സിദ്ധി ബുദ്ധി മഹായോഗ വരണീയോ ഗണാധിപഃ
യസ്സ്വയം സച്ചിദാനംദം സദ്ഗുരും തം നമാമ്യഹമ് ॥ 1 ॥

യസ്യ ദത്താത്രേയ ഭാവോ ഭക്താനാ മാത്മ ദാനതഃ
സൂച്യതേ സച്ചിദാനംദം സദ്ഗുരും തം നമാമ്യഹമ് ॥ 2 ॥

യോഗാ ജ്ജ്യോതി സ്സമുദ്ദീപ്തം ജയലക്ഷ്മീ നൃസിംഹയോഃ
അദ്വയം സച്ചിദാനംദം സദ്ഗുരും തം നമാമ്യഹമ് ॥ 3 ॥

യോഗവിദ്യാ ചിത്രഭാനും ചിത്രഭാനു ശരദ്ഭവമ്
ജ്ഞാനദം സച്ചിദാനംദം സദ്ഗുരും തം നമാമ്യഹമ് ॥ 4 ॥

ഗണേശ ഹോമേര്കദിനേ നിത്യം ശ്രീചക്ര പൂജനേ
ദീക്ഷിതം സച്ചിദാനംദം സദ്ഗുരും തം നമാമ്യഹമ് ॥ 5 ॥

അഗസ്ത്യമുനി സംക്രാംത നാനാ വൈദ്യ ദുരംധരമ്
ഭവഘ്നം സച്ചിദാനംദം സദ്ഗുരും തം നമാമ്യഹമ് ॥ 6 ॥

വാദ്യോദംച ദ്ദിവ്യനാമ സംകീര്തന കളാനിധിമ്
നാദാബ്ധിം സച്ചിദാനംദം സദ്ഗുരും തം നമാമ്യഹമ് ॥ 7 ॥

ദത്ത പീഠാധിപം ധര്മ രക്ഷണോപായ ബംധുരമ്
സത്കവിം സച്ചിദാനംദം സദ്ഗുരും തം നമാമ്യഹമ് ॥ 8 ॥

വിധൂത ഭക്ത സമ്മോഹ മവധൂതം ജഗദ്ഗുരുമ്
സ്വാശ്രയം സച്ചിദാനംദം സദ്ഗുരും തം നമാമ്യഹമ് ॥ 9 ॥

സാധുത്വം ഭക്തി മൈശ്വര്യം ദാനം യോഗ മരോഗതാമ്
സന്മതിം ജ്ഞാന മാനംദം സദ്ഗുരു സ്തവതോ ലഭേത് ॥ 10 ॥