𑌗𑌿𑌰𑌿𑌤𑌨𑌯𑌾𑌸𑍁𑌤 𑌗𑌾𑌂𑌗𑌪𑌯𑍋𑌦𑌿𑌤 𑌗𑌂𑌧𑌸𑍁𑌵𑌾𑌸𑌿𑌤 𑌬𑌾𑌲𑌤𑌨𑍋
𑌗𑍁𑌣𑌗𑌣𑌭𑍂𑌷𑌣 𑌕𑍋𑌮𑌲𑌭𑌾𑌷𑌣 𑌕𑍍𑌰𑍌𑌂𑌚𑌵𑌿𑌦𑌾𑌰𑌣 𑌕𑍁𑌂𑌦𑌤𑌨𑍋 ।
𑌗𑌜𑌮𑍁𑌖𑌸𑍋𑌦𑌰 𑌦𑍁𑌰𑍍𑌜𑌯𑌦𑌾𑌨𑌵𑌸𑌂𑌘𑌵𑌿𑌨𑌾𑌶𑌕 𑌦𑌿𑌵𑍍𑌯𑌤𑌨𑍋
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 1 ॥

𑌪𑍍𑌰𑌤𑌿𑌗𑌿𑌰𑌿𑌸𑌂𑌸𑍍𑌥𑌿𑌤 𑌭𑌕𑍍𑌤𑌹𑍃𑌦𑌿𑌸𑍍𑌥𑌿𑌤 𑌪𑍁𑌤𑍍𑌰𑌧𑌨𑌪𑍍𑌰𑌦 𑌰𑌮𑍍𑌯𑌤𑌨𑍋
𑌭𑌵𑌭𑌯𑌮𑍋𑌚𑌕 𑌭𑌾𑌗𑍍𑌯𑌵𑌿𑌧𑌾𑌯𑌕 𑌭𑍂𑌸𑍁𑌤𑌵𑌾𑌰 𑌸𑍁𑌪𑍂𑌜𑍍𑌯𑌤𑌨𑍋 ।
𑌬𑌹𑍁𑌭𑍁𑌜𑌶𑍋𑌭𑌿𑌤 𑌬𑌂𑌧𑌵𑌿𑌮𑍋𑌚𑌕 𑌬𑍋𑌧𑌫𑌲𑌪𑍍𑌰𑌦 𑌬𑍋𑌧𑌤𑌨𑍋
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 2 ॥

𑌶𑌮𑌧𑌨𑌮𑌾𑌨𑌿𑌤 𑌮𑍌𑌨𑌿𑌹𑍃𑌦𑌾𑌲𑌯 𑌮𑍋𑌕𑍍𑌷𑌕𑍃𑌦𑌾𑌲𑌯 𑌮𑍁𑌗𑍍𑌧𑌤𑌨𑍋
𑌶𑌤𑌮𑌖𑌪𑌾𑌲𑌕 𑌶𑌂𑌕𑌰𑌤𑍋𑌷𑌕 𑌶𑌂𑌖𑌸𑍁𑌵𑌾𑌦𑌕 𑌶𑌕𑍍𑌤𑌿𑌤𑌨𑍋 ।
𑌦𑌶𑌶𑌤𑌮𑌨𑍍𑌮𑌥 𑌸𑌨𑍍𑌨𑌿𑌭𑌸𑍁𑌂𑌦𑌰 𑌕𑍁𑌂𑌡𑌲𑌮𑌂𑌡𑌿𑌤 𑌕𑌰𑍍𑌣𑌵𑌿𑌭𑍋
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 3 ॥

𑌗𑍁𑌹 𑌤𑌰𑍁𑌣𑌾𑌰𑍁𑌣𑌚𑍇𑌲𑌪𑌰𑌿𑌷𑍍𑌕𑍃𑌤 𑌤𑌾𑌰𑌕𑌮𑌾𑌰𑌕 𑌮𑌾𑌰𑌤𑌨𑍋
𑌜𑌲𑌨𑌿𑌧𑌿𑌤𑍀𑌰𑌸𑍁𑌶𑍋𑌭𑌿𑌵𑌰𑌾𑌲𑌯 𑌶𑌂𑌕𑌰𑌸𑌨𑍍𑌨𑍁𑌤 𑌦𑍇𑌵𑌗𑍁𑌰𑍋 ।
𑌵𑌿𑌹𑌿𑌤𑌮𑌹𑌾𑌧𑍍𑌵𑌰𑌸𑌾𑌮𑌨𑌿𑌮𑌂𑌤𑍍𑌰𑌿𑌤 𑌸𑍌𑌮𑍍𑌯𑌹𑍃𑌦𑌂𑌤𑌰 𑌸𑍋𑌮𑌤𑌨𑍋
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 4 ॥

