𑌸𑍍𑌫𑍁𑌰𑌦𑍍𑌵𑌿𑌦𑍍𑌯𑍁𑌦𑍍𑌵𑌲𑍍𑌲𑍀𑌵𑌲𑌯𑌿𑌤𑌮𑌗𑍋𑌤𑍍𑌸𑌂𑌗𑌵𑌸𑌤𑌿𑌂
𑌭𑌵𑌾𑌪𑍍𑌪𑌿𑌤𑍍𑌤𑌪𑍍𑌲𑍁𑌷𑍍𑌟𑌾𑌨𑌮𑌿𑌤𑌕𑌰𑍁𑌣𑌾𑌜𑍀𑌵𑌨𑌵𑌶𑌾𑌤𑍍 ।
𑌅𑌵𑌂𑌤𑌂 𑌭𑌕𑍍𑌤𑌾𑌨𑌾𑌮𑍁𑌦𑌯𑌕𑌰𑌮𑌂𑌭𑍋𑌧𑌰 𑌇𑌤𑌿
𑌪𑍍𑌰𑌮𑍋𑌦𑌾𑌦𑌾𑌵𑌾𑌸𑌂 𑌵𑍍𑌯𑌤𑌨𑍁𑌤 𑌮𑌯𑍂𑌰𑍋𑌽𑌸𑍍𑌯 𑌸𑌵𑌿𑌧𑍇 ॥ 1 ॥

𑌸𑍁𑌬𑍍𑌰𑌹𑍍𑌮𑌣𑍍𑌯𑍋 𑌯𑍋 𑌭𑌵𑍇𑌜𑍍𑌜𑍍𑌞𑌾𑌨𑌶𑌕𑍍𑌤𑍍𑌯𑌾
𑌸𑌿𑌦𑍍𑌧𑌂 𑌤𑌸𑍍𑌮𑌿𑌂𑌦𑍇𑌵𑌸𑍇𑌨𑌾𑌪𑌤𑌿𑌤𑍍𑌵𑌮𑍍 ।
𑌇𑌤𑍍𑌥𑌂 𑌶𑌕𑍍𑌤𑌿𑌂 𑌦𑍇𑌵𑌸𑍇𑌨𑌾𑌪𑌤𑌿𑌤𑍍𑌵𑌂
𑌸𑍁𑌬𑍍𑌰𑌹𑍍𑌮𑌣𑍍𑌯𑍋 𑌬𑌿𑌭𑍍𑌰𑌦𑍇𑌷 𑌵𑍍𑌯𑌨𑌕𑍍𑌤𑌿 ॥ 2 ॥

𑌪𑌕𑍍𑌷𑍋𑌽𑌨𑌿𑌰𑍍𑌵𑌚𑌨𑍀𑌯𑍋 𑌦𑌕𑍍𑌷𑌿𑌣 𑌇𑌤𑌿 𑌧𑌿𑌯𑌮𑌶𑍇𑌷𑌜𑌨𑌤𑌾𑌯𑌾𑌃 ।
𑌜𑌨𑌯𑌤𑌿 𑌬𑌰𑍍𑌹𑍀 𑌦𑌕𑍍𑌷𑌿𑌣𑌨𑌿𑌰𑍍𑌵𑌚𑌨𑌾𑌯𑍋𑌗𑍍𑌯𑌪𑌕𑍍𑌷𑌯𑍁𑌕𑍍𑌤𑍋𑌽𑌯𑌮𑍍 ॥ 3 ॥

𑌯𑌃 𑌪𑌕𑍍𑌷𑌮𑌨𑌿𑌰𑍍𑌵𑌚𑌨𑌂 𑌯𑌾𑌤𑌿 𑌸𑌮𑌵𑌲𑌂𑌬𑍍𑌯 𑌦𑍃𑌶𑍍𑌯𑌤𑍇 𑌤𑍇𑌨 ।
𑌬𑍍𑌰𑌹𑍍𑌮 𑌪𑌰𑌾𑌤𑍍𑌪𑌰𑌮𑌮𑌲𑌂 𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌭𑌿𑌧𑌂 𑌪𑌰𑌂 𑌜𑍍𑌯𑍋𑌤𑌿𑌃 ॥ 4 ॥

𑌷𑌣𑍍𑌮𑍁𑌖𑌂 𑌹𑌸𑌨𑍍𑌮𑍁𑌖𑌂 𑌸𑍁𑌖𑌾𑌂𑌬𑍁𑌰𑌾𑌶𑌿𑌖𑍇𑌲𑌨𑌂
𑌸𑌨𑍍𑌮𑍁𑌨𑍀𑌂𑌦𑍍𑌰𑌸𑍇𑌵𑍍𑌯𑌮𑌾𑌨𑌪𑌾𑌦𑌪𑌂𑌕𑌜𑌂 𑌸𑌦𑌾 ।
𑌮𑌨𑍍𑌮𑌥𑌾𑌦𑌿𑌶𑌤𑍍𑌰𑍁𑌵𑌰𑍍𑌗𑌨𑌾𑌶𑌕𑌂 𑌕𑍃𑌪𑌾𑌂𑌬𑍁𑌧𑌿𑌂
𑌮𑌨𑍍𑌮𑌹𑍇 𑌮𑍁𑌦𑌾 𑌹𑍃𑌦𑌿 𑌪𑍍𑌰𑌪𑌨𑍍𑌨𑌕𑌲𑍍𑌪𑌭𑍂𑌰𑍁𑌹𑌮𑍍 ॥ 5 ॥

𑌇𑌤𑌿 𑌜𑌗𑌦𑍍𑌗𑍁𑌰𑍁 𑌶𑍃𑌂𑌗𑍇𑌰𑍀𑌪𑍀𑌠𑌾𑌧𑌿𑌪 𑌶𑍍𑌰𑍀𑌚𑌂𑌦𑍍𑌰𑌶𑍇𑌖𑌰𑌭𑌾𑌰𑌤𑍀 𑌶𑍍𑌰𑍀𑌪𑌾𑌦𑍈𑌃 𑌵𑌿𑌰𑌚𑌿𑌤𑌾 𑌶𑍍𑌰𑍀𑌷𑌣𑍍𑌮𑍁𑌖𑌪𑌂𑌚𑌰𑌤𑍍𑌨𑌸𑍍𑌤𑍁𑌤𑌿𑌃 ।