𑌹𑍇 𑌸𑍍𑌵𑌾𑌮𑌿𑌨𑌾𑌥𑌾𑌰𑍍𑌤𑌬𑌂𑌧𑍋 ।
𑌭𑌸𑍍𑌮𑌲𑌿𑌪𑍍𑌤𑌾𑌂𑌗 𑌗𑌾𑌂𑌗𑍇𑌯 𑌕𑌾𑌰𑍁𑌣𑍍𑌯𑌸𑌿𑌂𑌧𑍋 ॥

𑌰𑍁𑌦𑍍𑌰𑌾𑌕𑍍𑌷𑌧𑌾𑌰𑌿𑌨𑍍𑌨𑌮𑌸𑍍𑌤𑍇
𑌰𑍌𑌦𑍍𑌰𑌰𑍋𑌗𑌂 𑌹𑌰 𑌤𑍍𑌵𑌂 𑌪𑍁𑌰𑌾𑌰𑍇𑌰𑍍𑌗𑍁𑌰𑍋𑌰𑍍𑌮𑍇 ।
𑌰𑌾𑌕𑍇𑌂𑌦𑍁𑌵𑌕𑍍𑌤𑍍𑌰𑌂 𑌭𑌵𑌂𑌤𑌂
𑌮𑌾𑌰𑌰𑍂𑌪𑌂 𑌕𑍁𑌮𑌾𑌰𑌂 𑌭𑌜𑍇 𑌕𑌾𑌮𑌪𑍂𑌰𑌮𑍍 ॥ 1 ॥

𑌮𑌾𑌂 𑌪𑌾𑌹𑌿 𑌰𑍋𑌗𑌾𑌦𑌘𑍋𑌰𑌾𑌤𑍍
𑌮𑌂𑌗𑌳𑌾𑌪𑌾𑌂𑌗𑌪𑌾𑌤𑍇𑌨 𑌭𑌂𑌗𑌾𑌤𑍍𑌸𑍍𑌵𑌰𑌾𑌣𑌾𑌮𑍍 ।
𑌕𑌾𑌲𑌾𑌚𑍍𑌚 𑌦𑍁𑌷𑍍𑌪𑌾𑌕𑌕𑍂𑌲𑌾𑌤𑍍
𑌕𑌾𑌲𑌕𑌾𑌲𑌸𑍍𑌯𑌸𑍂𑌨𑍁𑌂 𑌭𑌜𑍇 𑌕𑍍𑌰𑌾𑌂𑌤𑌸𑌾𑌨𑍁𑌮𑍍 ॥ 2 ॥

𑌬𑍍𑌰𑌹𑍍𑌮𑌾𑌦𑌯𑍋 𑌯𑌸𑍍𑌯 𑌶𑌿𑌷𑍍𑌯𑌾𑌃
𑌬𑍍𑌰𑌹𑍍𑌮𑌪𑍁𑌤𑍍𑌰𑌾 𑌗𑌿𑌰𑍌 𑌯𑌸𑍍𑌯 𑌸𑍋𑌪𑌾𑌨𑌭𑍂𑌤𑌾𑌃 ।
𑌸𑍈𑌨𑍍𑌯𑌂 𑌸𑍁𑌰𑌾𑌶𑍍𑌚𑌾𑌪𑌿 𑌸𑌰𑍍𑌵𑍇
𑌸𑌾𑌮𑌵𑍇𑌦𑌾𑌦𑌿𑌗𑍇𑌯𑌂 𑌭𑌜𑍇 𑌕𑌾𑌰𑍍𑌤𑌿𑌕𑍇𑌯𑌮𑍍 ॥ 3 ॥

𑌕𑌾𑌷𑌾𑌯 𑌸𑌂𑌵𑍀𑌤 𑌗𑌾𑌤𑍍𑌰𑌂
𑌕𑌾𑌮𑌰𑍋𑌗𑌾𑌦𑌿 𑌸𑌂𑌹𑌾𑌰𑌿 𑌭𑌿𑌕𑍍𑌷𑌾𑌨𑍍𑌨 𑌪𑌾𑌤𑍍𑌰𑌮𑍍 ।
𑌕𑌾𑌰𑍁𑌣𑍍𑌯 𑌸𑌂𑌪𑍂𑌰𑍍𑌣 𑌨𑍇𑌤𑍍𑌰𑌂
𑌶𑌕𑍍𑌤𑌿𑌹𑌸𑍍𑌤𑌂 𑌪𑌵𑌿𑌤𑍍𑌰𑌂 𑌭𑌜𑍇 𑌶𑌂𑌭𑍁𑌪𑍁𑌤𑍍𑌰𑌮𑍍 ॥ 4 ॥

𑌶𑍍𑌰𑍀𑌸𑍍𑌵𑌾𑌮𑌿 𑌶𑍈𑌲𑍇 𑌵𑌸𑌂𑌤𑌂
𑌸𑌾𑌧𑍁𑌸𑌂𑌘𑌸𑍍𑌯 𑌰𑍋𑌗𑌾𑌨𑍍 𑌸𑌦𑌾 𑌸𑌂𑌹𑌰𑌂𑌤𑌮𑍍 ।
𑌓𑌂𑌕𑌾𑌰𑌤𑌤𑍍𑌤𑍍𑌵𑌂 𑌵𑌦𑌂𑌤𑌂
𑌶𑌂𑌭𑍁𑌕𑌰𑍍𑌣𑍇 𑌹𑌸𑌂𑌤𑌂 𑌭𑌜𑍇𑌽𑌹𑌂 𑌶𑌿𑌶𑍁𑌂 𑌤𑌮𑍍 ॥ 5 ॥

𑌸𑍍𑌤𑍋𑌤𑍍𑌰𑌂 𑌕𑍃𑌤𑌂 𑌚𑌿𑌤𑍍𑌰𑌚𑌿𑌤𑍍𑌰𑌂
𑌦𑍀𑌕𑍍𑌷𑌿𑌤𑌾𑌨𑌂𑌤𑌰𑌾𑌮𑍇𑌣 𑌸𑌰𑍍𑌵𑌾𑌰𑍍𑌥𑌸𑌿𑌦𑍍𑌧𑍍𑌯𑍈 ।
𑌭𑌕𑍍𑌤𑍍𑌯𑌾 𑌪𑌠𑍇𑌦𑍍𑌯𑌃 𑌪𑍍𑌰𑌭𑌾𑌤𑍇
𑌦𑍇𑌵𑌦𑍇𑌵𑌪𑍍𑌰𑌸𑌾𑌦𑌾𑌤𑍍 𑌲𑌭𑍇𑌤𑌾𑌷𑍍𑌟𑌸𑌿𑌦𑍍𑌧𑌿𑌮𑍍 ॥ 6 ॥

𑌇𑌤𑌿 𑌶𑍍𑌰𑍀𑌅𑌨𑌂𑌤𑌰𑌾𑌮𑌦𑍀𑌕𑍍𑌷𑌿𑌤𑌰𑍍 𑌕𑍃𑌤𑌂 𑌶𑍍𑌰𑍀 𑌸𑍍𑌵𑌾𑌮𑌿𑌨𑌾𑌥 𑌪𑌂𑌚𑌕𑌮𑍍 ।