సిద్ధి బుద్ధి మహాయోగ వరణీయో గణాధిపః
యస్స్వయం సచ్చిదానందం సద్గురుం తం నమామ్యహమ్ ॥ 1 ॥

యస్య దత్తాత్రేయ భావో భక్తానా మాత్మ దానతః
సూచ్యతే సచ్చిదానందం సద్గురుం తం నమామ్యహమ్ ॥ 2 ॥

యోగా జ్జ్యోతి స్సముద్దీప్తం జయలక్ష్మీ నృసింహయోః
అద్వయం సచ్చిదానందం సద్గురుం తం నమామ్యహమ్ ॥ 3 ॥

యోగవిద్యా చిత్రభానుం చిత్రభాను శరద్భవం
జ్ఞానదం సచ్చిదానందం సద్గురుం తం నమామ్యహమ్ ॥ 4 ॥

గణేశ హోమేర్కదినే నిత్యం శ్రీచక్ర పూజనే
దీక్షితం సచ్చిదానందం సద్గురుం తం నమామ్యహమ్ ॥ 5 ॥

అగస్త్యముని సంక్రాంత నానా వైద్య దురంధరం
భవఘ్నం సచ్చిదానందం సద్గురుం తం నమామ్యహమ్ ॥ 6 ॥

వాద్యోదంచ ద్దివ్యనామ సంకీర్తన కళానిధిం
నాదాబ్ధిం సచ్చిదానందం సద్గురుం తం నమామ్యహమ్ ॥ 7 ॥

దత్త పీఠాధిపం ధర్మ రక్షణోపాయ బంధురం
సత్కవిం సచ్చిదానందం సద్గురుం తం నమామ్యహమ్ ॥ 8 ॥

విధూత భక్త సమ్మోహ మవధూతం జగద్గురుం
స్వాశ్రయం సచ్చిదానందం సద్గురుం తం నమామ్యహమ్ ॥ 9 ॥

సాధుత్వం భక్తి మైశ్వర్యం దానం యోగ మరోగతాం
సన్మతిం జ్ఞాన మానందం సద్గురు స్తవతో లభేత్ ॥ 10 ॥