑌨𑌮𑍍 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌭𑌕𑍍𑌤𑍍𑌯𑌾 𑌨𑌿𑌤𑍍𑌯𑌂 𑌦𑍇𑌵𑌸𑍍𑌯 𑌸𑌨𑍍𑌨𑌿𑌧𑍌 ।
𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌿𑌹 𑌪𑍍𑌰𑌾𑌪𑍍𑌯 𑌸𑍋𑌽𑌂𑌤𑍇 𑌸𑍍𑌕𑌂𑌦𑌪𑍁𑌰𑌂 𑌵𑍍𑌰𑌜𑍇𑌤𑍍 ॥ 14 ॥

𑌉𑌤𑍍𑌤𑌰𑌨𑍍𑌯𑌾𑌸𑌃 ॥
𑌕𑌰𑌨𑍍𑌯𑌾𑌸𑌃 –
𑌓𑌂 𑌸𑌾𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍂𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍈𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑍌𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑌃 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ॥
𑌅𑌂𑌗𑌨𑍍𑌯𑌾𑌸𑌃 –
𑌓𑌂 𑌸𑌾𑌂 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌸𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌸𑍂𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌸𑍈𑌂 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌸𑍌𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌸𑌃 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌵𑌿𑌮𑍋𑌕𑌃 ॥

𑌇𑌤𑌿 𑌶𑍍𑌰𑍀 𑌸𑍁𑌬𑍍𑌰𑌹𑍍𑌮𑌣𑍍𑌯 𑌕𑌵𑌚 𑌸𑍍𑌤𑍋𑌤𑍍𑌰𑌮𑍍 ।