ದೇವವಾಣೀಂ ವೇದವಾಣೀಂ ಮಾತರಂ ವನ್ದಾಮಹೇ ।
ಚಿರನವೀನಾ ಚಿರಪುರಾಣೀಂ ಸಾದರಂ ವನ್ದಾಮಹೇ ॥ ಧ್ರು॥

ದಿವ್ಯಸಂಸ್ಕೃತಿರಕ್ಷಣಾಯ ತತ್ಪರಾ ಭುವನೇ ಭ್ರಮನ್ತಃ ।
ಲೋಕಜಾಗರಣಾಯ ಸಿದ್ಧಾಃ ಸಙ್ಘಟನಮನ್ತ್ರಂ ಜಪನ್ತಃ ।
ಕೃತಿಪರಾ ಲಕ್ಷ್ಯೈಕನಿಷ್ಠಾ ಭಾರತಂ ಸೇವಾಮಹೇ ॥ 1॥

ಭೇದಭಾವನಿವಾರಣಾಯ ಬನ್ಧುತಾಮನುಭಾವಯೇಮ ।
ಕರ್ಮಣಾ ಮನಸಾ ಚ ವಚಸಾ ಮಾತೃವನ್ದನಮಾಚರೇಮ ।
ಕೀರ್ತಿಧನಪದಕಾಮನಾಭಿರ್ವಿರಹಿತಾ ಮೋದಾಮಹೇ ॥ 2॥

ಸಂಸ್ಕೃತೇರ್ವಿಮುಖಂ ಸಮಾಜಂ ಜೀವನೇನ ಶಿಕ್ಷಯೇಮ ।
ಮಾನುಕೂಲಾದರ್ಶಂ ವಯಂ ವೈ ಪಾಲಯಿತ್ವಾ ದರ್ಶಯೇಮ ।
ಜೀವನಂ ಸಂಸ್ಕೃತ ಹಿತಾರ್ಥಂ ಹ್ಯರ್ಪಿತಂ ಮನ್ಯಾಮಹೇ ॥ 3॥

ವಯಮಸಾಧ್ಯಂ ಲಕ್ಷ್ಯಮೇತತ್ ಸಂಸ್ಕೃತೇನ ಸಾಧಯನ್ತಃ ।
ತ್ಯಾಗಧೈರ್ಯಸಮರ್ಪಣೇನ ನವಲಮಿತಿಹಾಸಂ ಲಿಖನ್ತಃ ।
ಜನ್ಮಭೂಮಿಸಮರ್ಚನೇನ ಸರ್ವತಃ ಸ್ಪನ್ದಾಮಹೇ ॥ 4॥

ಭಾರತಾಃ ಸೋದರಾಃ ಸ್ಮೋ ಭಾವನೇಯಂ ಹೃದಿ ನಿಧಾಯ ।
ವಯಂ ಸಂಸ್ಕೃತಸೈನಿಕಾಃ ಸಜ್ಜೀತಾ ನೈಜಂ ವಿಹಾಯ ।
ಪರಮವೈಭವಸಾಧನಾಯಾ ವರಮಹೋ ಯಾಚಾಮಹೇ ॥ 5॥

ದೇವವಾಣೀಂ ವೇದವಾಣೀಂ ಮಾತರಂ ವನ್ದಾಮಹೇ
ಚಿರನವೀನಾಂ ಚಿರಪುರಾಣೀಂ ಸಾದರಂ ವನ್ದಾಮಹೇ ॥