ಸಿದ್ಧಿ ಬುದ್ಧಿ ಮಹಾಯೋಗ ವರಣೀಯೋ ಗಣಾಧಿಪಃ
ಯಸ್ಸ್ವಯಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 1 ॥

ಯಸ್ಯ ದತ್ತಾತ್ರೇಯ ಭಾವೋ ಭಕ್ತಾನಾ ಮಾತ್ಮ ದಾನತಃ
ಸೂಚ್ಯತೇ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 2 ॥

ಯೋಗಾ ಜ್ಜ್ಯೋತಿ ಸ್ಸಮುದ್ದೀಪ್ತಂ ಜಯಲಕ್ಷ್ಮೀ ನೃಸಿಂಹಯೋಃ
ಅದ್ವಯಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 3 ॥

ಯೋಗವಿದ್ಯಾ ಚಿತ್ರಭಾನುಂ ಚಿತ್ರಭಾನು ಶರದ್ಭವಂ
ಜ್ಞಾನದಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 4 ॥

ಗಣೇಶ ಹೋಮೇರ್ಕದಿನೇ ನಿತ್ಯಂ ಶ್ರೀಚಕ್ರ ಪೂಜನೇ
ದೀಕ್ಷಿತಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 5 ॥

ಅಗಸ್ತ್ಯಮುನಿ ಸಂಕ್ರಾಂತ ನಾನಾ ವೈದ್ಯ ದುರಂಧರಂ
ಭವಘ್ನಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 6 ॥

ವಾದ್ಯೋದಂಚ ದ್ದಿವ್ಯನಾಮ ಸಂಕೀರ್ತನ ಕಳಾನಿಧಿಂ
ನಾದಾಬ್ಧಿಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 7 ॥

ದತ್ತ ಪೀಠಾಧಿಪಂ ಧರ್ಮ ರಕ್ಷಣೋಪಾಯ ಬಂಧುರಂ
ಸತ್ಕವಿಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 8 ॥

ವಿಧೂತ ಭಕ್ತ ಸಮ್ಮೋಹ ಮವಧೂತಂ ಜಗದ್ಗುರುಂ
ಸ್ವಾಶ್ರಯಂ ಸಚ್ಚಿದಾನಂದಂ ಸದ್ಗುರುಂ ತಂ ನಮಾಮ್ಯಹಮ್ ॥ 9 ॥

ಸಾಧುತ್ವಂ ಭಕ್ತಿ ಮೈಶ್ವರ್ಯಂ ದಾನಂ ಯೋಗ ಮರೋಗತಾಂ
ಸನ್ಮತಿಂ ಜ್ಞಾನ ಮಾನಂದಂ ಸದ್ಗುರು ಸ್ತವತೋ ಲಭೇತ್ ॥ 10 ॥