ದೇವವಾಣೀಂ ವೇದವಾಣೀಂ ಮಾತರಂ ವಂದಾಮಹೇ ।
ಚಿರನವೀನಾ ಚಿರಪುರಾಣೀಂ ಸಾದರಂ ವಂದಾಮಹೇ ॥ ಧ್ರು॥

ದಿವ್ಯಸಂಸ್ಕೃತಿರಕ್ಷಣಾಯ ತತ್ಪರಾ ಭುವನೇ ಭ್ರಮಂತಃ ।
ಲೋಕಜಾಗರಣಾಯ ಸಿದ್ಧಾಃ ಸಂಘಟನಮಂತ್ರಂ ಜಪಂತಃ ।
ಕೃತಿಪರಾ ಲಕ್ಷ್ಯೈಕನಿಷ್ಠಾ ಭಾರತಂ ಸೇವಾಮಹೇ ॥ 1॥

ಭೇದಭಾವನಿವಾರಣಾಯ ಬಂಧುತಾಮನುಭಾವಯೇಮ ।
ಕರ್ಮಣಾ ಮನಸಾ ಚ ವಚಸಾ ಮಾತೃವಂದನಮಾಚರೇಮ ।
ಕೀರ್ತಿಧನಪದಕಾಮನಾಭಿರ್ವಿರಹಿತಾ ಮೋದಾಮಹೇ ॥ 2॥

ಸಂಸ್ಕೃತೇರ್ವಿಮುಖಂ ಸಮಾಜಂ ಜೀವನೇನ ಶಿಕ್ಷಯೇಮ ।
ಮಾನುಕೂಲಾದರ್ಶಂ ವಯಂ ವೈ ಪಾಲಯಿತ್ವಾ ದರ್ಶಯೇಮ ।
ಜೀವನಂ ಸಂಸ್ಕೃತ ಹಿತಾರ್ಥಂ ಹ್ಯರ್ಪಿತಂ ಮನ್ಯಾಮಹೇ ॥ 3॥

ವಯಮಸಾಧ್ಯಂ ಲಕ್ಷ್ಯಮೇತತ್ ಸಂಸ್ಕೃತೇನ ಸಾಧಯಂತಃ ।
ತ್ಯಾಗಧೈರ್ಯಸಮರ್ಪಣೇನ ನವಲಮಿತಿಹಾಸಂ ಲಿಖಂತಃ ।
ಜನ್ಮಭೂಮಿಸಮರ್ಚನೇನ ಸರ್ವತಃ ಸ್ಪಂದಾಮಹೇ ॥ 4॥

ಭಾರತಾಃ ಸೋದರಾಃ ಸ್ಮೋ ಭಾವನೇಯಂ ಹೃದಿ ನಿಧಾಯ ।
ವಯಂ ಸಂಸ್ಕೃತಸೈನಿಕಾಃ ಸಜ್ಜೀತಾ ನೈಜಂ ವಿಹಾಯ ।
ಪರಮವೈಭವಸಾಧನಾಯಾ ವರಮಹೋ ಯಾಚಾಮಹೇ ॥ 5॥

ದೇವವಾಣೀಂ ವೇದವಾಣೀಂ ಮಾತರಂ ವಂದಾಮಹೇ
ಚಿರನವೀನಾಂ ಚಿರಪುರಾಣೀಂ ಸಾದರಂ ವಂದಾಮಹೇ ॥