ಸುರಸ ಸುಬೋಧಾ ವಿಶ್ವಮನೋಜ್ಞಾ
ಲಲಿತಾ ಹೃದ್ಯಾ ರಮಣೀಯಾ ।
ಅಮೃತವಾಣೀ ಸಂಸ್ಕೃತಭಾಷಾ
ನೈವ ಕ್ಲಿಷ್ಟಾ ನ ಚ ಕಠಿನಾ ॥

ಕವಿಕುಲಗುರು ವಾಲ್ಮೀಕಿ ವಿರಚಿತಾ
ರಾಮಾಯಣ ರಮಣೀಯ ಕಥಾ ।
ಅತೀವ ಸರಳಾ ಮಧುರ ಮಞ್ಜುಲಾ
ನೈವ ಕ್ಲಿಷ್ಟಾ ನ ಚ ಕಠಿನಾ ॥

ವ್ಯಾಸ ವಿರಚಿತಾ ಗಣೇಶ ಲಿಖಿತಾ
ಮಹಾಭಾರತೇ ಪುಣ್ಯ ಕಥಾ ।
ಕೌರವ ಪಾಣ್ಡವ ಸಙ್ಗರ ಮಥಿತಾ
ನೈವ ಕ್ಲಿಷ್ಟಾ ನ ಚ ಕಠಿನಾ ॥

ಕುರುಕ್ಷೇತ್ರ ಸಮರಾಙ್ಗಣ ಗೀತಾ
ವಿಶ್ವವನ್ದಿತಾ ಭಗವದ್ಗೀತಾ ।
ಅತೀವ ಮಧುರಾ ಕರ್ಮದೀಪಿಕಾ
ನೈವ ಕ್ಲಿಷ್ಟಾ ನ ಚ ಕಠಿನಾ ॥

ಕವಿ ಕುಲಗುರು ನವ ರಸೋನ್ಮೇಷಜಾ
ಋತು ರಘು ಕುಮಾರ ಕವಿತಾ ।
ವಿಕ್ರಮ-ಶಾಕುನ್ತಲ-ಮಾಳವಿಕಾ
ನೈವ ಕ್ಲಿಷ್ಟಾ ನ ಚ ಕಠಿನಾ ॥

ರಚನ: ವಸನ್ತ ಗಾಡಗೀಲಃ