𑌲𑌵𑌲𑌿𑌕𑌯𑌾 𑌸𑌹 𑌕𑍇𑌲𑌿𑌕𑌲𑌾𑌪𑌰 𑌦𑍇𑌵𑌸𑍁𑌤𑌾𑌰𑍍𑌪𑌿𑌤 𑌮𑌾𑌲𑍍𑌯𑌤𑌨𑍋
𑌗𑍁𑌰𑍁𑌪𑌦𑌸𑌂𑌸𑍍𑌥𑌿𑌤 𑌶𑌂𑌕𑌰𑌦𑌰𑍍𑌶𑌿𑌤 𑌤𑌤𑍍𑌤𑍍𑌵𑌮𑌯𑌪𑍍𑌰𑌣𑌵𑌾𑌰𑍍𑌥𑌵𑌿𑌭𑍋 ।
𑌵𑌿𑌧𑌿𑌹𑌰𑌿𑌪𑍂𑌜𑌿𑌤 𑌬𑍍𑌰𑌹𑍍𑌮𑌸𑍁𑌤𑌾𑌰𑍍𑌪𑌿𑌤 𑌭𑌾𑌗𑍍𑌯𑌸𑍁𑌪𑍂𑌰𑌕 𑌯𑍋𑌗𑌿𑌤𑌨𑍋
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 5 ॥

𑌕𑌲𑌿𑌜𑌨𑌪𑌾𑌲𑌨 𑌕𑌂𑌜𑌸𑍁𑌲𑍋𑌚𑌨 𑌕𑍁𑌕𑍍𑌕𑍁𑌟𑌕𑍇𑌤𑌨 𑌕𑍇𑌲𑌿𑌤𑌨𑍋
𑌕𑍃𑌤𑌬𑌲𑌿𑌪𑌾𑌲𑌨 𑌬𑌰𑍍𑌹𑌿𑌣𑌵𑌾𑌹𑌨 𑌫𑌾𑌲𑌵𑌿𑌲𑍋𑌚𑌨𑌶𑌂𑌭𑍁𑌤𑌨𑍋 ।
𑌶𑌰𑌵𑌣𑌸𑌂𑌭𑌵 𑌶𑌤𑍍𑌰𑍁𑌨𑌿𑌬𑌰𑍍𑌹𑌣 𑌚𑌂𑌦𑍍𑌰𑌸𑌮𑌾𑌨𑌨 𑌶𑌰𑍍𑌮𑌤𑌨𑍋
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 6 ॥

𑌸𑍁𑌖𑌦𑌮𑌨𑌂𑌤𑌪𑌦𑌾𑌨𑍍𑌵𑌿𑌤 𑌰𑌾𑌮𑌸𑍁𑌦𑍀𑌕𑍍𑌷𑌿𑌤 𑌸𑌤𑍍𑌕𑌵𑌿𑌪𑌦𑍍𑌯𑌮𑌿𑌦𑌂
𑌶𑌰𑌵𑌣 𑌸𑌂𑌭𑌵 𑌤𑍋𑌷𑌦𑌮𑌿𑌷𑍍𑌟𑌦𑌮𑌷𑍍𑌟𑌸𑍁𑌸𑌿𑌦𑍍𑌧𑌿𑌦𑌮𑌾𑌰𑍍𑌤𑌿𑌹𑌰𑌮𑍍 ।
𑌪𑌠𑌤𑌿 𑌶𑍃𑌣𑍋𑌤𑌿 𑌚 𑌭𑌕𑍍𑌤𑌿𑌯𑍁𑌤𑍋 𑌯𑌦𑌿 𑌭𑌾𑌗𑍍𑌯𑌸𑌮𑍃𑌦𑍍𑌧𑌿𑌮𑌥𑍋 𑌲𑌭𑌤𑍇
𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌂𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 𑍭 ॥

𑌇𑌤𑌿 𑌶𑍍𑌰𑍀𑌅𑌨𑌂𑌤𑌰𑌾𑌮𑌦𑍀𑌕𑍍𑌷𑌿𑌤 𑌕𑍃𑌤𑌂 𑌷𑌣𑍍𑌮𑍁𑌖 𑌷𑌟𑍍𑌕𑌮𑍍 ॥