ಅವನಿತಲಂ ಪುನರವತೀರ್ಣಾ ಸ್ಯಾತ್
ಸಂಸ್ಕೃತಗಙ್ಗಾಧಾರಾ ।
ಧೀರಭಗೀರಥವಂಶೋಽಸ್ಮಾಕಂ
ವಯಂ ತು ಕೃತನಿರ್ಧಾರಾಃ ॥

ನಿಪತತು ಪಣ್ಡಿತಹರಶಿರಸಿ
ಪ್ರವಹತು ನಿತ್ಯಮಿದಂ ವಚಸಿ
ಪ್ರವಿಶತು ವೈಯಾಕರಣಮುಖಂ
ಪುನರಪಿ ವಹತಾಜ್ಜನಮನಸಿ
ಪುತ್ರಸಹಸ್ರಂ ಸಮುದ್ಧೃತಂ ಸ್ಯಾತ್
ಯಾನ್ತು ಚ ಜನ್ಮವಿಕಾರಾಃ ॥ 1 ॥

ಗ್ರಾಮಂ ಗ್ರಾಮಂ ಗಚ್ಛಾಮ
ಸಂಸ್ಕೃತಶಿಕ್ಷಾಂ ಯಚ್ಛಾಮ
ಸರ್ವೇಷಾಮಪಿ ತೃಪ್ತಿಹಿತಾರ್ಥಂ
ಸ್ವಕ್ಲೇಶಂ ನ ಹಿ ಗಣಯೇಮ
ಕೃತೇ ಪ್ರಯತ್ನೇ ಕಿಂ ನ ಲಭೇತ
ಏವಂ ಸನ್ತಿ ವಿಚಾರಾಃ ॥ 2 ॥

ಯಾ ಮಾತಾ ಸಂಸ್ಕೃತಿಮೂಲಾ
ಯಸ್ಯಾ ವ್ಯಾಪ್ತಿಸ್ಸುವಿಶಾಲಾ
ವಾಙ್ಮಯರೂಪಾ ಸಾ ಭವತು
ಲಸತು ಚಿರಂ ಸಾ ವಾಙ್ಮಾಲಾ
ಸುರವಾಣೀಂ ಜನವಾಣೀಂ ಕರ್ತುಂ
ಯತಾಮಹೇ ಕೃತಿಶೂರಾಃ ॥ 3 ॥

ರಚನ: ಡಾ. ನಾರಾಯಣಭಟ್ಟಃ